චයිනා ලංකා මෝටර්ස් මාලඹේ, කඩුවෙල පාරේ ප්‍රදර්ශනාගාරයේදී හොන්රි විදුලි වාහන එළිදැක්වූ අතර එය ලංකාවේ විදුලි මෝටර් රථ භාවිතය වැඩිදියුණු කිරීම සඳහා ගත් වැදගත් පියවරක් සනිටුහන් කළේය.
මෙම අවස්ථාවට මහජන ආරක්ෂාව සහ පාර්ලිමේන්තු කටයුතු නියෝජ්‍ය අමාත්‍ය සුනිල් වටගල, හොන්රි අපනයන අධ්‍යක්ෂ ජේසන් වැන්ග්, හිටපු අමාත්‍ය දයාසිරි ජයසේකර සහ චයිනා ලංකා මෝටර්ස් හි සභාපති ප්‍රියන්ත කන්නන්ගර ඇතුළු අධ්‍යක්ෂ මණ්ඩලය සහ සම්භාවනීය අමුත්තෝ සහභාගී වූහ.
ප්‍රායෝගික, කාර්යක්ෂම, වියදම් අඩු සහ පහසු ගමනාගමනයක් සපයන ලෙස හොන්රි EVs නිර්මාණය කර ඇත. සංයුක්ත සැලසුම, බලශක්ති කාර්යක්ෂමතාව සහ පරිශීලක-හිතකාමී විශේෂාංග සමගින්, මෙම වාහන දිනපතා ගමනාගමනය සහ නගර ධාවනය සඳහා වඩාත් සුදුසු වේ. මෙම දියත් කිරීම, පුළුල් පාරිභෝගික කොටසකට වාහන හිමිකම අරමුණු කර ගෙන. 
අලෙවියෙන් පසු ශක්තිමත් සේවාවක් සහ පාරිභෝගික සත්කාරයෙන් විශ්වාසදායක විදුලි වාහන ලබා දීමෙන් ලංකාවේ දෛනික ජීවිතයට ගැළපෙන තිරසාර විදුලි ගමනාගමනය ප්‍රවර්ධනය කිරීම චයිනා ලංකා මෝටර්ස් අරමුණු කරයි.