අලියාන්ස් සමාගම, Interbrand Best Global Brands 2025  2025  ශ්‍රේණිගත කිරීම් අනුව නොකඩවා සත්වැනි වරටත් ලොව අංක 1 රක්ෂණ සන්නාමය බවට පත්ව ඇත. මෙම වසරේදී අලියාන්ස්, ඉතිහාසයේ වාර්තා වූ ඉහළම සන්නාම වටිනාකම සහ ශක්තිමත්ම වර්ධනය ළඟා කර ගනිමින්, සිය සන්නාම වටිනාකම අමෙරිකානු ඩොලර් බිලියන 23.5 සිට අමෙරිකානු ඩොලර් බිලියන 28.2 දක්වා සියයට 20 කින් ඉහළ නංවා ගැනීමට සමත් වී ඇති අතර, ගෝලීය ශේණිගත කිරීම් අතරින් ස්ථාන දෙකකින් ඉහළට පැමිණ, එනම් 27 ස්ථානයට පත්ව ඇත.

මෙම සුවිශේෂී ජයග්‍රහණය අලියාන්ස් හි ශක්තිමත් මූල්‍ය කාර්ය සාධනය සහ එහි ගෝලීය සන්නාම උපාය මාර්ගයන්හි සාර්ථකත්වය පෙන්වන අතර, මෙම ජයග්‍රහණය සන්නාමයේ විශ්වාසනීයත්වය පිළිබඳ කීර්තිය ගෝලීය වශයෙන් තහවුරු කරයි.

අලියාන්ස් ඉන්ෂුවරන්ස් ලංකා ලිමිටඩ් සමාගම යනු ජර්මනියේ මියුනික් නුවර මූලස්ථානය කරගත්, රක්ෂණ සහ වත්කම් කළමනාකරණය පිළිබඳ ප්‍රවීණත්වයක් ඇති ගෝලීය මූල්‍ය සේවා සැපයුම්කරුවකු වන Allianz SE  හි පූර්ණ අනුබද්ධිත ආයතනයකි.