තමාට ලැබුණු දඩ කොළයක් සම්බන්ධයෙන් රුසියාවේ රියදුරකු පුදුමයට පත්ව ඇතැයි විදෙස් පුවත් සේවා වාර්තා කරයි.

ඔහුට තැපැල් මගින් දඩයක් නියමව ඇති බවට සඳහන් ටිකට් පතක් ලැබී ඇති අතර ඊට හේතුව වී ඇත්තේ ඔහු පැදවූ කාරයේ සෙවනැල්ල මාර්ගයේ තනි සුදු රේඛාව කැපීමයි.

තැපැල් මගින් රියදුරුට දඩ කොළයක් ලැබීම පිළිබඳ ඔහු නොසතුට පළ කරන අතර එහි ඡායාරූපයක් ද අන්තර්ගත කර ඇතැයි කියති.

මොස්කව් නගරයේ තමා රිය පදවමින් සිටියදී එසේ දඩ නියමව ඇතැයි ඔහු කියයි. ඔහු නිවැරදි මංතීරුවේ රිය ධාවනය කරන ආකාරය ඡායාරූපයේ දිස්වන අතර එම වාහනයේ සෙවනැල්ල සුදු ඉර කපන අයුරු එහි සටහන්වී ඇත.

මාර්ගයේ ඇති කැමරාවක එය සටහන්ව ඇති අතර මේ පිළිබඳ රියදුරා අන්තර්ජාලයට සටහනක් එක් කරමින් ‘ අඩු ගණනේ කාරයේ සෙවනැල්ල හෝ මාර්ග නීති කඩ කරන බව කියමින් අපට දඩ නියම කිරීමට කැමරාවලට වුවමනාවී ඇති බවයි‘ යනුවෙන් සටහනක් තබා ඇත.

රථවාහන පොලිසියට එරෙහිව ද ඔහු පැමිණිල්ලක් දමා ඇතැයි කියති.

බලධාරින් පවසා ඇත්තේ කැමරාවල තාක්ෂණික දෝෂයක් හේතුවෙන් මෙය සිදුව ඇති බවයි. ඔවුන් දඩය අවලංගු කරන බවටද පොරොන්දු වී ඇත.

web_trafficBEx7MQt