IMG-LOGO

කසිප්පු බෝතලයකුත් ඉනේ ගහගෙන පොලිස් ‘බයික් එකට’ නැගලා

(අඟුණකොළපෑලැස්ස විමල් ගරුසිංහ)
පොලිසිය ඉකුත් 13දා රාත්‍රි කසිප්පු තිප්පොළක් වටලමින් සිටියදී කසිප්පු බෝතලයක් ඉනේ සඟවාගත් අයකු පොලිසියෙන් බේරීමට දිවගොස් මෙහෙයුමේ යෙදී සිටි පොලිස් නිලධාරියකුගේ යතුරුපැදියට නැගගත් සිද්ධියකි මේ.


කාලයක සිට ගොන්නොරුව වැලිපොකුණගම එක්තරා පුද්ගලයකු කසිප්පු ජාවාරමක් කරගෙන යන බවට පොලිසියට තොරතුරු ලැබී තිබිණි.


මේ පිළිබඳව අවධානය යොමු කළ මාතර හම්බන්තොට දෙදිසාවේ නියෝජ්‍ය පොලිස්පති විජිත ගුණරත්න මහතා දිසා විෂ මත්ද්‍රව්‍ය තංගල්ල ඒකකයට අදාළ කසිප්පු තිප්පල වටලන ලෙස උපදෙස් දී ඇත.


ඒ අනුව පොලිස් නිලධාරීහු කණ්ඩායමක් ඉකුත් 13දා ඇඳිරි වැටෙන විට කසිප්පු තිප්පොළ වැටලූහ.


පොලිස් නිලධාරීන් කීපදෙනකු කසිප්පු තිප්පොළට අඩ අඳුරේ ළඟා වෙද්දී පොලිස් කොස්තාපල් (40458) දිසානායක මහතා තවත් පැත්තකින් යතුරුපැදියකින් යද්දී අඳුරේ දුවගෙන ආ අයකු යතුරුපැදිය නවතා “අනේ මහත්තයෝ මමත් දාගෙන යන්නැයි” යතුරුපැදිකරුගෙන් ඉල්ලා ඇත. යතුරුපැදිකරු ඔහුට නගින්නැයි කීය.


“වෙලාවෙ හැටියට මහත්තයා දෙවියෙක් වගේ මට පිහිට වුණේ. මම ගෙදරකට ගියා කසිප්පු බෝතලයක් ගන්න. පොලිසිය පැන්නා. මම හනික බෝතලයක් අරගෙන දුවනකොට තමයි මහත්තයා හම්බවුණේ” යතුරුපැදියේ පිටුපස වාඩිවුණු ආගන්තුකයා කීය.


“හරි.... හරි... කමක් නෑ. බයවෙන්න එපා යමු” කියා කොස්තාපල් දිසානායක මහතා සෙසු පොලිස් නිලධාරීන් සිටි තැනට ගොස් යතුරුපැදිය නතර කළේය.


ආගන්තුකයාට දෙවියන් සිහි වුණේ එවිටය. මිලිලීටර් 25,000ක් සමග කසිප්පු ජාවාරම්කරු අත්අඩංගුවට ගත් පොලිසිය, ආගන්තුකයා ද අත්අඩංගුවට ගෙන පොලිස් රථයට නංවාගෙනැවිත් හම්බන්තොට මහේස්ත්‍රාත් අධිකරණයට ඉදිරිපත් කොට මහේස්ත්‍රාත් අධිකරණයට ඉදිරිපත් කිරීමට හම්බන්තොට පොලිසියට භාර දෙන ලදී.


දිසා විෂ මත්ද්‍රව්‍ය තංගල්ල ඒකකයේ ස්ථානාධිපති උපපොලිස් පරීක්ෂක ඊ.එල්.ඒ. උපසේන, සැරයන් ජගත් (32045), කොස්තාපල්වරුන් වන දිසානායක (40458), ශ්‍රීමාල් (60755), හේරත් (60624) යන මහත්වරුන් මෙම වැටලීම සිදු කර ඇත.



අදහස් (0)

කසිප්පු බෝතලයකුත් ඉනේ ගහගෙන පොලිස් ‘බයික් එකට’ නැගලා

ඔබේ අදහස් එවන්න

 

 
 

මේවාටත් කැමතිවනු ඇති

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 63 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15557 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 528 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

Our Group Site