IMG-LOGO

ගෙදරදීම ’කොවිඩ්-19’ පරීක්ෂා කළ හැකි උපකරණයක්

 

කඩිනමින් ප්‍රතිඵල ලබාදෙන, නිවසේදීම ‘කොවිඩ්-19’ වයිරසය ආසාදිත දැයි පරීක්ෂා කළ හැකි ක්ෂණික (රැපිඩ්) කොරෝනා වයිරස පරීක්ෂණ උපකරණයකට ඇමෙරිකා එක්සත් ජනපදයේ ආහාර සහ ඖෂධ පාලනාධිකාරියේ අවසරය හිමි වී තිබේ.

නව කොරෝනා වයිරසයට එරෙහි සටනේ දී මෙම උපකරණය තීරණාත්මක සාධකයක් වනු ඇතැයි ද විශේෂයෙන්ම ඉදිරි මාස කිහිපය ඇතුළත ඇමෙරිකාවේ බොහෝ දෙනකුට එන්නත ලැබෙන තත්ත්වයක් තුළ මෙම උපකරණය බෙහෙවින් ප්‍රයෝජනවත් වනු ඇතැයි ද ඇමෙරිකානු මාධ්‍ය වාර්තා කරයි.

මෙම උපකරණයෙන් පරීක්ෂා කිරීමේදී ලබාගන්නා සාම්පල විද්‍යාගාර වෙත යැවීම අවශ්‍ය නොවන අතර වෛද්‍යවරයකුගේ උපදෙස්වලින් තොරව වයස අවුරුදු දෙකට වැඩි ඕනෑම අයකුට නිවසේදී මෙම පරීක්ෂණය කළ හැකි ය.

ඕස්ට්‍රේලියාවේ එලූම් සමාගම මෙම උපකරණය සංවර්ධනය කර තිබෙන අතර නව කොරෝනා වයිරසය පරීක්ෂා කිරීමේ එසේත් නැතිනම් වයිරස ආසාදිතයන් හඳුනාගැනීම ට අදාළව තවත් පරීක්ෂණ රැසක් කෙරෙමින් තිබේ.

ඇමෙරිකාවේ ආහාර සහ ඖෂධ අධිකාරියේ හදිසි අනුමැතිය යටතේ මෙම උපකරණයට අවසර දී තිබෙන අතර ඇමෙරිකානු මුදලින් මෙම උපකරණයක් ඩොලර් 30ක් ( ශ්‍රී ලංකා රුපියල් 5,600ක මුදලකට ආසන්න වේ)  වන අතර ජනවාරි මාසයේ මුල් සතිය වන පළමු උපකරණ තොගය බෙදාහරින බව එලූම් සමාගම සඳහන් කරයි.

තවත් සමාගම් දෙකක් මේ වනවිටත් මෙවැනි උපකරණ නිෂ්පාදනය කිරීම සඳහා අත්හදා බැලීම් කරමින් සිටින බව ද ඇමෙරිකානු පුවත් සේවා වාර්තා කරයි.

ඉකුත් නොවැම්බර් මාසයේදී ද ඇමෙරිකාවේ ආහාර සහ ඖෂධ අධිකාරිය මෙවැනි උපකරණයකට හදිසි අනුමැතිය ලබාදුන් නමුත් එම උපකරණය භාවිත කිරීම සදහා වෛද්‍ය නිර්දේශය හා උපදෙස් අවශ්‍ය වේ. එම උපකරණයේ මිල ඇමෙරිකානු ඩොලර් 50ක් (ආසන්න වශයෙන් ශ්‍රී ලංකා රුපියල් 9,350ක්) වේ.

 

 


(‘ද වොෂින්ටන් පෝස්ට්’ ඇසුරිනි)

055



අදහස් (0)

ගෙදරදීම ’කොවිඩ්-19’ පරීක්ෂා කළ හැකි උපකරණයක්

ඔබේ අදහස් එවන්න

 

 
 

මේවාටත් කැමතිවනු ඇති

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 38 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15507 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 526 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

Our Group Site