(ජයන්ත සමරකෝන්)

කොම්පඤ්ඤවීදිය, මුත්තයියා පාර මුවර්ස් ක්‍රීඩා පිටියේ වතුර රැඳුණු ටයර් තොගයක් තුළ ඩෙංගු මදුරු කීටයන් බෝවීමට ඉඩහැරීමේ චෝදනාවට ලක්වූ එහි කළමනාකරුට මාළිගාකන්ද මහේස්ත්‍රාත් කෝසල සේනාධීර මහතා රුපියල් 20,000ක දඩයක් නියම කර දැඩි ලෙස අවවාද කර ඇත.

මීට පෙර වතාවකදීද ඩෙංගු මදුරු කීටයන් බෝවීමට ඉඩහැරීමේ චෝදනාව මත මෙම විත්තිකරුට රුපියල් 4,000ක දඩයක් නියම කර ඇතැයි වෑකන්ද මහජන සෞඛ්‍ය පරීක්ෂක ක්‍රිෂාන්ත සෙනෙවිරත්න මහතා පැවසීය.

යළිත් මෙවැනි චෝදනාවකට වරදකරු වුවහොත් සිර දඬුවම් නියම කරන බවට මහේස්ත්‍රාත්වරයා විත්තිකරුට දැනුම් දුන් බවද ඒ මහතා කීය.

වෑකන්ද මහජන සෞඛ්‍ය පරීක්ෂක ක්‍රිෂාන්ත සෙනෙවිරත්න මහතා විසින් මෙම පැමිණිල්ල අධිකරණයට ඉදිරිපත් කර තිබුණි.