ශ්‍රී ලංකාවේ Nissan සඳහා එකම බලයලත් බෙදාහරින්නා වන Associated Motorways (Private) Limited (AMW)), සිය නවතම Nissan Almerමෝටර් රථය, කොළඹ යුනියන් පෙදෙසේ Nissan  ප්‍රදර්ශනාගාරයේ පැවති විශේෂ උත්සවයක දී නිල වශයෙන් එළිදක්වන ලදී. මෙම අවස්ථාවට ගනුදෙනුකරුවන්, AMW හි ජ්‍යෙෂ්ඨ කළමනාකරණ කණ්ඩායම, Nissan නියෝජිතයන් සහ මාධ්‍ය සාමාජිකයන් එක් වූ අතර, මෙම මාදිලිය කෙරෙහි ඇති ශක්තිමත් වෙළෙඳපොළ උනන්දුව සහ විශ්වාසය ඉස්මතු කළේය.

වර්තමාන මෝටර් රථ හිමියන්ගේ අපේක්ෂා සපුරාලීම සඳහා නිර්මාණය කර ඇති Nissan Almera, Nissan Intelligent Mobility විශේෂාංග සුවපහසුව, උසස් ආරක්ෂාව සහ කැපී පෙනෙන ඉන්ධන කාර්යක්ෂමතාව සමගින් ස්මාර්ට් සෙඩාන් රථයක් ලෙස දේශීය වෙළෙඳපොළට පිවිසෙයි. VE Turbo CVT සහ VL Turbo CVT ශේණිවලින් AMW විසින් පිරිනමනු ලබන  Almera, තරුණ වෘත්තිකයන්, විධායකයන් සහ දිගු කාලීන වටිනාකමක් ලබා දෙන, ප්‍රායෝගික වාහනයක් සොයන සැමට සුදුසු මෝටර් රථයක් ලෙස ස්ථානගත කර ඇත.

Nissan හි විශේෂHRA0 1.0-ලීටර් ටර්බෝ එන්ජිම, රියදුරන්ට   ප්‍රතිචාරාත්මක බව, බලය සහ overtake කිරීමේ දී විශ්වාසය ලබා දෙයි. මෙම එන්ජිම උපරිම අශ්වබල 100ක් (Ps) සහ 152 Nm ටෝර්ක් බලයක් ජනනය කරමින්, සමාන්තර ටෝර්ක් (flat torque) හේතුවෙන් ශක්තිමත් හා ඉක්මන් වේග වර්ධනයක් සපයයි. “ඔබට අවශ්‍ය සියල්ල, ඔබට අවශ්‍ය වේගයෙන්” ලබාදෙන වාහනයක් ලෙස Nissan Almera  වෙළෙඳපොළේ ඉතා හොඳ ප්‍රතිචාරයක් ලබා ඇත. එන්ජිමට ඉන්ධන ඉතිරි කිරීම සඳහා වාහනය නවතා ඇති අවස්ථාවල ස්වයංක්‍රීයව එන්ජිම නවත්වන Idling Stop විශේෂාංගය ද එන්ජිමට ඇතුළත් වේ.

පාරිභෝගික අත්දැකීම් තවදුරටත් වැඩිදියුණු කරමින්, Nissan විසින් VE Turbo CVT සහ  VL Turbo CVT  ශේණි සඳහා Quole Modure ආසන හඳුන්වා දී ඇත. මෙම ආසන තාපය අඩු කර දිගු ගමන්වල දී පවා රියදුරන්ට සහ මගීන්ට වැඩි දියුණු කළ සුවපහසුව සහතික කරයි. මෙම වැඩිදියුණු කිරීම සහ ස්වයංක්‍රීය අගුළු ඇරීමේ සහ අගුළු ලෑමේ ක්‍රියාකාරීත්වය සහිත යතුර ශේණි දෙකටම එකතු කර ඇති අතර එය එදිනෙදා පහසුව සහ ආරක්ෂාව වැඩි දියුණු කරයි.

Nissan Almera රථය නවීන ජීවන රටාවට ගැළපෙන, සුවපහසු විශේෂාංග රැසකින් සමන්විත වේ. එහි පුළුල් මගී කැබින් එකක්, ඉදිරි සහ පසු ආසන සඳහා ප්‍රමාණවත් ඉඩකඩ සපයයි. සමබර ලෙස සැලසුම් කළ කැබින් ප්‍රදේශය (trunk), කෲස් පාලනය (cruise control), වයර්ලස් චාජරයක්, සහ අඟල් 8ක ටච්ස්ක්‍රින් තිරයක් සහිත නවීකරණය කළ ඉන්ෆොටේන්මන්ට් පද්ධතිය ද මෙයට ඇතුළත් වේ. Android Auto සහ Apple CarPlay  හරහා ස්මාර්ට්ෆෝන් සම්බන්ධතාව භාවිත කිරීමේ පහසුව සහ වාහනය තුළ විනෝදාස්වාදය තවත් වැඩි දියුණු කරයි.

බාහිරව, Almera රථයෙහි වැඩිදියුණු කළ V-Motion ග්‍රිල් එක සහ නව Nissan සන්නාම ලාංඡනය Nissan හි නිර්මාණශීලීත්වය ප්‍රදර්ශනය කරයි. මෙහි Nissan  හි සුප්‍රසිද්ධ Zero Gravity ඉදිරිපස ආසන, තෙහෙට්ටුව අඩු කිරීමට සහ දිගු රිය පැදවීම් සඳහා ස්වාභාවික ආසන ඉරියව්වකින් නිර්මාණය කර ඇත.

මෙම හඳුන්වා දීමේ අවස්ථාවට එක්වෙමින් AMW හි සමූහ කළමනාකාර අධ්‍යක්ෂ ජවහර් ගනේෂ් මහතා මෙසේ පැවසීය. “අද ලාංකික පාරිභෝගිකයා සැබවින්ම අගය කරන දේ වන, කාර්යක්ෂමතාව, ආරක්ෂාව, සහ සුවපහසුව ලබා දීම සඳහා නවතම Nissan Almera නිර්මාණය කර ඇත. Nissan  හි ගෝලීය විශේෂඥතාව සහAl-Futtai සමූහයේ නායකත්වය සමග AMW, ලෝක මට්ටමේ, වෙළෙඳපොළට අදාළ මෝටර් රථ විසඳුම් ලංකාවට ගෙන ඒම දිගටම කරගෙන යනු ලබයි.”

‘‘ලංකාවේ අපගේ බලයලත් බෙදාහරින්නා වන ඇසෝසියේටඩ් මෝටර්වේස් (පුද්ගලික) සමාගම හරහා Nissan Almera මිලදී ගන්නා පාරිභෝගිකයන්ට Nissan වෙතින් ප්‍රතිලාභ ලැබේ. එයට වසර තුනක හෝ කිලෝමීටර් 100,000ක Nissan  වගකීමක්, නියම Nissan  අමතර කොටස් සහ AMW හි රටපුරා සේවා ජාලය පුරා නිසාන් පුහුණුව ලත් කාර්මික ශිල්පීන්ගෙන් අලෙවියෙන් පසු සහාය ඇතුළත් පුළුල් හිමිකාරිත්ව යෝජනාවක් ඇතුළත් වේ. නව Nissan Almera අපගේ Nissan Magnite මෙන්ම ලංකාවේ අපගේ වටිනා ගනුදෙනුකරුවන්ට මනාව ගැළපෙනු ඇතැයි අපි විශ්වාස කරමු”‍ යනුවෙන් නිසාන් මෝටර් කෝපරේෂන් හි අලෙවියෙන් පසු සහ දකුණු ආසියානු ව්‍යාපාර ඒකකයේ අධ්‍යක්ෂ අතුල් අගර්වාල් මහතා පැවසීය.