ශ්රී ලංකාවේ ප්රමුඛතම සංචාරක හෝටල් සමූහයක් වන එයිට්කන් ස්පෙන්ස් සමූහයට අයත් හෙරිටන්ස් කණ්ඩලම (Heritance Kandalama) හෝටලයට ඉන්දියාවේ දිල්ලි නුවර ජාතික නූතන කලා ගැලරියෙහි ජෙෆ්රි බාවාගේ නිර්මාණ කලාව ආශ්රයෙන් පැවත්වෙන ගෘහ නිර්මාණ හා ඡායාරූපමය ප්රදර්ශනයේ වැදගත් තැනක් වෙන් කෙරී ඇත. මෙම ප්රදර්ශනය 'Geoffrey Bawa: It's Essential to Be There' යන තේමාව යටතේ පැවැත්වේ.
දිල්ලි නුවර පැවැත්වෙන ප්රදර්ශනය වසර 75 ක ඉන්දු ශ්රී ලංකා අන්තර් සබඳතා සංවත්සරය වෙනුවෙන් පැවත්වෙන අතර මැයි 07 වැනි දින දක්වා පැවැත්වෙන මෙම ප්රදර්ශනයට ජෙෆ්රි බාවා මහතාගේ නිර්මාණ හා සම්බන්ධ ලිපි 120 ක් ප්රදර්ශනය කෙරේ. මේ කිසිවක් මීට පෙර මහජන ප්රදර්ශනයක් සඳහා විවෘත කර නොතිබීම විශේෂත්වයකි.
මෙම ප්රදර්ශනය සඳහා එයිට්කන් ස්පෙන්ස් හෝටල් සමූහය ප්රධාන අනුග්රාහකයෙක් වශයෙන් සහය දක්වන අතර ඒ අනුව එයිට්කන් ස්පෙන්ස් සමූහය විසින් අප්රේල් 07 වැනි දින ආරාධිත අමුත්තන් වෙනුවෙන් පමණක් විවෘත විශේෂ ඉසව්වක් සංවිධානය කර තිබුණි. එම ඉසව්ව සුවිශේෂී ඉන්දීය ඡායාරූප ශිල්පියෙක් වෙන දයානිටා සින්ග් සහ ශ්රී ලාංකීය ගෘහනිර්මාණ ශිල්පියෙක් සහ ජෙෆ්රි බාවා මහතාගේ ශිෂ්යයෙක් වන චන්න දාස්වත්ත මහතා අතර සංවාදයක් ඇසුරෙන් පැවත්වුණි. මේ දෙදෙනාම බාවා මහතාගේ නිර්මාණ සම්බන්ධයෙන් විශේෂ හැදෑරීමක් ඇති අය වන අතර ශ්රී ලාංකික ගෘහ නිර්මාණකරණය තුළ සුවිශේෂී ජෙෆ්රි බාවා සලකුණ පිළිබඳව ගැඹුරු සංවාදයක් ඔවුන් විසින් සිදු කළේය. දාස්වත්ත මහතා හෙරිටන්ස් කණ්ඩලම හෝටලය නිර්මාණය කිරීමේදී විශාල කාර්යභාරයක් ඉටු කර ඇති අතර ලෝකයේ පළමු LEED සහතිකකරණය ලත් එමෙන්ම Green Globe සහතිකකරණය ලත් ආසියාවේ පළමු හෝටලය වන හෙරිටන්ස් කණ්ඩලම හෝටලය නිර්මාණය කළ ආකාරය සම්බන්ධව වැදගත් නිර්මාණ කරුණු රැසක් ඔහු විසින් සාකච්ඡාවට ගනු ලැබීය.
“අපට සිටි විශිෂ්ටතම ගෘහ නිර්මාණ ශිල්පියකු වන දේශමාන්ය ජෙෆ්රි බාවාගේ නිර්මාණ ලෝකයට ගෙන යාම සඳහා බාවා පදනම සමඟ කටයුතු කිරීමට ලැබීම අපට විශාල ගෞරවයක්. සොබාදහම සහ නූතන සුඛෝපබෝගීත්වය ඒකාබද්ධ කරමින් නිර්මාණය කරන ලද හෙරිටන්ස් කණ්ඩලම හෝටලය ඔහුගේ විශිෂ්ට නිර්මාණ අතර අතිවිශිෂ්ට නිර්මාණයක්. අපට ආවේණික සම්ප්රදායයන් සහ වටිනාකම් සංකේතීය වශයෙන් ආරක්ෂා කරගන්නා අතරම අලුත් ආකාරයට හිතමින් ලෝකයේ වර්තමාන අවශ්යතා සහ අනාගත අවශ්යතාද සපුරාලමින් කටයුතු කිරීමට අපේ නව පරපුරේ ගෘහ නිර්මාණ ශිල්පීන්ට මේ ප්රදර්ශනයෙන් පෙළඹවීමක් ඇති වේවි කියලා අපි හිතනවා” යැයි එයිට්කන් ස්පෙන්ස් සමූහයේ අධ්යක්ෂ, සංචරණය සහ විශ්රාන්තිය අංශයේ ප්රධානී, එයිට්කන් ස්පෙන්ස් හෝටල් කළමනාකරණ අංශයේ සභාපතිනි ස්ටෂානි ජයවර්ධන මහත්මිය ප්රකාශ කළාය.
ප්රායෝගික තත්ත්වයන්ට යෝග්ය වන පරිදි සොබා සෞන්දර්ය සහ සංචාරකයින්ගේ රුචිය මනාව සම්මිශ්රණය කරන ජෙෆ්රි බාවා මහතාගේ නිර්මාණයකරණය අනුව යමින් නිර්මාණය කර ඇති හෙරිටන්ස් කණ්ඩලම හෝටලය එය පිහිටා ඇති බෑවුම තුළින් මතුවන තටු විදහාගත් කුරුල්ලෙක්ගේ අත්තටු ආකාරයට නිර්මාණය කර ඇත. හෝටලය කිලෝමීටර් 1 ක දිගකින් සහ මහල් 7 කින් සමන්විත නමුත් එය අලංකාරව සහ ස්වභාවික ආකාරයට කඳු බෑවුම සමඟ යා වී ඇත. තවද හෝටලයට ආවේණික පැතලි වහළ, දැවමය කුළුණු සහ හෝටලය පුරා විසිරී ඇති තුරුලතා මෙන්ම ජෙෆ්රි බාවා මහතාටම අනන්ය වූ නිර්මාණයක් වන අභ්යන්තරයට හිරු එළිය ගෙන එන පුළුල් විවෘත ජනේල වැනි සුවිශේෂී අංගයන් ගණනාවක් නිසා හෙරිටන්ස් කණ්ඩලම හෝටලය අතිවිශිෂ්ට ආකාරයට සොබා දහම හා සවිමත්ව බද්ධ වී තිබේ.
දිල්ලි නුවර පැවැත්වෙන මෙම ප්රදර්ශනය තුළ වැදගත් තැනක් හෙරිටන්ස් කණ්ඩලම හෝටලයට හිමිවීම හරහා ජාත්යන්තර නිර්මාණ ශිල්පීන්, ශිෂ්යයන්, මාධ්යවේදීන් හා වැදගත් කලා රසිකයින් ඇතුළු විශාල පිරිසක් තුළ ශ්රී ලාංකීය ගෘහනිර්මාණ ශිල්පයේ සුවිශේෂී අනන්යතාව පිළිබඳව සාධනීය ප්රතිරූපයක් ගොඩනැංවීමට අවස්ථාව හිමි වී ඇත.
595
කොමර්ෂල් බැංකුව 2024 කැන්ටාර් ජනතා සම්මාන උළෙලේ දී අඛණ්ඩව දෙවැනි වසරටත් වසරේ මහජනතාවගේ පෞද්ගලික බැංකුව ලෙස කිරුළු පැළඳ, ශ්රී ලාංකේය ජනතාවට සමීපතම බැංක
සංවර්ධන මූල්ය දෙපාර්තමේන්තුව මගින් හඳුන්වා දී ඇති වී මිලදී ගැනීමේ ණය යෝජනා ක්රමය ක්රියාවට නංවන මූල්ය ආයතන අතරට සෙලාන් බැංකුව තෝරාගෙන තිබේ. මෙම පු
පිරිසුදු හාහරිත ශ්රී ලංකාවක් නිර්මාණය කිරීමේ අරමුණ පෙරදැරි ව ක්රියාත්මක වන,මෙරට කාර්මික අපද්රව්ය කළමනාකරණයේ පුරෝගාමියා ලෙස හැඳින්විය හැකි INSEE Ecocyc
මෙරට ප්රමුඛ පෙළේ ආයුර්වේද ඖෂධ නිෂ්පාදකයකු වන බීම් හෙළ ඔසු ලංකා පෞද්ගලික සමාගම Golden Inmediens 2023 සම්මාන උළෙලේදී වසරේ විශිෂ්ටම ආයුර්වේද නිෂ්පාදකයා ලෙස රිදී සම්
ඩයලොග් ආසිආටා පීඑල්සී, ආසිආටා බර්හාඩ් සමූහය සහ භාරතී එයාර්ටෙල් සමාගම ශ්රී ලංකාවේ තම මෙහෙයුම් ඒකාබද්ධ කිරීමට අදාළ නිශ්චිත ගිවිසුමකට අද (18) අත්සන් කළේය.
2023 වසරේදී තෙල් හා ගෑස් ප්රවාහන නෞකා 300 කට අධික සංඛ්යාවක් හම්බන්තොට ජාත්යන්තර වරායට (HIP)පැමිණ ඇතග 2022 වසරට සාපේක්ෂව යාත්රා පැමිණීමේ සියයට 132ක ඉහළ යෑමක් ද
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඉන්දියාවේ ජෙෆ්රි බාවා ප්රදර්ශනයේ හෙරිටන්ස් කණ්ඩලම හෝටලයට විශේෂ තැනක්