(හිරාන් ප්‍රියංකර ජයසිංහ)

ආණමඩුව කජුවත්ත ප්‍රදේශයේදී මාර්ගයේ ගමන් ගත් පුද්ගලයෙකු අද (07) රාත්‍රී 8.00 ට පමණ ලොරි රථයකට යටවී බරපතල තුවාල ලබා ආණමඩුව රෝහලට ඇතුළත් කිරීමෙන් පසු මියගොස් ඇති බව ආණමඩුව පොලිසිය පවසයි.

මෙසේ මරණයට පත්ව ඇත්තේ ආණමඩුව කොට්ටුකච්චිය විහාරගම පදිංචිව නිහාල් සංජීව නැමති 47 හැවිරිදි තිදරු පියකු බව පොලිසිය කියයි .

පෞද්ගලික කටයුත්තකට කජුවත්ත ප්‍රදේශයට පැමිණ ආපසු නිවස බලා යාමට මාර්ගය ආසන්නයේ රැඳී සිටියදී මාර්ගයේ ගමන් කරමින් තිබූ කුඩා ලොරි රථයකට යටවී මරණයට පත්වී ඇති බව ආණමඩුව පොලිසිය පවසයි.

අනතුර සම්බන්ධයෙන් ලොරි රථයේ රියදුරු අත්අඩංගුවට ගත් බව පොලිසිය කියයි.