ඉරාන යුද නැව් දෙකක් යළිත් වරක් පෙරේදා (8) සුඩානයට පැමිණි බවත් ඒ ගැන තමන් විමසිල්ලෙන් පසුවන බවත් ඇමෙරිකාව පවසයි. සති පහක් ඇතුළතදී ඉරාන නැව් සුඩානයට පැමිණි දෙවැනි අවස්ථාව මෙයයි. මීට පෙර ඉරාන යුද නැව් දෙකක් සුඩානයට පැමිණියේ ඉකුත් නොවැම්බර් 30 වැනිදාය. ටොන් 1,400 ක් බරැති ජමාරාන් නමැති යුද නැව සහ ටොන් 4,700 ක් බරැති බුෂීර් නමැති යුද නැව සුඩානයට ගිය බව ඉරාන නාවික හමුදාව ද නිවේදනය කර ඇත. සුඩානයේ ඉහළ පෙළේ නාවික හමුදා නිලධාරීන් එම නැව් සාදරයෙන් පිළිගත් බව ද වාර්තා වේ. මේ සම්බන්ධයෙන් කනස්සල්ල පළ කරන ඊශ‍්‍රායලය පවසා ඇත්තේ ඉරාන යුද නැව් සුඩානය සමඟ එක් වී ආයුධ ජාවාරම් කටයුතුවල යෙදෙන බවය.