( ලලිත් නවරත්න)
පල්ලම නාගවිල ප‍්‍රදේශයේ මහාපරිමාණයේ සත්ව ගොවිපළකින් රුපියල් ලක්ෂ 60ට අධික භාණ්ඩ තොගයක් හොර රහසේම වෙනත් ආයතනයකට විකුණාදැමූ එම ආයතනයේ සේවකයින් දෙදෙනෙකු සමඟ පුද්ගලයින් පස්දෙනෙකු අත්අඩංගුවට ගත්බව පල්ලම පොලීසිය පවසයි.
මෙසේ අත්අඩංගුවට පත්ව ඇත්තේ නාගවිල ආඩිගම සහ පල්ලම ප‍්‍රදේශවල පදිංචි පුද්ගලයින් පස්දෙනෙකි.
මෙම සත්ව ගොවිපලට අයත් ඉඩමේ ප‍්‍රමාණය අක්කර 25ක් වන අතර එම ගොවිපළ තුළ කුකුළන් 20000 ප‍්‍රමාණයක් මස් සහ බිත්තර සඳහා ඇතිකර ඇත. මීට වර්ෂයකට පමණ ඉහතදී මෙම ඉඩමේ හෝටලයක් ඉදිකිරීම සඳහා මෙම ගොවිපලේ කුකුලන් ඇතිකිරීම නවතා ඇත.
ඒ අනුව මෙම ඉඩම හා එහි වටිනා භාණ්ඩ තොගය රැකබලාගැනීම පිණිස මුරකරුවන් දෙදෙනෙකු නවතා ඇතිඅතර මෙම පුද්ගලයින් විසින් ගොවිපළට සම්බන්ධ නැති බාහිර පුද්ගලයින් තිදෙනෙකු යොදාගෙන ගොවිපළට අයත් කටුකම්බි රෝල් 350ක්, ගෘහභාණ්ඩ සඳහා යොදාගන්නා වටිනා කෙම්පස් ලිතොගයක් , නානකාමර , උපකරණ තොගයක්, වායු සම්පිණ්ඩන යන්ත‍්‍ර 5ක් විදුලි උත්පිදන යන්ත‍්‍රයක්, ඇතුලූ උපකරණ තොගයක් මෙසේ සොරකම්කර වෙනත් ආයතනයකට අළෙවිකර ඇත.
මෙම උපකරණ තොගය අවස්ථා කීපයකදී සොරකම්කර ඇතිබව සිදුකළ පොලිස් විමර්ෂණ වලදී හෙළිවී ඇත. සැකකරුවන් අධිකරණයට ඉදිරිපත් කිරීමට නියමිතය.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
