කැස්බෑව මෙන්ම පිට පළාත්වලද සියලු‍ම වාහනවල ස්වයංක්‍රීය විදුලි ක්ෂේත්‍රයේ සැපයුම් ආයතනයක් ලෙස කීර්ති නාමයක් දිනා ඇති දිවයිනේ ප්‍රමුඛ අයතනයක් වන විජය ඔටෝ ඉලෙක්ට්‍රිකල්ස් නිර්මාතෘ ජයරත්න පීරිස් මහතා කොළඹ පදනම් ආයතනයේ පසුගියදා පැවති Pride of Nation සම්මාන උළෙලේ විශේෂ ඇගයීමට ලක්විය.
Pride of Nation සම්මාන උලෙලේදී සම්මානයට පාත්‍ර වන්නේ කුමන හෝ ක්ෂේත්‍රයක විශේෂ සහ විශිෂ්ට සේවාවක් කළ ආයතන හෝ පුද්ගලයන් වීම හේතුවෙන් මෙහි අගය වඩාත් ඉස්මතුවේ. වසර 25 කට අධික කාලයක් විජය ඔටෝ ඉලෙක්ට්‍රිකල්ස් ආයතනය වර්තමානයේදි එහි දෙවන පරම්පරාව විසින් උසස් ලෙස පත්වාගෙන යාම විශේෂයෙන් ඇගයීමට ලක්විය යුතු බව විජය ඔටෝ ඉලෙක්ට්‍රිකල්ස් සේවාදායකයන්ගේද මතය වී තිබේ. තමා බොහෝ දුෂ්කරතා මධ්‍යයේ වසර 25 කට පෙර ආරම්භ කළ විජය ඔටෝ ඉලෙක්ට්‍රිකල්ස් මෙවැනි සුවිශේෂ ඇගයීමට ලක්වීම පිළිබඳව තමා අතිශය සතුටට පත් වන බව මෙහිදී ජයරත්න පීරිස් මහතා පවසන ලදි. මෙම ඇගයීම් සම්මානය ආභරණයක් නොව වගකීමක් සේ සලකා ඉදිරියේදී කටයුතු කරනා බව ජයරත්න පීරිස් මහතා පවසන ලදි.