ඇසෝසියේටඩ් මෝටර්වේස් (AMW) සමාගම මෑතක දී රොක්ලන්ඩ් ඩිස්ටිලරීස් (පුද්) සමාගමට නවතම නිසාන් මැග්නයිට් SUV රථ 26ක් භාර දුන් අතර, එමඟින් එහි වර්ධනය වන ආයතනික හවුල්කාරිත්වය ශක්තිමත් කරමින් සහ ප්‍රමුඛ පෙළේ ලාංකික ව්‍යවසාය සඳහා ප්‍රවාහන විසඳුම් ලබා දීම සඳහා වන කැපවීම නැවත තහවුරු කළේය.
නිල භාරදීමේ උත්සවයට සහයෝගීතාවට සම්බන්ධ ආයතන තුනේම ජ්‍යෙෂ්ඨ නියෝජිතයන් සහභාගී විය. AMW සමාගම නියෝජනය කළේ අලෙවි අධ්‍යක්ෂ ප්‍රසන්න ද සිල්වා, නිසාන් අලෙවි ප්‍රධානී ජගත් විජේසේකර, අලෙවිකරණ ප්‍රධානී උදාර ගුණසිංහ යන මහත්වරුය. රොක්ලන්ඩ් ඩිස්ටිලරීස් (පුද්) සමාගම නියෝජනය කළේ සමූහ විකුණුම් සහ වාණිජ උපායමාර්ග සාමාන්‍යාධිකාරී චතුර ගනේගොඩ මහතා සහ ප්‍රධාන මානව සම්පත් නිලධාරී ප්‍රාර්ථනා රණසිංහ මහත්මිය යි. මූල්‍ය හවුල්කාරිත්වයට පහසුකම් සැලසූ සෙන්ට්‍රල් ෆිනෑන්ස් සමාගමේ සහකාර සාමාන්‍යාධිකාරී වයි.එස්. නිරෝෂණ මහතා ද මෙම අවස්ථාවට සහභාගී විය.
රොක්ලන්ඩ් ඩිස්ටිලරීස් හි දීප ව්‍යාප්ත මෙහෙයුම් සඳහා සහාය වීම සඳහා නිසාන් මැග්නයිට් SUV රථ තෝරාගෙන ඇති අතර එය, ඉන්ධන කාර්යක්ෂමතාව, ප්‍රායෝගිකත්වය සහ නවීන ආරක්ෂක විශේෂාංගවල සංයෝජනයක් ලබා දෙයි. එහි සංයුක්ත SUV නිර්මාණය නාගරික පරිසරයන්හි කඩිසර බව ජය ගැනීම සහතික කරන අතරම දිගු දුර ගමන් සඳහා සුවපහසුව සහ විශ්වසනීයත්වය පවත්වා ගනිමින් රට පුරා බෙදාහැරීම් සහ විකුණුම් මෙහෙයුම් කටයුතු සඳහා හොඳින් ගැළපේ.
ලංකාවේ නිසාන් මෝටර් සමාගම සඳහා බලයලත් බෙදාහරින්නා ලෙස, AMW එහි වාහන පරාසය පුරා පුළුල් OEM (නිසාන්) වගකීම් ආවරණයක් සපයන අතර, වාහන පාරිභෝගිකයන් සඳහා දිගුකාලීන විශ්වසනීයත්වය ලබාදී, මෙහෙයුම් අවදානම අවම කරයි. සියලු‍ම මෝටර් රථ නිසාන් පුහුණුව ලත් කාර්මික ශිල්පීන් විසින්, නියම නිසාන් කොටස් සහ උපාංග භාවිතයෙන් නඩත්තු කරනු ලැබේ. මෙමගින් මෝටර් රථයේ හිමිකාරිත්වය පුරා අවශ්‍ය සියලු‍ සේවා මැනවින් ලබාගත හැක. AMW හි රට පුරා අලෙවියෙන් පසු සේවා ජාලය සහ කැපවූ ආයතනික විකුණුම් උපදේශනය මගින් මෝටර් රථ හිමිකාරිත්වයේ මුළු පිරිවැය අවම කිරීමට හැකියාව ලැබේ. 
රොක්ලන්ඩ් ඩිස්ටිලරීස් සමග සහයෝගීතාව සාර්ථක ප්‍රවාහන විසඳුම් ලබා දීමට AMW හි හැකියාව තවදුරටත් ඉස්මතු කරන අතර, ලංකාවේ ව්‍යාපාර වර්ධනය සඳහා සහාය වීම කෙරෙහි AMW හි අඛණ්ඩ අවධානය අවධාරණය කෙරේ.