සිරියාවේ සංක්‍රමණික දරුවකු වූ අයිලාන් නම් දරුවකුගේ මළ සිරුර තුර්කි වෙරලේ තිබී සොයාගැනීමත් සමග ලොව පුරා මහත් ආන්දෝලනයක් ඇති කිරීමට සමත්වී ඇතැයි විදෙස් පුවත් සේවා වාර්තා කරයි.

සිරියාවේ යුද්ධය හේතුවෙන් පළා එන සංක්‍රමණිකයන්ට කැනඩාව වැනි රටවල් ඉඩ සැලසීමට කටයුතු නොකිරීම හේතුවෙන් මෙවැනි මරණ සිදුවූ බවත් මෙම අයිලාන් දරුවාගේ පවුලම මුහුදු යාත්‍රවකින් වෙනත් රටකට යාමට උත්සාහ කිරීමේදී ජල රකුසාට ගොදුරුවී ඇතැයි කියති. බේරී ඇත්තේ අයිලාන්ගේ පියා වන අබ්දුල්ලා පමණක් වන අතර බෝට්ටුවේ සිටි 15ක් පමණ මරණයට පත්ව ඇතැයිද අයිලාන්ගේ සිරුර පසුගිය සතියේ තුර්කි වෙරළට ගොඩගසා තිබූ අයුරුද විදෙස් පුවත් සේවා වාර්තා කළේය.

එහිදී අයිලාන් මුණින් අතට වැටී මැරී සිටින ආකාරය ලොව පුරා සමාජ ජාල වෙබ් අඩවි ඔස්සේ ඉමහත් ජනප්‍රියත්වයට පත්වූ අතර විවිධ රටවල සංක්‍රමණිකයන් සම්බන්ධ නීති රීති පවා වෙනස් කිරීමට මෙම ඡායාරූප සමත්වූ බව කියති. මෑත ඉතිහාසයේ ලොව වැඩිම පිරිසක් නැරඹූ මෙන්ම ලොව පුරා වැඩියෙන්ම සංසරණය වූ ඡායාරූපය ලෙස අයිලාන් දරුවාගේ ඡායාරූපය ඉතිහාසයට එක්වන බවත් වාර්තාවේ.

ඒ අනුව හංගේරියාවේ රැඳී සිටින සිරියා ජාතිකයන් ඇතුළු මැදපෙරදිග හා උතුරු අප්‍රිකා සංක්‍රමණිකයන්ට ඔස්ට්‍රියාව දේශ සීමා විවෘත කිරීමද සිදුවිය.

webaylan_201596 webaylan_201596-2