ඉන්දියාව අද මැදියම් රැයේ සිට සම්පූර්ණයෙන් වසාදමයි

ඉන්දියාව ද ‘ටෝටල් ලොක්ඩවුන්’ හෙවත් රට සම්පූර්ණයෙන් වසා දැමීමේ ක්‍රියාමාර්ගය අනුගමනය කරන බව එරට අග්‍රාමාත්‍ය නරේන්ද්‍ර මෝදි මහතා අද (24) ප්‍රකාශ කළේය.

ඒ අනුව අද (24) මධ්‍යම රාත්‍රියේ සිට දින 21ක් දක්වා ඉන්දියාවේ කටයුතු සියල්ල නවතා දමන බව ඉන්දීය අග්‍රාමාත්‍යවරයා සඳහන් කළේය.

‘‘අද මධ්‍යම රාත්‍රියේ සිට මුළු රටම ‘ලොක්ඩවුන්’ ක්‍රමය අනුගමනය කරනවා. ‘ටෝටල් ලොක්ඩුවන්’ ක්‍රියාමාර්ගයකට අපි යනවා’’ යැයි රූපවාහිනිය ඔස්සේ ජාතිය අමතමින් ඉන්දීය අග්‍රාමාත්‍ය නරේන්ද්‍ර මෝදි ප්‍රකාශ කළේය.

බිලියන 1.3කට වැඩි පිරිසක් සිටින ඉන්දියාව ලොව විශාලතම ජනගහනයට හිමිකම් කියන රටයි.

‘‘ඉන්දියාව ආරක්ෂා කරගැනීමට, ඉන්දියාවේ සෑම පුරවැසියකුම ආරක්ෂා කරගැනීමට ඔබ, ඔබේ පවුල, සෑම වීදියක්ම, ඔබේ අසල්වැසියන් සියලු දෙනා ‘ලොක්ඩවුන්’ කරනවා’’ යැයි ඉන්දීය අග්‍රාමාත්‍යවරයා කීවේය.

යුරෝපයේ රටවල් රැසක්ම මෙම ක්‍රියාමාර්ගය ගෙන ඇති අතර එම ක්‍රියාමාර්ගයට අනුව ගමන්බිමන් සීමා කෙරෙන අතර කඩසාප්පු ආදී සියල්ල වසා දැමේ.

(ඒ.එෆ්.පී.)
055

අදහස් (8)

ඉන්දියාව අද මැදියම් රැයේ සිට සම්පූර්ණයෙන් වසාදමයි

පාරින්ද වීරසිංහ Tuesday, 24 March 2020 03:37 PM

ඇයි අපි තවම පරක්කු ... ඉක්මණින්ම අපිත් එෙහම කරමු...රට මුදාගන්න.

: 93 46

MD Tuesday, 24 March 2020 07:00 PM

අපට වඩා 60 ගුණයක් විශාල දියුණු වෙමින් පවතින රටක් කරන දේවල් අපි කරන්නේ කොහොමද?

: 0 0

indunilTuesday, 24 March 2020 07:30 PM

වග්කීමක් ඇතුව උපදෙස් පිලිපැදීම සියල්ලට වඩා වැදගත් ..... අපේ එහා ගෙදර කට්ටිය අද බල්ලව විතරක් ගෙදර තියලා පවුල පිටින් ෂොපින් ගියා .... කොයිවෙලෙත් ලොක්ඩවුන් ලොක්ඩවුන් කියලා හඬ නගන අය තමයි !

: 0 0

AgithWednesday, 25 March 2020 03:23 AM

ලොක්ය ඩවුන් කියන වචනය අල්ලාගෙන දඟලන්න එපා. ලංකාවේ දැනට ක්‍රියාත්මක වන ක්‍රමයට අනුගත වන්න. මොන ක්‍රමයෙන් හෝ සියලු දෙනා සොයන්න. නිරෝධායනයට ලක් වීමයි අවශ්‍ය වෙන්නේ. ඒ අතරතුර සියලුම ජනතාවට අවශ්‍ය වන ආහාර, වෛද්‍ය සේවා පහසුකම් අඛණ්ඩව සැපයිය යුතුයි. වචනය මොකක් වුනත් ඉන්දියාවේද මෙය සිදුවිය යුතුයි.

: 0 15

Devinda Uduwara Tuesday, 24 March 2020 04:37 PM

මෙම වසංගතය පැතිරීම වැළැක්විමට එය අපටත් හොද පියවරක් වෙනවා.

: 61 7

Kumara Wednesday, 25 March 2020 01:23 AM

අපේ ජනාධිපතිතුමා ගත්තේ ඉතාම නිවැරදි තීරණයකි. ලොක් ඩවුන් නිසා ඉන්දියාවේ දසකෝටියක පැල්පත් ජනයා උසුලාගත නොහැකි දැඩි පීඩනයකට ලක් වෙනවා. සිවිල් යුද්ධයකට යන්න වුවත් පුලුවනි. ලංකාව යුද්ධය දිනූ ලෙසින්ම මෙය දිනනවා නිසැකයි.

: 5 68

Raveendra Wednesday, 25 March 2020 04:11 AM

අප විශ්වාස කරනවා සෞඛ්‍යය අංශවලින් ලබා දෙන උපදෙස් නිසිලෙස පිළිපදින්නේ නම් මෙම උවදුරට හොදින් මුහුණදීමට අපේ පුරවැසියන්ට හැකි‌ෙවෙයි කියලා. අපි අපේ පුරවැසි යුතුකම්, වගකීම් ඉටුකරමු. එවිට මෙය ඉතාම පහසුවෙන්ම මැඩපැවැත්විය හැකියි නේද ?

: 0 5

lalithm Wednesday, 25 March 2020 04:54 AM

ටිකක් ඉහළට ඉගෙන ගෙන සල්ලි ටිකක් හොයාගෙන මාස ගානකට බඩු ගෙදර පුරවාගෙන රටේ අනිත් බහුතරයක ජීවන තත්වය ගැන නොහිතන සමහර බුරු් ඉන්දියාව වගේ රට ලොක් ඩවුන් කරන්න කතා කරනවා. එදා වේල හොයාගෙන ජීවත්වෙන ජනගහනය වැඩි ලංකාවට මේ ක්‍රමය අමාරුයි. රටේ අමාරුම කාරණය සල්ලි කීයක් හරි හොයාගෙන ඉන්න මේ වගේ අයගේ නොහික්මුණු ක්‍රියා කලාපයයි. රස්තියාදුවේ යනවා, පාටි දමනවා... රජය කියන විදියට කරලා බලමු.

: 0 1