2020 සැප්තැම්බර් මස 27 වන ඉරිදා
(ප්‍රේමතිලක පෙරමුණ)
ප්‍රාදේශීය මාධ්‍යවේදී අලුත්ගම තුසිත කුමාර සිල්වා මහතාට සහ ඔහුගේ බිරිඳට පහර දුන් පිරිස අත්අඩංගුවට නොගත්තැයි කළුතර දිස්ත්‍රික් ප්‍රාදේශීය මාධ්‍යවේදීහු අද(08) අලුත්ගම පොලිසිය ඉදිරිපිට විරෝධතාවක් පැවැත්වූහ.
මෙම අවස්ථාව සඳහා කළුතර දිස්ත්‍රික් පාර්ලිමේන්තු මන්ත්‍රී නලින්ද ජයතිස්ස මහතා ද සහභාගි වූ අතර හෙතෙම මෙසේ පැවසී ය.
"කළුතර දිස්ත්‍රික්කයට තර්ජනයක්ව පවතින කෘතිම රා නිෂ්පාදනාගාර සම්බන්ධයෙන් හෙළිදරව් කළ කළ මාධ්‍යවේදියාට පහරදීම අපි දැඩි ලෙස ඉතා පිළිකුල්ව හෙළා දකිනවා. කෘතිම රා නිෂ්පාදනකරුවන් පොලිසියෙන් අත්අඩංගුවට නොගන්නා අවස්ථාවේදී පොලිස් විශේෂ කාර්ය බළකාය මගින් අත්අඩංගුවට අරගත්තා. පසුගිය ආණ්ඩු කාලයේ දී මෙම නීති විරෝධී මත්පැන් ජාවාරම දිගින් දිගට ම පැවතුණා. මෙම ආණ්ඩුවේදීත් එය එලෙසම පැවතීම ඉතා කනගාටුදායක සිද්ධියක්. අපි ජනාධිපති ගෝඨාභය රාජපක්ෂ මහතාගෙන් ඉල්ලා සිටින්නේ මේ සම්බන්ධව අපක්ෂපාතී කඩිනම් පරීක්ෂණයක් පවත්වා අදාළ වැරදිකරුවන් හැකි ඉක්මනින් අත්අඩංගුවට ගෙන අධිකරණ ක්‍රියාමාර්ග ගැනීමට අවශ්‍ය කටයුතු සලසන ලෙසයි”
ඉකුත් 06 වැනි දින පහරකෑමට ලක් වූ ප්‍රාදේශීය මාධ්‍යවේදී තුසිත කුමාර නාගොඩ මහ රෝහලේ ප්‍රතිකාර ලබමින් සිටියි. මෙම විරෝධතාවය සඳහා තුසිත කුමාර සිල්වා මහතාගේ මව සහ සොහොයුරා ද එක්ව සිටියහ.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
