යුද හමුදාපති ජනරාල් ශවේන්ද්ර සිල්වා
(නිමන්ති රණසිංහ)
දිනෙන් දින ඉහළ යන කොවිඩ් රෝගීන්ට ප්රතිකාර කිරීම සඳහා ඇඳන් 10,000 කින් සමන්විත අතරමැදි ප්රතිකාර මධ්යස්ථාන 08ක් සකස් කිරීම ආරම්භ කර ඇතැයි කොවිඩ් 19 පැතිරීම වැළැක්වීමේ ජාතික ක්රියාන්විත මධ්යස්ථානයේ ප්රධානි යුද හමුදාපති ජෙනරාල් ශවේන්ද්ර සිල්වා මහතා පැවසීය.
එහි මූලික පියවර වශයෙන් ශ්රී ලංකා යුද හමුදාව මගින් පාලනය කෙරෙන ඇඳන් 1200කින් සමන්විත සීදුව ප්රදේශයේ ඉදිකෙරෙන අතරමැදි ප්රතිකාර මධ්යස්ථානයට ඉදිරි දින කිහිපය තුළ රෝගීන් ඇතුළත් කිරීමට නියමිතව ඇතැයි යුද හමුදාපතිවරයා කීය.
දිවයින පුරා පිහිටි යුද හමුදා ආරක්ෂක සේනා මූලස්ථාන 07ක කොරෝනා අතරමැදි ප්රතිකාර මධ්යස්ථාන සකස් කිරීම සඳහා මේ වන විට එහි ආඥාපතිවරුන් කටයුතු කරමින් සිටින බව ද ඔහු පැවසීය. ඒ අනුව ආරක්ෂක සේනා මූලස්ථානය බටහිර, මධ්යම, නැගෙනහිර, උතුර, කිලිනොච්චිය, මුලතිව් සහ වන්නි යන ස්ථානවල මෙම අතර මැදි ප්රතිකාර මධ්යස්ථාන සකස් කිරීමට නියමිතව ඇතැයි යුද හමුදාපතිවරයා කීවේය.
දිනෙන් දින ඉහළ යන කොරෝනා රෝගීන් හේතුවෙන් කිසිදු අවස්ථාවක ඔවුන් අපහසුතාවට ලක් නොකරන බවත් යුද හමුදා කඳවුරු වුවත් රෝගීන් වෙත ලබා දී රටේ ආරක්ෂාවට ගස් යට සිටිමින් හෝ ඉටුකිරීමට යුද හමුදාව සූදානම් බව ද යුද හමුදාපතිවරයා වැඩිදුරටත් සඳහන් කළේය.
ශ්රී ලංකාවේ ප්රමුඛතම නාගරික අපද්රව්ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්රී ලංකා වා
සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්රය හැඩගැස්සවූ බව ඔබ දන්නා සත්යයක
ශ්රී ලංකාවේ ප්රමුඛතම මූල්ය සමාගමක් වන සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්
ඇඳන් දහදාහක ප්රතිකාර මධ්යස්ථාන අටක් හමුදාවෙන් සූදානම් කරනවා