(දේවහුව ප්‍රසාද් ජයකොඩි)
අයියනායක කවිපන්තිය කට පාඩම් කර ගැනීමට අමතක වූ දරුවෙකු දේශපාලනඥයෙකුගේ පියෙකු විසින් ලියන ලද කවියක් පන්ති කාමරය තුළ  ගායනා කිරීම නිසා එම දරුවා දණ ගැස්සූ පුවතක් මාදිපොළ පාසලෙන් වාර්තා විය.  


මෙම දරුවාගේ පියා මැතිවරණ කාලයට ගසට පොත්තමෙන් බැඳී කටයුතු කළ අයෙකි. මෙම දේශපාලන කටයුතු සඳහා ලියා තිබෙන බැනර් හා කවිකොළඅ ගෙදර රැගෙනගොස් දරුවන්ට පෙන්වීම ඔහුගේ දින චර්යාවක් විය.  එම දරුවන් ද එම කවිකොළ කියවා කට පාඩම් කර ගැනීම සිදු කරන්නේ ඉතා ආශාවෙන් හා උනන්දුවෙන් යුතුය.


දිනක් එම සිසුවාට පාසලේ සිංහල විෂය උගන්වන ගුරුවරයා පවසා ඇත්තේ අයියනායක කවි පන්තිය කටපාඩම් කරගෙන එන ලෙසය. පසුදින සිංහල විෂය භාර ගුරුවරයා පන්තියට පැමිණ එක් එක් සිසුවා නැගිටුවමින්  කවිපන්තිය ගායනා කරන ලෙස පැවසීය. සිසුන් කීප දෙනෙකු නිවැරදිව ගායනා කළ ද ඉහතකී සිසුවා එම කවි පන්තිය වෙනුවට දේශපාලනඥයාගේ පියා විසින් රචිත කවිපන්තිය ගායනා කළේය.  


එම අවස්ථාවේ සිංහල විෂය භාර ගුරුවරයා විසින් එම සිසුවාව කනෙන් ඇදගෙනගොස් අව්වේ දන ගස්සා ඇත.  දන ගසාගෙන සිටින විට ඔහුගේ පෙම්වතිය ඒ අසලින් ගොස් ඇති අතර කාරණාව තේරුම්ගෙන ලැජ්ජාවට පත් ඇය එම මොහොතේම ප්‍රේම සම්බන්ධය නවත්වා ඇත.  මේ පිළිබඳව එම සිසුවා අදද එම මතකය අවදි කරන්නේ හැඟීම්බරවය.