වොෂින්ටන්හිදීය (රොයිටර්)
 
න්‍යෂ්ටික අවිහරණය සම්බන්ධයෙන් සාකච්ඡා කිරීම සඳහා ඇමෙරිකා එක්සත් ජනපද රාජ්‍ය ලේකම් මයික් පොම්පෙඕ මෙම බ්‍රහස්පතින්දා (5) උතුරු කොරියාවට යෑමට නියමිත යැයි ධවල මන්දිරය සඳහන් කරයි. 
 
උතුරු කොරියාවේ න්‍යෂ්ටික අවිහරණ වැඩසටහන සම්බන්ධයෙන් සාකච්ඡා කිරීම සඳහා ඇමෙරිකා රාජ්‍ය ලේකම් මයික් පොම්පෙඕ මෙලෙස උතුරු කොරියාවට යෑමට නියමිතව තිබේ. 
 
ඒ සම්බන්ධයෙන් සකස් කර ඇති වැඩසටහනකට උතුරු කොරියාවේ එකඟත්වය ලබාගැනීමට ද ඇමෙරිකා එක්සත් ජනපද රාජ්‍ය ලේකම්වරයා සූදානමින් සිටින බව වාර්තා වේ. 
 
උතුරු කොරියාව ඔවුන්ගේ න්‍යෂ්ටික අවි වැඩසටහන අත්හැරීමට සූදානම් ද යන්න සම්බන්ධයෙන් මේ වනවිට ජාත්‍යන්තර දේශපාලනයේ විවාදයක් ඇති  වී තිබේ. උතුරු කොරියාවේ න්‍යෂ්ටික අවි වැඩසටහන ඇමෙරිකා එක්සත් ජනපදයට සහ ඔවුන්ගේ මිත්‍ර රටවලට තර්ජනයක්  වී තිබේ. ඇමෙරිකා එක්සත් ජනපද රාජ්‍ය ලේකම්වරයා උතුරු කොරියාවේ සංචාරය කරන්නේ එවැනි වාතාවරණයක් මධ්‍යයේය.
 
එමෙන්ම ජූනි 12 වැනිදා සිංගප්පූරුවේ පැවැති ට්‍රම්ප්-කිම් හමුවෙන් පසුව රාජ්‍ය ලේකම් මයික් පොම්පෙඕ උතුරු කොරියාවේ සංචාරයක යෙදෙන්නේ පළමු වරටය.
 
උතුරු කොරියානු සංචාරයෙන් අනතුරුව හෙතෙම ජපානයට යෑමට නියමිත අතර එහිදි ඔහු උතුරු කොරියාවේ න්‍යෂ්ටික අවිහරණ වැඩසටහන සම්බන්ධයෙන් ජපාන සහ දකුණු කොරියානු නායකයන් සමඟ සාකච්ඡා කිරීමට නියමිතය.  
 
055