කියුබාවේ සිට ෆ්ලෝරිඩා දක්වා සැතපුම් 103ක් මුහුදු තීරය තරණය කරමින් නව වාර්තාවක් පිහිටුවීමට ඇමරිකා කාන්තාවක සමත් වුවාය. ඇය 64 හැවිරිදි ඩයනා නයඩ්ය. කියුබාවේ හෙමින්ග්වේ මරිනා වෙරළෙන් පිහිනීම ආරම්භ කළ ඇයට ෆ්ලෝරීඩාවේ කී වෙස්ට් වෙරළට ළගා වීමට පැය 53ක පමණ ගත විය.

මෝරුන්ගෙන් ආරක්‍ෂාවීම සඳහා ආරක්‍ෂිත කූඩුවක් නොපළඳාම, කියුබාවේ සිට ෆ්ලෝරිඩා දක්වා මෙම වෙළර තීරය තරණය කළ පළමු වැන්නා වීමේ වාර්තාව තැබීමට ඇය සමත් වූවාය.

මීට පෙරත් ඩයනා 2011, 2012 සහ 1978දී මෙම මුහුදු තීරය තරණය කිරීමට උත්සහ කර ඇතත් එම අවස්ථාවන් තුනම අසාර්ථක වී ඇත.

64 වියැති ආච්චි අම්මාගේ වාර්තාව ගැන ට්විටර් සමාජ ජාලයේ දෙස් විදෙස් සුභ පැතුම් පණ්විඩ විශාල සංඛ්‍යාවක් ලැබී තිබේ. මේ අතරින් ඇමරිකාවේ ජනාධිපති බැරක් ඔබාමා ‘කිසිදාක තම සිහිනයන් අත් නොහරින්න’ ලෙස පවසමින් ඇයට සුභ පැතුම් නිකුත් කර ඇත.