( තිළිණි ද සිල්වා )
පවතින සංචරණ සීමා යටතේ වුවද කර්මාන්තකරුවන්ට සිය නිෂ්පාදන නැව් ගත කිරීම, අමුද්රව්ය ආනයනය වැනි අත්යාවශ්ය කාර්යයන් බාධාවකින් තොරව පවත්වාගෙන යාමට අවශ්ය කටයුතු ශ්රී ලංකා ආයෝජන මණ්ඩලය විසින් සම්පාදනය කර ඇතැයි එම මණ්ඩලයේ සභාපති සංජය මොහොට්ටාල මහතා පවසයි.
පවතින අවදානම් තත්ත්වය මත වුවද සෞඛ්ය මාර්ගෝපදේශයන්ට අනුකූලව සේවක ආරක්ෂාව මත නිෂ්පාදන ක්රියාවලිය අඛණ්ඩව පවත්වාගෙන යාම ජාතික වගකීමක් වන බැවින් ඊට අවශ්ය මාර්ගෝපදේශයන් හා පහසුකම් ශ්රී ලංකා ආයෝජන මණ්ඩලය නිරතුරුව ලබා දෙන බවද සභාපතිවරයා කීය.
කොවිඩ්19 වෛරසය පෙර පැවති තත්ත්වයට වඩා මෙවර අවදානම ඉහල බැවින් කම්හල් තුල ජෛව ආරක්ෂක බුබුලක් ලෙස ක්රියාත්මක වෙමින් නිෂ්පාදන කටයුතු සිදු කිරීමට මේ වන විටත් උපදෙස් ලබා දී ඇති බව ද අයෝජන මණ්ඩල සභාපතිවරයා වැඩිදුරටත් කීය.
කම්හල් උපරිම සේවක ආරක්ෂාවක් මැද රෝගය පැතිරීම අවම මට්ටමේ පවත්වාගැනීම ශ්රී ලංකා ආයෝජන මණ්ඩලයේ අපේක්ෂාව යැයිද හෙතෙම කීය.
දැඩි අවධානම් ප්රදේශවල පවතින කම්හල් සේවක සේවිකාවන් හට එන්නත් කරණයේදී ප්රමුඛතාවය ලබා දෙන ලෙස මේ වනවිටත් අදාල බළධාරීන්ගෙන් ඉල්ලා ඇති බවත් ,ඒ අනුව නුදුරු දිනයකදී එම එන්නත් ලැබීමද සිදු වන බවද මොහොට්ටාල මහතා පැවසීය .
කර්මාන්ත ශාලා පවත්වාගෙන යාමට අවශ්ය නවතම මාර්ගෝපදේශයන් ශ්රී ලංකා ආයෝජන මණ්ඩලයේ වෙබ් අඩවිය වන www.investsrilanka.com වෙත පිවිසීමෙන් හා විද්යුත් තැපෑල වන [email protected] මගින් ඕනෑම අවස්ථාවකදී ලබා ගත හැකි බව ආයෝජන මණ්ඩලය කියා සිටී.
ශ්රී ලංකාවේ ප්රමුඛතම නාගරික අපද්රව්ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්රී ලංකා වා
සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්රය හැඩගැස්සවූ බව ඔබ දන්නා සත්යයක
ශ්රී ලංකාවේ ප්රමුඛතම මූල්ය සමාගමක් වන සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්
‘‘සංචරණ සීමා යටතේ ආනයන කටයුතු පවත්වාගනෙ යනවා‘‘