සැන් බර්නාඩිනෝ හි වෙඩි තැබීමෙන් 14 දෙනකු මිය යාම සම්බන්ධයෙන් අදහස් දක්වමින් ඇමරිකා එක්සත් ජනපදයේ ජනපති බැරක් ඔබාමා කියා සිටියේ ත්‍රස්තවාදයේ සැලැස්ම වී ඇත්තේ අහිංසක මිනිසුන් ඝාතනය බවයි.

බියෙන් සිටිනවාට වඩා නිදහස ඉතාමත් බලවත් බවත් ඔබාමා පැවසීය. ජනපති ඔබාමා වැඩිදුරටත් කියා සිටියේ ඇමරිකාව ත්‍රස්තවාදයේ තර්ජන හමුවේ තවත් පරිණාමය වන බවයි. නමුත් මෙය ඇමරිකාව හා ඉස්ලාමය අතර යුද්ධයක් ලෙස අර්ථ නොදක්වන්නැයි ඔහු ඇමරිකානුවන්ට අවවාද කරමින් කියා සිටියේ ය.

එය ත්‍රස්තවාදය පරාජය කිරීමේ සටනක් විය යුතු බවත් අප මුස්ලිම් සමාජයද අපේ ශක්තිමත් මිත්‍ර පක්ෂයක් බවට පත් කරගත යුතු බවත් එසේ නොවී ඔවුන් ඉවතට තල්ලු කළහොත් එය සැකයට හා වෛරයට බඳුන්විය හැකි බවත් ඔබාමා පැවසීය.

ඔහු සිය කථාව අසා සිටි පිරිසට අවධාරණය කරමින් කියා සිටියේ මුස්ලිම් ඇමරිකා ජාතිකයන් ඇමරිකා සමාජයේ කොටසක් බවයි.

ඔවුන් අපේ නිල ඇඳුමින් සැරසී සිය කැමැත්තෙන් රටේ ආරක්ෂාව වෙනුවෙන් ජීවිත පූජා කර ඇති බව අපි සිහියේ තබා ගත යුතු බවත් ඔබාමා සඳහන් කළේය.

web_2015127_memorial