නීතිවිරෝධීව රැගෙන යෑමට තැත්කළ කැස්බෑ පැටවුන් 5000කට අධික ප්‍රමාණයක් මැලේසියාවේ ක්වාලාලම්පූර් ගුවන් තොටුපලේදී සොයාගෙන ඇත.

ඩොලර් 12700ක් පමණ වටිනා මෙම සතුන් තොගය ගමන් මල්ලක සඟවා තිබියදී හමුවූ බව රේගු නිලධාරීහු පවසති. 

සිද්ධියට අදාළව ඉන්දියානු ජාතිකයින් දෙදෙනකු අත්අඩංගුවට ගෙන ඇති අතර ඔවුන් දෙදෙනා චීනයේ ගුවැංශූ නගරයේ සිට පැමිණ ඇති බව මූලික පරීක්ෂණ වලින් හෙළිවී ඇත.

හොර රහසේ වනසතුන් ‍ප්‍රවාහනය කිරීම සඳහා හුවමාරු මධ්‍යස්ථානයක් ලෙස බොහෝ ජාවාරම්කරුවන් විසින් මැලේසියාව යොදාගනී.

පරිසරවේදීන් පවසන්නේ රතු කන් ඇති මෙම කැස්බෑ වර්ගය සුරතලයට ඇතිකිරීම සඳහා රැගෙන යන බවයි.

(බීබීසී ඇසුරිණි - 085)