ඔගස්ටින් ප්රනාන්දු
ගතවු මාස දෙකක් පමණ කාලයක පටන් හලාවත දිස්ත්රික් මහා රෝහලේ මතුවී ඇති ඖෂධ හිඟය හේතුකර ගෙන ප්රතිකාර ලබා ගැනීමට එන තමන් දැඩි දුෂ්කරතාවකට පත්වී ඇති බව රෝගීහු පවසති.
බාහිර රෝගි ප්රතිකාර ඒකකයෙන් හා විවිධ වෛද්ය සායනයන් වෙත එන තමන් මෙම ඖෂධ හිඟයට මුහුණ පා ඇති බවත් ඔවුහු කියති. පුත්තලම දිසාවේ ප්රධානතම රෝහල වන මෙහි පාලනය කලින් වයඹ පළාත් සභාව යටතේ පැවැති නමුත් පසුව මෙම රෝහල මධ්යම රජයේ පාලනයට යටත්කර දිසාවේ මහ රෝහල බවට පත්කර ඇත.
ඒ අනුව මෙහි සියලු ක්රියාකාරකම් මධ්යම රජයේ සෞඛ්ය පෝෂණ හා දේශීය වෛද්ය අමාත්යංශය යටතේ බලගැන්වේ.
විශේෂයෙන්ම මෙම රෝහලේ පැවැත්වෙන මාසික දියවැඩියා රෝග සායනයට ප්රතිකාර ලබා ගැනීමට එන රෝගින් පෙන්වා දෙන්නේ තමන් මේ වන විට මිල වැඩි ඖෂධ බාහිර පෞද්ගලික ෆාමසි වලින් මිලට ගැනීම පිණිස රෝහලෙන් නියම කරන බවයි.
සායනයට එන වෛද්යවරුන් මෙහි දී තමන්ට දන්වා සිටිනුයේ ඖෂධ ලැබී නැහැ. කඩෙන් ගන්නැයි කියන බව රෝගීහු කියති.
විශේෂයෙන්ම දියවැඩියා රෝගින් ට නිකුත් කරන ඖෂධ හා ඉන්සියුලින් එන්ත නිසි ප්රමාණයට රෝහල නිකුත් නොකරන බවත් රෝගින් පෙන්වා දෙති .
දියවැඩියා සායනට ආණමඩුව බිංගිරිය දුම්මලසුරිය මාදම්පේ බිංගිරිය යන ප්රදේශවල සිට රෝගින් පැමිණෙන අතර මෙම ඖෂධ හිඟයෙන් බහුල වශයෙන් බැට කෑමට සිදුව ඇත්තේ තමන්ට බව අඩු ආදායම්ලාභි පවුල්වල රෝගීහු පෙන්වා දෙති .
රෝහලේ ඖෂධ ගබඩාවේ මේ වන විට ඇති ඖෂධ සම්බන්ධයෙන් විමසා බැලීමේ දී අනාවරණය කර ගත හැකි වුයේ අත්යාවශ්ය ඖෂධ රැසක හිඟයක් මෙම රෝහලෙහි පවතින බවයි.
මේ සම්බන්ධයෙන් විමසු අවස්ථාවේ දී රෝහල් අධ්යක්ෂ ලලිත් පෝද්දල්ගොඩ මහතාගෙන් විමසු විට ඒ මහතා මෙසේ කීය.
මේ ගත වන්නේ වසරේ අවසන් දින කිහිපයයි. මෙම දිනවල හලාවත පමණක් නොවෙයි දිවයිනේ බහුතර රෝහල්වල ඖෂධ හිඟයක් පවතින බව අප විසින් පිළිගත යුතුයි.
හලාවත රෝහලේ ඖෂධ හිඟයක් පවතින බව මේ දක්වා කිසිවකු මා වෙත දන්වා නැහැ. මම මේ සම්බන්ධයෙන් සොයා බලන්නම්. අනෙක් අතර අපේ රෝහලේ නේවාසිකව ප්රතිකාර ලබන රෝගීන්ට බෙහෙත් හිඟයක් ඇත්නම් එය බලපාන්නේ නැහැ. අපි හිඟ ඖෂධ මිලදී ගෙනත් නොඅඩුව රෝගින්ට නිකුත් කරනවා. මොනවා හරි ප්රශ්ණයක් ඇත්නම් රෝගීන් මා දැනුවත් කළා නම් සතුටු වනවා එවිට මට පුළුවන් ක්ෂණිකව විසදුම් ලබා දෙන්න . මම අවශ්ය පියවර ගන්නවා යැයි පැවසීය.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හලාවත දිස්ත්රික් රෝහලේ ඖෂධ හිඟයෙන් රෝගීන් අමාරුවේ