පොලිසියේ සහ ඇතැම් හමුදා නිලධාරීන් ද හවුල් වී තමාට එරෙහිව ආරම්භ කළ කැරැල්ලට නව ජනපති හසන්ගේ ද අනුමැතිය ලැබී ඇතැයි ධුරයෙන් සමුගත් මාලදිවයින හිටපු ජනාධිපති මොහොමඞ් නෂීඞ් චෝදනා කරයි. ඒ.එෆ්.පී. පුවත් සේවයේ මාධ්යවේදීන් හමුවේ හිටපු ජනපති නෂීඞ් කියා සිටියේ තමා බලයෙන් ඉවත් කිරීමට විපක්ෂය ගෙන ගිය කුමන්ත්රණයට නව ජනාධිපති මොහොමඞ් වහීඞ් හසන් ද සම්බන්ධ බවය. තමන්ට බලයෙන් ඉවත් වන්නැයි බල කළේ හසන් යැයි ද නෂීඞ් කියා සිටියි. ජනතා විරෝධය හමුවේ නෂීඞ් ඉකුත් 7 වැනිදා ජනපති ධුරයට සමුදුන්නේ එම අවස්ථාවේ උප ජනාධිපති ධුරය හොබවමින් සිටි වහීඞ් හසන්ට බලය පවරමිනි. නෂීඞ් ජනපති ධුරයෙන් ඉවත් වී පැය කිහිපයක් ගත වෙද්දී මාලදිවයින නව ජනාධිපතිවරයා ලෙස මොහොමඞ් වහීඞ් හසන් දිවුරුම් දුන්නේය. කැරැල්ල හට ගත් අවස්ථාවේදී හමුදා මූලස්ථානයට පැමිණි තමන්ට දක්නට ලැබුණේ දහ අට දෙනකුගෙන් සමන්විත පොලිස් සහ හමුදා නිලධාරීන් පිරිසක් හමුදා මූලස්ථානයේ බලය අල්ලා ගෙන සිටි බව යැයි ද මාධ්ය හමුවේ අදහස් දක්වමින් නෂීඞ් කියා සිටියේය. එහිදී එම නිලධාරීන් තමාට ඉල්ලා අස්වන ලෙස බල කර සිටි අතර එසේ නොවුණ හොත් ඔවුන් බලය යෙදීමට කටයුතු කරන බවට තර්ජනය කළ බවත් හිටපු ජනාධිපතිවරයා වැඩිදුරටත් කියා සිටියේය. ”ඔවුන් මට කළේ තර්ජයක්. ඒ නිසා මට සිද්ධ වුණා රටේ ජනතාවගේ ආරක්ෂාව වෙනුවෙන් තීරණයක් ගැනීමට. විපක්ෂයේ මේ කුමන්ත්රණය පසුපස සිටින්නේ හසන්” යැයි නෂීඞ් අවධාරණය කරයි. කෙසේ නමුත් නව ජනාධිපතිවරයා ලෙස දිවුරුම් දුන් හසන් පවසන්නේ එම කැරැුල්ලට තමාගේ කිසිදු සම්බන්ධයක් නොමැති බවත් නීතිය අකුරටම රට තුළ කි්රයාත්මක කිරීමට තමා බැඳී සිටින බවත්ය. තුන් ලක්ෂයකට ආසන්න ජනගහනයක් වෙසෙන සංචාරක පාරාදීසයක් වන මාලදිවයින් දූපත් රාජ්යය, වසර 30 ක් තිස්සේ පැවැති අබ්දුල් ගයුම්ගේ ඒකාධිපතිවාදී පාලනය අවසන් කර රටට ප්රජාතන්ත්රවාදය ගෙන ආවේ නෂීඞ්ය. ඒ, 2008 වසරේ ඔක්තෝබර් මාසයේ පැවැති ජනාධිපතිවරණයෙනි. නෂීඞ් සිය ධුරයෙන් සමුගත්තේ තව දුරටත් බලයේ රැඳී සිටිමින් ජනතාව මර්දනය කිරීමට තමාගේ කිසිදු අදහසක් නැති බවත් විපක්ෂය චෝදනා කරන අන්දමට තමන් ඒකාධිපති පාලකයකු නොවන බවත් පවසමිනි.
වොෂින්ටන් අගනුවරට පැමිණ සිටින ඊශ්රායල අග්රාමාත්ය බෙන්ජමින් නෙදන්යාහු සහ ඇමෙරිකන් ජනාධිපති ජෝ බයිඩන් අතරේ හමුවක්, ධවල මන්දිරයේ දී පැවැත්විණි.
ඇමෙරිකා උප ජනාධිපතිනි කමලා හැරිස් සහ ඊශ්රායල අග්රාමාත්ය බෙන්ජමින් නෙදන්යාහු අතරේ හමුවක් පැවැත්වුණු අතර, එහිදී ඇමෙරිකන් උප ජනාධිපතිනිය, ඊශ්රායල
ඇමෙරිකන් ජනාධිපතිවරණය නොවැම්බර් පස් වැනිදා පැවැත්වෙන අතර ප්රතිවාදී රිපබ්ලිකන් පක්ෂයෙන් ඊට ඉදිරිපත් වන හිටපු ජනාධිපති ඩොනල්ඞ් ට්රම්ප් සහ වත්මන් උ
රාජකීය නිල සංචාරයක් සඳහා ග්රීන්ලන්තයට ගිය ඩෙන්මාර්කයේ මේරි කුමරිය විදුලි යතුරු පැදියක හැපීමෙන් අකරතැබ්බකට මුහුණ දුන්නාය. යතුරු පැදියේ හැපුණු 52 හැව
වසර පහක විරාමයකින් පසු ඉන්දියාවත් ලිපියාවත් අතර යලිත් වරක් රාජ්ය තාන්ත්රික සබඳතා ආරම්භ වී තිබේ. රාජ්ය තාන්ත්රික සබඳතා ආරම්භ වූයේ ඉන්දියාව, යළිත්
බටහිර අප්රිකාවේ වෙරළේ මොරිෂානියාවට ඔබ්බෙන් මුහුදේ දී අනවසර සංක්රමණිකයන් රැගත් බෝට්ටුවක් අනතුරට පත් විය. එයින් 15 දෙනෙකු මියගිය බවත්, 150 කට වැඩි පිරිස
ශ්රී ලංකා ඉන්ෂුවරන්ස් ලයිෆ් සහ ජෙනරල්, ආපදා කළමනාකරණ මධ්යස්ථානය සමඟ එක්ව පසුගියදා ඇති වූ ගංවතුර තත්ත්වය හේතුවෙන් ගම්පහ, රත්නපුර සහ මාතර දිස්ත්ර
වැලිබල් ෆිනෑන්ස් ගෙවුණු වසර 17ක කාලය පුරාවට ශ්රී ලංකාවේ මූල්ය ආයතනයන් අතර ප්රමුඛස්ථානයක් හිමි කර ගනිමින් 2023/24 මූල්ය වර්ෂයේදී සිය මූල්ය විශිෂ්ටත
බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්රදායන් මුල් කරගනිමින් ශ්රී පාද ස්ථ
මා බලයෙන් නෙරපීමේ කුමන්ත්රණයට වත්මන් ජනපති වහීඞ් හසන් සම්බන්ධයි