Elasto සමූහයේ සාමාජිකයකු වන Textrip (Pvt) Ltd ශ්‍රී ලංකාවේ රබර් නිෂ්පාදන කර්මාන්තයේ වසර 50කට ආසන්න අත්දැකීම් ඇති ප්‍රමුඛ සමාගමක් ලෙස ජාතික අපනයනකරුවන්ගේ සංගමය සංවිධානය කළ 2025 NCE අපනයන විශිෂ්ටතා සම්මාන උළෙලේදී රබර් හා රබර් ආශ්‍රිත නිෂ්පාදන අංශයේ විශිෂ්ටතා සම්මානයක් දිනා ගනිමින් ගෞරවයට පත් විය. මෙම සම්මානය Textrip  සමාගම ශ්‍රී ලංකාවේ අපනයන ආර්ථිකයට දක්වන දායකත්වය පිළිබඳ සාක්ෂියකි.

 එසේම ශ්‍රී ලංකා ජාතික කර්මාන්ත මණ්ඩලය සංවිධානය කළ 2025  NCE කර්මාන්ත විශිෂ්ටතා සම්මාන උළෙලේදී Textrip සමාගමට පළාත් මට්ටමේ රිදී සම්මානයක් සහ ජාතික මට්ටමේ ලෝකඩ සම්මානයක් හිමි විය. මෙම සම්මාන  Textrip සමාගම ශ්‍රී ලංකාවේ නිෂ්පාදන ක්ෂේත්‍රයේ පවත්වා ගෙන යන උසස් කාර්යසාධනය සහ නිෂ්පාදන ප්‍රමිති නැවත තහවුරු කිරීම  PRISL 2025 සම්මාන උළෙලේදී Most Outstanding Exporter of the Year ලෝකඩ සම්මානයද Textrip  සමාගමට හිමි විය. 

ලෝකයේ රටවල් 30කට වැඩි ගණනකට (ඇමරිකා එක්සත් ජනපදය සහ යුරෝපීය වෙළෙඳපොළ ඇතුළුව) නිෂ්පාදන අපනයනය කරමින් Textrip  ලීය වෙළෙඳපොළේ විශ්වාසය දිනා ඇත. මෙම ජයග්‍රහණ පිළිබඳ අදහස් දක්වමින්  Elasto සමූහයේ සභාපති සහ කළමනාකරණ අධ්‍යක්ෂ මංගල ගුණසේකර මහතා ප්‍රකාශ කළේ සමාගම කෙරෙහි විශ්වාසය තැබූ ජාත්‍යන්තර ගනුදෙනුකරුවන්ට සහ කැප වීමෙන් කටයුතු කරන සේවක මණ්ඩලයට සිය කෘතඥතාව පිරිනමන බවයි. 

Textrip සමාගම ලොව ප්‍රකට ක්‍රීඩා හා ශාරීරික සුවතා සන්නාම 100කට වැඩි සංඛ්‍යාවකට නිෂ්පාදන සපයමින් ගෝලීය වෙළෙඳපොළේ ශක්තිමත් ස්ථානයක් ගොඩ නඟා ගෙන ඇත.  TEXSTRETCH Progressive Exercise Resistance Band නිෂ්පාදන පෙළ සමාගමේ ප්‍රමුඛ නවෝත්පාදනයකි. Textrip සමාගම ISO 9001:2015, ISO 14001:2015, ISO 45001:2018, CET සහ REACH වැනි ජාත්‍යන්තර ප්‍රමිති යටතේ ක්‍රියාත්මක වේ.