IMG-LOGO

‘එජාපයේ ඉදිරි ජනාධිපති අපේක්ෂක වන්නේ අගමැතිවරයායි‘

(කාංචන කුමාර ආරියදාස)


ඉදිරි ජනාධිපතිවරණය සඳහා එක්සත් ජාතික පක්ෂ නායක රනිල් වික්‍රමසිංහ මහතා තම පක්ෂය විසින් ඉදිරිපත් කිරීමට නියමිත බවත් එතුමාට එයට බාධාවක් තිබෙනවා ද එතුමාගේ වෙන මතයක් තිබෙනවා ද යන්න එතුමා විසින් තීරණය කළ යුතු බවත් වනජීවී අමාත්‍ය ෆීල්ඩ් මාර්ෂල් සරත් ෆොන්සේකා මහතා පැවසීය. 


මාතලේ නාවුල ප්‍රදේශයේ පැවැති රැස්වීමකින් අනතුරුව මාධ්‍යවේදීන් නැඟු ප්‍රශ්නයකට පිළිතුරු දෙමින් අමාත්‍යවරයා මේ බව සඳහන් කළේ ය.


ජනාධිපතිවරණය සඳහා ඉදිරිපත් වීමට නොයෙක් නොයෙක් නම් යෝජනාවී තිබෙන  බවත් සමහර අය ආවොත් ඒ අයට ඇප මුදල වුණත් බඳින්න සූදානම් යැයි ප්‍රකාශයක් කර ඇති බව ද හෙතෙම ඉඟි පළ කරන්නට විය.


 එවැනි අය ජනාධිපතිවරණයට එන එක හොඳ බවත් එහෙත් එන්නට පෙර සිරගත වුවහොත් එය පාඩුවක් බව සඳහන් කළේය.


අග්‍රාමාත්‍ය රනිල් වික්‍රමසිංහ මහතා මේ දිනවල සිංගප්පූරු සංචාරයක නිරතව සිටියද අර්ජුන මහේන්ද්‍රන් සමඟ  කිසිදු සම්බන්ධයක් නොමැති බවට අග්‍රාමාත්‍යවරයා ප්‍රකාශ කර තිබෙන බවත් ෆීල්ඩ් මාෂල් සරත් ෆොන්සේකා මහතා වැඩිදුරටත් සඳහන් කළේය. 


එමෙන්ම අර්ජුන් මහේන්ද්‍ර කොහේ ඉන්නවාද යන්න කිසිවෙක් නොදන්නා බවද හෙතෙම සඳහන් කළේය. එහෙත් හිටපු ජනාධිපති මහින්ද රාජපක්ෂ මහතා විදේශ ගත වූ පසු දුටු තැන අල්ලන්න රතු නිවේදන නිකුත් කර ඇති අයගේ නිවෙස්වලට ගොස් කා බී එකට සිටින බව හෙතෙම සඳහන් කළේ ය.


රටේ වර්තමාන දේශපාලන තත්වය පිළිබඳව අදහස් දැක්වූ ෆීල්ඩ් මාෂල් සරත් ෆොන්සේකා මහතා කියා සිටියේ මෙම රජය තවදුරටත් ඉදිරියට පවත්වාගෙන යන බවයි. විපක්ෂය  වීවිධ අවලාද නැගුවද එය රජයට ප්‍රශ්නයක් නොවන බවත් අතීතයේ සිදුවූ ඉතාම හානිකර සිද්ධීන් ඇති වෙන්න රට තුළ ඉඩ නොතබන බවද සඳහන් කළේය.


පසුගිය මැතිවරණයේ දී රජය පිළිබඳව  කුඩා කුඩා ප්‍රශ්න පැවතියද රැකියා පිළිබඳ ප්‍රශ්නය පැවතුනද එහෙත් රටේ බඩු මිල ඉන්ධන මිල තවමත් ඉතා පහළ මට්ටමක පවතින බව හෙතෙම සඳහන් කළේය.



අදහස් (3)

‘එජාපයේ ඉදිරි ජනාධිපති අපේක්ෂක වන්නේ අගමැතිවරයායි‘

shan saudi Monday, 09 July 2018 07:47 AM

ඒ කියන්නේ ගෝඨාබය හෝ මහින්ද විසින් තෝරන කෙනෙක් රටේ ජනපති වෙනවා කියන එකනේ...

:       27       61

kalani Monday, 09 July 2018 08:13 AM

බැලුමක් උඩ යන්නේ පාට අනුව නොව එය පුරවා ඇති වායුව අනුවයි.

:       0       0

shan saudiMonday, 09 July 2018 10:46 AM

වෙලා තියෙන්නේ මේ ආණ්ඩුවෙන් පුරවන්නේ වායු වෙනුවට ජලයනේ ඉතින් උඩ යයිද?

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 21 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15452 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 526 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

Our Group Site