(අජිත් ලංකාතිලක)
 
මාතර දිස්ත්‍රික්කයේ  මාවරල, ඇහැළකන්ද ගම්මානයේ  35 දෙනකුට අධික  පිරිසකට මෙවර ජනාධිපතිවරණයේදී ඡන්දය අයිතිය අහිමි වී ගොස් ඇතැයි  කියති.
 
පසුගිය පළාත් පාලන මැතිවරණයේදි ද තමන්ට ඡන්දය භාවිතා කිරීමට අවස්ථාව ලැබී තිබුණද  මෙවර එය අහිමි වීම විමතියට කරුණක්  බව ඡන්ද අයිතිය අහිමි වූ ගැමියෝ කියති.
 
 අදාල ඡන්ද  අදුම්පත් ග්‍රාම නිලධාරී කාර්යාලයට ලබා දුන් බවද ඔවුහු කියති. මේ පිළිබඳව ප්‍රාදේශිය ලේකම්වරයාට පැමිණිලි කළ බවත් ඔහු ඒ පිළිබදව සොයා බලන බව පැවසූවද මෙතෙක් නිසි පිළිතුරක් නොලැබුණු බවද ගැමියෝ සඳහන් කළහ.
 
උද්ගතව ඇති ගැටළුව සම්බන්ධයෙන් පස්ගොඩ ප්‍රාදේශීය ලේකම් ටී.එච්.දර්ශණ වර්ණප්‍රිය මහතාගෙන් අප කළ විමසීමකදී මේ සම්බන්ධයෙන් තමා දැනුවත්ව නොසිටි බවත් , මෙම ගැටළුව පිළිබදව සොයා බලන බවත් පැවසීය.
 
මැතිරණ  කොමිසමෙන් කළ  විමකදී   එහි   ඉහළ නිලධාරියෙක් සඳහන් කලේ    අදාල ඡන්ද අයදුම්පත්  පුරවා බාරදීමේදී  තැපැල් කිරීම්, වෙනත් අයකු ලවා  ඒවා අදාල නිලධාරීන්ට ලබා දීම් වැනි කාරණා වලින්  එම අදුම්පත් අස්ථාන ගතවීමට බොහෝ සෙයින් ඉඩ ඇති බවයි.
 
 එමෙන්ම ඡන්ද හිමි නාම ලේඛනයේ තමන්ගේ නම තිබේදැයි පරීක්ෂා කරන  ලෙස දිගින් දිගටම මැතිවරණ කොමිසම මගින්  ජනතාව දැනුවත් කර තිබියදීත් මෙවැනි සිදුවීම් වී ඇති බව සඳහන් කළ එම නිලධාරීයා වැඩි දුරටත් පැවසූයේ  මේ අවසන් මොහොතේ කිසිවක් කළ නොහැකි බවයි.