( ප්‍රසන්න පත්මසිරි)
 
බිබිල හොඩගල කදුයායේ ඌරුමීතැන්න කන්ද නාය යාමෙන් මැදපිටිය හා සේනාපතිය යන ගම්මාන වල නිවාස හතකට දැඩි හානි සිදුව පවුල් 18 ක 46 දෙනෙකු  අවතැන්ව සිටිති.
 
ඔවුන්  මේ වන විට නීලගිරි විහාරයේ රැදී සිටින බවද  පොලීසිය කියයි.
 
ප්‍රදේශයට අධික වර්ෂාව පැවති 30 දින සවස කන්දෙන් ගල් පස් පෙරලනවාත් සමග ගම්වාසීන් ආරක්ෂිතස්ථාන කරා දිව යෑම නිසා කිසිදු ජීවිත හානියක් සිදු නොවු බව පොලීසිය කියයි.
 
ගම්වාසීන් නිවෙස් වලින් ඉවත්වනවාත් සමඟම ඌරුමීතැන්න කන්ද නායගොස් මහා විනාශයක් අනුනවයෙන් වැළකී තිබෙන බව පෙලීසිය කියයි.
 
 කන්දේ අක්කර විස්සක් පමණ නාය යැම නිසා නිවාස හතකට  සහ  ත්‍රිවීලර්, යතුරුපැදි කිහිපයක් පස්වලින්  වැසී තිබෙන බව කියයි.
 
ගම්මානයේ වගාවන් සියල්ල විනාශ වී තිබෙන බවද කියයි. ගම්වැසියන්ට ප්‍රාදේශීය ලේකම් කාර්යාලය, පොලීසිය, යුද හමුදාව ප්‍රදේශවාසීන් එක්ව අවශ්‍ය සහන සලසන බවද ලේකම්වරයා පැවසීය.