කාන්තාවකට අසභ්‍ය වචනයෙන් බැණ වැදුණු ගිරවෙක් පොලිස් අත්තඩංගුවට පත් විය. ජන්බාර් සඛර්කාර් 85 වියැති කාන්තාවකි. අගේ සැමියාට වෙනත් විවාහක කාන්තාවක්ද සිටිති. සුරේෂ් එම කාන්තාවට දාව උපන් දරුවෙකි. සුරේෂ් තම සුළු මව කෙරේ තරහින් පසුවන අතර ඔහුගේ සුරතල් ගිරවාට අසභ්‍ය වචන උගන්වා තමාට  බැන වැදීමට සලස් වන බව සුළු මව  මහරාස්ට්‍රා ප්‍රාන්තයට අයත් චන්ද්‍රපුර් දිස්ත්‍රික්කයේ රජුරා පොලිස් ස්ථානයට පැමිණිලි කළාය. ඒ අනුව ක්‍රියාත්මක වූ පොලිසිය කාන්තාවත් ගිරවාත් ගිරවාගේ හාම්පුතා වන සුරේෂ්  පොලිසියට ගෙන්වා ඔවුන් සමාදාන කිරීමට උත්සහ කලත් ගිරවා නිසා එය කිරීමට නොහැකි වූ බව රජුරා පොලිසිය පවසයි. කාන්තාව දුටු සැනින් ගිරවා පොලිස් ස්ථානය දීම ඇයට ඉතා අසභ්‍ය වචනයෙන් බැණ වැදුණු බව පොලිසිය කියයි. ගිරවා මේ වන විටද පොලිසිය රදාවාගෙන සිටිති.