IMG-LOGO

‘‘පරිසරය විනාශ කිරීමේ වගකීම අරගෙන ඇත්තේ මෙරට ඇතැම් දේශපාලඥයින්‘‘ - ජනපති

(කුෂාන් ජයවර්ධන)

ඇතැම් දේශපාලඥයින්ගේ ආශිර්වාදය මැද ගෙවුන වසර 50-60 තුළ මෙරට සිදු කර ඇති බරපත, පරිසරය විනාශය නිසාම තමන් ජනාධිපතිධූරයට පත්වීමෙන් පසු පරිසර අමාත්‍යංශය බාර ගැනීමට හේතු වූ බව ජනාධිපති මෛත‍්‍රSපාල සිරිසේන මහතා පැවැසීය.

දකුණු ආසියාවේ පිහිටි විශාලතම රෝස තිරුවානා නිධිය පිහිටි  ගල්කිරියාගම ජාතික නාමල් උයනේ අද (26) පැවැති උත්සවයක් අමතමින් ජනාධිපතිවරයා එසේ කීය.

මධ්‍යම සංස්කෘතික අරමුදල මගින් ජාතික නාමල් උයන සංවර්ධන කටයුතු ආරම්භ කිරීමත් එහි අභීනවයෙන් ඉදිවන භාවනා මධ්‍යස්ථානයේ කටයුතු ඇරඹීමත් වෙනුවෙන් එම උත්සවය සංවිධානය කර තිබිණ.

ජාතික නාමල් උයන නිර්මාතෘ වනවාසී රාහුල හිමියන්ගේ ප‍්‍රධානත්වයෙන් එම උත්සවය සංවිධානය කර තිබිණ.

එහිදී අදහස් දැක්වූ ජනාධීපති මෛත‍්‍රීපාල සිරිසේන මහතා මෙසේ කීය.

 ‘‘පරිසරය විනාශ කිරීමේ ප‍්‍රධාන වගකීම අරගෙන ඇත්තේ මෙරට ඇතැම් දේශපාලඥයින්. ඔවුන් තම බලය පාවිච්චි කරල තමාගේ ගෝල බාලයින් සම`ග පහුගිය වසර 50-60 ඇතුලත මෙරට කරලා තියෙන ස්වභාවික සම්පත් විනාශය ජාතියේ අවාසනාවක්.

අපේ රටේ වන ඝනත්වය තිබෙන්නේ 28-29 පමණ. අපේ රටේ වසරකට වරක් 1.5ක් පමණ වනන්තර විනාශ වෙනවා. රටේ තිබෙන ජලමූලාශ‍්‍ර ජල උල්පත් සියල්ල විනාශ කරන්න වගේම අහසින් වැටෙන වැසි බිදු අපට නොලැබෙන්නත් කරන මහා පාපකර්මයක්. ඒ නිසා අප සෑම විටම අපේ ස්වභාවික සම්පත් රැක ගත යුතුයි.

මම රටේ ජනාධිපතිවරයා ලෙස බලයට පත්වූ අවස්ථාවේ මට යෝජනා කළා ආණ්ඩුක‍්‍රම ව්‍යවස්ථාවට අනුව ලැබෙන ආරක්ෂක අමාත්‍යධූරය අමතරව රටේ සංවර්ධනය සඳහා ගන්න කැමැති  ඕනෑම අමාත්‍යංශයක් ගන්න කියලා. ඒ යෝජනාව කරපු වෙලාවේ මම එක තත්ත්පරයක්වත් පසු බාන්නේ නැතිව මම කිව්වේ ආරක්ෂක අමාත්‍යංශයට අමතරව මට පරිසර අමාත්‍යංශය ලබා දෙන්න කියලා.

මම එහෙම ඉල්ලූවේ මම දැක්කා ඊට පෙර මේ රටේ ස්වභාවික සම්පත් විනාශ කරන්න මොන තරම් දේශපාලන බලයේ ආශීර්වාද ලැබුණද කියලා.

ඔබ දන්නවා පසුගිය වසර 3-4 ගත්තම මේ ප‍්‍රදේශය වගේම අපි බරපතල නිය`ගයකට මුහුණ දුන්නා අපිට සහල් පිටරටින් ගේන්න සිද්ධ වුණා. මේ පැත්තේ අවුරුදු 3-4ක් නිය`ගය අනික් පැත්තේ ගංවතුර ඒ තත්ත්වයන්ට ප‍්‍රධාන වශයෙන් හේතුව අපේ ස්වභාවික සම්පත් විනාශ කර තිබෙන එක.

වනන්තරය මහ ගල්පරුවත පස් කපලා වැලි ගොඩදාලා ඒ සියල්ල පහුගිය අවුරුදු 50කට වැඩි කාලයක් විනාශ කිරීමේ ප‍්‍රතිපලයතමයි අපි අද අත්විදින්නේ.  

මම පරිසර සංරක්ෂණය සඳහා යුද ,නාවික, ගුවන් ත‍්‍රිවිධ හමුදාවම යොදවලා තියෙන්නේ. රටේ වනාන්තර විනාශ කරනවද ගස් කපනවද කියන සිය`ථ තත්ත්වන් අධිතාක්ෂනය යොදා ගෙන ගුවන් හමුදාව මගින් නිරීක්ෂණය කර මට වාර්තා කරනවා. ඊට අමතරව සියලූ වනාන්තර ආරක්ෂා කිරීම සම්බන්ධයෙන් කටයුතු කරන්න යුද හමුදාවට බලය පවරලා තියෙනවා. අපේ  දැව ඇතුලූ ස්වභාවික සම්පත් රටෙන් එළීයට ගෙනයනවද කියලා නාවික හමුදාව මගින් නීරීක්ෂනය කරනවා.

පළමු වතාවට තමයි ත‍්‍රීවිධ හමුදාව මේ රටේ පරිසර සංරක්ෂණයට ගස කොල ඇල දොළ මහපොලොව සතා සිව්පාවා රකින්න පාවිච්චි කරලා තිබෙන්නේ. මම ඉතාම සතුටු වෙනවා අපේ ත‍්‍රිවිධ හමුදාව යුද්ධ කරන්න වගේම මේ රටේ ස්වභාවික සම්පත් ආරක්ෂා කරන්න ඉහළම දක්ෂකම් පෙන්වමින් බොහොම කැප කිරීමක් කරනවා.

පොලිසිය ඇතුලූ ආරක්ෂක අංශ මේ සඳහා කරන කැප කිරීම ඉතාමත් විශිෂ්ඨයි.

ගුවන් හමුදාපතිතුමා සති දෙක තුනකට වතාවක් මට එවන වාර්ථාව යම් කිසි ප‍්‍රදේශයක වනය විනාශ කරන බවක් පෙන්නුම් කරනවනම් ඒ ප‍්‍රදේශය භාර නියෝජ්‍ය පොලිස්පතිවරයාට මම දන්වනවා ඒ සම්බන්ධයෙන් අවශ්‍ය පියවර වහාම ගන්නැයි කියලා.

රටේ ස්වභාවික සම්පත් ආරක්ෂා කරන්න විවිධ ආයතන රැසක් තිබියදී ත‍්‍රිවිධ හමුදාව මේ සඳහා යෙදෙව්වේ මෙහි තිබෙන වැදගත් කමත් සමඟ හෙට දවසේ දරුවන්ට යහපත්වූ රටක් සමාජයක් ගොඩ නගන්නයි.

ඊට අවස්ථාව ලැබෙනුයේ අනූන වූ ස්වභාවික සම්පත්වලින් සපිරි මේ සුන්දර වූ රටේ ස්වාභාවික සම්පත් ආරක්ෂා කලොත් පමණයි.

අතීත රජදවසේ 4වන දප්පුල රජතුමා විසින් නාමල් උයන ඇති කිරීම සඳහා එතුමාගේ කාලයේ කටයුතු කළ බවක් දැක්වෙන සෙල් ලිපි පවතින බව මට දැනගන්න ලැබුණා. ඒ නිසා මේ සියල්ල අපි ආරක්ෂා කළ යුතුයි.

බුදුන් වහන්සේලා බුද්ධත්වය ලබන්න සිය සෙවනට ගත්තේ නා ගසක් බෝ රුඛක්. මගේ මතකයේ හැටියට බුදුන් වහන්සේලා වැඩි පිරිසක් බුද්ධත්වය ලබන්න සෙවන ලෙස යොදාගෙන තිබෙන්නේ නා ගස. එවන් වූ නා ගස්වලින් පිරි ජාතික නාමල් උයන රැකගන්න රාහුල හිමියන් කළ අති මහත් කැප කිරීමට ජාතියේම ගෞරවය උන්වහන්සේට හිමිවනවා. රටට ආදරය කරන සෑම කෙනෙකුගේම ගෞරවය ඔබ වහන්සේට පිරිණැමෙනවා.‘‘ යැයි ද ජනාධිපතිවරයා වැඩිදුරටත් පැවැසීය.

සංස්කෘතික කටයුතු අමාත්‍ය විජයදාස රාජපක්ෂ, අනුරාධපුර දිස්ත‍්‍රීක් පාර්ලිමේන්තු මන්ත‍්‍රී චන්දිම ගමගේ යන මහත්වරුන් ද උතුරු මැද පළාත් ආණ්ඩුකාර එම්.පී.ජයසිංහ මහතා මෙන්ම ප‍්‍රාදේශීය දේශපාලනඥයින් රැසක්ද මහ සංඝරත්නය ද මධ්‍යම සංස්කෘතික අරමුදල ඇතුලූ  රාජ්‍ය ආයතන සක ප‍්‍රධානීහු ද විදේශීය ආරාධීතයින් රැසක් ද එම අවස්ථාවට එක්වූහ.



අදහස් (2)

‘‘පරිසරය විනාශ කිරීමේ වගකීම අරගෙන ඇත්තේ මෙරට ඇතැම් දේශපාලඥයින්‘‘ - ජනපති

Raveendra Friday, 27 July 2018 05:11 AM

දේශපාලඥයින් විසින් කිසිවිට කිසිදින තම උපන් මවුබිමේ සම්පත්, පරිසරය හෝ දියුණුවට ඇති මංමාවත් විනාශ නොකරන්නෝය. රටේ මුල් පුරවැසිය විසින් " දේශපාලුවන්ට " වැරදි අර්ථකතනයක් දීමෙන් අපගේ මෙන් ඔබගේත් මවුබසට නිගරුකර ඇතිබවක් කනගාටුවෙන් උවද කිවයුතුය. රටේ මුල් පුරවැසියාට මෙන් අනෙකුත් පුවවසියන් සැමගේ දැනගැනුම සදහා දැනුම වර්ධනය කර ගැනීම සදහා "දේශපාලඥය" යන වැදගත් වචනයේ නියම අර්ථය නැවත්ත මෙසේ සදහන් කිරීමට කැමැත්තෙමු. "දේශපාලඥය" යනු තමන් උපන් මවුබිමේ ආරක්ෂාව, දියුණුව, රටවැසියන්ගේ සුබ සිද්දිය හා පැවැත්ම වෙනුවෙන් දුරදිග බලා ඥනාන්විත ලෙස නිර්බිතව ,ඍජුව තීන්දු, තීරණ ගන්නා පුරවැසියන්ටය.අද අප රටේ 225 න් කීදෙනෙකු මෙම වැදගත් වචනයට අදාළ වන්නේද යන්න අප සැම " මුසල පක්ෂ, පාටවලින් තොරව " අපගේ සිත්වලට එකගව සිතා බැලීමෙන් අපටම"දේශපාලඥය" යනු කවුරුන්ද යන්න වටහා ගැනීමට එතරම් අපහසු නොවන්නේය.

:       0       37

THILAK Sunday, 05 August 2018 09:26 AM

ඔබතුමාත් අවුරුදු 40ක් තුළ මේවට වගකීම බාරගත යුතුයි.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 50 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15544 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 527 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

Our Group Site