තදින්ම නිදා සිටින්නන් පවා අවදි කිරීමේ සමත් සංඥා (එලාම්) ඔරලෝසුවක් නිපදවීමට බි‍්‍රතාන්‍යය සමාගමක් සමත්ව තිබේ.

මෙම ඔරලෝසුවේ අධි බල ශබ්ද වාහිනියක්,හිස තබන කොට්ටය යට තැබිය යුතු පුවරුවක්,වේලාව දර්ශනය කිරීම සදහා විසල් පුවරුවක් ඇත.

නිදාගැනීමට පෙර උදෑසන නැගිටීමට අවැසි වේලාව ඔරලෝසුවට යොදා එහි සපයා ඇති පුවරුව කොට්ටය යටින් තබා ගත යුතුවේ. මෙම පුවරුව කොට්ටය යට තබාගත්තේයැයි නිදාගැනීමට කිසිදු අපහසුතාවයක් ඇති නොවෙතියි නිෂ්පාදකයෝ කියති.

උදෑසන නැගිටීමේ වේලාව එළැඹි විට මෙම ඔරලෝසුවේ වැඩකිඩ බැලිය හැකිය.

මුලින් කුඩා ශබ්දයක් නිකුත් කරන්නට පටන්ගන්නා ඔරලෝසුව නිදා සිටින්නා නොනැගිට එය වසා දමන්නේ නැති නම් තව තවත් ශබ්දය වැඩි කරමින් එය දුම්රියක් ධාවනය වන විට නැගෙන ශබ්දය මට්ටමටම ගෙන ඒ.මේ අතර කොට්ටය යට වූ පුවරුව කම්පනය වීමට පටන් ගන්නේ භූමිකම්පාවකට හසුවූවක් පරිද්දෙනි.

මෙයාකාර වධහිංසා මධ්‍යයේ නිදා සිටින්නෙක් නම් සිටීමට නොහැකි බව නිර්මාපකයින්ගේ අදහසයි.