(ඉන්දිකා රාමානායක)

පුත්තලම, හලාවත, මීගමුව කොච්චිකඩේ බල ප්‍රදේශයන්ට සහ ජා ඇල සහ වත්තල යන පොලිස් බල ප්‍රදේශයන්ට අද(20)  දහවල් 12 සිට යළි ඇඳිරි නීතිය ප්‍රකාශ කර ඇති බව පොලිස් මාධ්‍ය ප්‍රකාශක පොලිස් අධිකාරී ජාලිය සේනාරත්න මහතා පවසයි.

 එම ප්‍රදේශවලට ඊයේ සිට පනවා තිබූ ඇඳිරි නීතිය අද පෙරවරු9.00ට අවසන් වූ අතර එය නැවතත් සවස 2.00ට බලපැවැත්වීමට නියමිතව තිබිණි.

මේ වන විට පුත්තලම පොලිස් කොට්ඨාසයේ පුත්තලම, ආනමඩුව, කල්පිටිය, කරුවලගස්වැව, මුන්දලම, නවගත්තේගම, පල්ලම, වනාතවිල්ලුව, උඩප්පුව, නොරොච්චෝලේ, සාලියවැව යන පොලිස් වසම් වලටත් හලාවත පොලිස් කොට්ඨාසයේ හලාවත, දංකොටුව, කොස්වත්ත, මාදම්පේ, මාරවිල, වෙන්නප්පුව, ආරච්චිකට්ටුව යන පොලිස් වසම්වලටත් මීගමුව පොලිස් කොට්ඨාසයේ කොච්චිකඩේ පොලිස් වසමට ඇදිරිනීතිය පනවා තිබේ.
කොරෝනා වෛරසය පාලනය කිරීම සඳහා සහ ජනතාව අතර ජනතාව අතර ව්‍යාප්ත වීම වැළැක්වීම සඳහා පියවර ගෙන ඇත