(විනීතා එම් ගමගේ)
 
මෙරට බන්ධනාගාර කුඩු ජාවාරම්කරුවන් හා අපරාධකාරයින් සැළසුම් සකසන ආරක්ෂිත බංකර බවට පත්ව ඇතැයි දූෂණ විරෝධී පෙරමුණේ සභාපති උලපනේ සුමංගල හිමියෝ පැවැසූහ.
 
ඉක්මණින් මේ තත්ත්වය පාලනය නොකළහොත් පාතාලය නීතිය අතට ගන්නා දවස වැඩි ඈතක නොවේ යැයි ද උන්වහන්සේ කීහ. 
 
දිගින් දිගටම පැන නැගුණු අපරාධ රැල්ල තවදුරටත් වැඩිවෙමින් පවතිතැයි ද සුමංගල හිමියෝ කීහ. 
 
උලපනේ සුමංගල හිමියෝ මේ අදහස්  පළ කළේ රාජගිරිය වැලිකඩවත්ත පිහිටි දූෂණ විරෝධී පෙරමුණේ කාර්යාලයේ දී අද (11)  පැවැති   මාධ්‍ය හමුවක් අමතමිනි. 
 
එහි දී තවදුරටත් අදහස් දැක්වූ උන් වහන්සේ මෙසේ ද පැවැසූහ.
 
‘‘ දේශපාලඥයන් සිවිල් ක්‍රියාධරයින් ඇතුළු පිරිස්වල කථාබහට ලක්වූ විශේෂ අධිකරණ පිහිටුවා දූෂීතයන්ට වංචාකරුවන්ට එරෙහිව නීතිය කි‍්‍රයාත්මක කරන්න පනතක් ගෙනාවා. බරපතල සිද්ධීන් පිළිබඳ  නඩු අහන්න මේ අධිකරණ පිහිටුවන්න තිරණය කළේ. 
 
එයින් එක අධිකරණයක් පමණක් පිහිටුවන්න සූදානම් වුවත් එහි ක‍්‍රියාකාරිත්වය පවා මන්දගාමියි. අධිකරණ ඇමතිනිය කිව්වා වහලෙ ලීවල ප‍්‍රශ්න තියෙනවා කියලා. මේක හාස්‍යයට කරුණක්. 
 
දිගින් දිගටම වැඩිවුණ අපරාධ රැල්ල තව දුරටත් වැඩිවෙමින් පවතිනවා. නමුත් ඉතා සුළු සිද්ධීන්ට ඉක්මණින් කි‍්‍රයාත්මක වුණත් බරපතල සිද්ධීන් ගැන නීතිය ක‍්‍රියාත්මක කිරීම ඉතාම මන්දගාමියි. ගෙවුණු වසර තුන හමාරෙදි පහුගිය ආණ්ඩුවේ සිදුවුණ වංචා දූෂණ ගැන කිසිවෙකුට දඬුවම් දිම සිදුවුනේ නැහැ. 
 
දැන් හදන්නේ හිලව් කරගන්නයි. උදයංග ගෙනාවොත් අර්ජුන් ගේන්නම් වගේ කතා නිතර ඇහෙනවා. මෙයින් පහුගිය ආණ්ඩුව කාලෙ සිදුවුණ වංචා දූෂණ අලාභය ගෙවන්න වුණේ ඍජු හා වක‍්‍ර අන්දමින් ජනතාවටයි.‘‘