බයිබලයේ සදහන් මහා ජලගැල්මෙන් බේරීමට නෝවා නැවක් තැනූවා මෙන් අනාගත ලෝක විනාශයකින් මනුෂ්‍යය වර්ගයා මෙන්ම සත්ත්ව හා ශාක ප‍්‍රජාවද ගලවා ගෙන ඔවුනට සෙවන සැළසීමේ සමත් අති විශාල අභ්‍යාවකාශ යානාවක් තැනීම සම්බන්ධයෙන් විද්‍යාඥයින්ගේ අවධානය යොමුව තිබේ.

මෙය පසුපස සිටින්නේ ඇමරිකා ගුවන් හා ගගන පර්යේෂණායතනය (නාසා),හා ඉකරස් නම් අභ්‍යාවකාශ යානා උපයෝගී කරගෙන පෘථිවියෙන් පිටත මනුෂ්‍ය ජනාවාස තැනීම සම්බන්ධයෙන් පර්යේෂණ පවත්වන ආයතනයකි.

ඉදිරි වසර 100 ඇතුළතදී බොහෝදුරට මෙවන් යානයක් තැනිය හැකිවනු ඇතැයි එම පර්යේෂණායතන කියයි.යානය සාදා නිමකෙරෙන දිනය කුමක් වුවද එවැන්නක අවශ්‍යතාවය නුදුරේදීම ඇති වනු ඇතැයි මේ සම්බන්ධයෙන් වන පර්යේෂණ කටයුතු වල නියැළී සිටින පර්යේෂකයින්ගේ අදහසයි.

මෙම යානය අභ්‍යාවකාශ ගවේෂණයේ යෙදීමටත් උපයෝගී කර ගැනීමට අපේක්ෂිතය.

යානයේ කි‍්‍රයාකාරීත්වය ඉතා සරලව පැහැදිලි කරන පර්යේෂකයින් එය සමකරන්නේ අභ්‍යාවකාශයේ ඉදිකෙරෙන තවත් ‘‘පෘථිවියක්‘‘ ලෙසටය.එකම වෙනස මෙම ‘‘පෘථිවිය‘‘ එහා මෙහා ගෙනයෑමට හැකිවීමය.

මෙම කෘතිම පෘථීවියේ සැබෑ පෘථීවියේ ලෙසම ගස් වැල්  පිරි පරිසරයන්,ගංගා ඇළ දොළ ආදියද ඇතිකෙරෙනු ඇත.පෘථීවියට සමාන වන පරිසර පද්ධතීන් එහි නිර්මාණය කෙරෙනු ඇත.

මෙවැන්නක් විද්‍යා චිත‍්‍රපටයක් නිපදවීමට හොද අදහසක් මෙන් පෙනුනත් මෙය සැබෑවටම දිනා ගත හැකි ඉලක්කයක්යැයි මේ සම්බන්ධයෙන් පර්යේෂණ පවත්වන පර්යේෂකයෝ පවසති.