(තිළිණි ද සිල්වා සහ රංජන් කටුගම්පොළ)
2015 වසරේ ජිනීවා හීදී එක්සත් ජාතීන්ගේ මානව හිමිකම් කවුන්සිලයට ශ්රී ලංකාව සම්බන්ධයෙන් ඉදිරිපත් වූ යෝජනාවකට සම අනුග්රහය දැක්වීමට ශ්රී ලංකා රජය කටයුතු කිරීම තුළින් ශ්රී ලංකාවේ ස්වෛරීභාවය උල්ලංඝනය වන බව ප්රකාශ කරන ලෙස ඉල්ලා සත්ය ගවේෂකයෝ සංවිධානයේ කැඳවුම්කරු නීතීඥ පේ්රම්නාත් සී.දොළවත්ත මහතා ශ්රේෂ්ඨාධිකරණය හමුවේ අද(10) මූලික අයිතිවාසිකම් පෙත්සමක් ගොනු කරන ලදී.
එම පෙත්සමේ වගඋත්තරකරුවන් ලෙස එවකට විදේශ අමාත්යවරයා ලෙස කටයුතු කළ අමාත්ය මංගල සමරවීර, විදේශ අමාත්යාංශයේ ලේකම් රවිනාත් ආර්යසිංහ සහ නීතිපතිවරයා නම් කරනු ලැබ සිටිති.
නීතීඥ නලින් සමරකෝන් මඟින් ගොනු කර ඇති පෙත්සමේ මෙසේද සඳහන් වේ.
පෙත්සම්කරු සත්ය ගවේෂකයෝ සංවිධානයේ කැඳවුම්කරුවේ.2015 වසරේ ඔක්තෝම්බර් මස 22 වන දා ජිනිවා මානව හිමිකම් කවුන්සිලයට ශ්රී ලංකාව සම්බන්ධයෙන් ඇමෙරිකාව , එක්සත් රාජධානිය ,මැසිඩෝනියාව සහ මොන්ටිනීග්රෝ යන රටවල් ඒකාබද්ධව ඉදිරිපත් කළ සංහිඳියාව, වගවීම සහ මානව හිමිකම් පිළිබඳ යෝජනාවට සම අනුග්රහය දැක්වීමට රජය වෙනුවෙන් එවකට විදේශ අමාත්යවරයාව සිටි මංගල සමරවීර මහතා කටයුතු කර ඇත.
මෙම යෝජනාව හේතුවෙන් ඉදිරියේදී ශ්රී ලංකා ව්යවස්ථාවට පටහැනිව කටයුතු කිරීම නිර්දේශයන් ඉදිරිපත් විය හැක.
මෙම යෝජනාවේ අඩංගු සමහර කරුණු ශ්රී ලංකාවේ ස්වෛරීභාවයටද හානිවේ.එමඟින් ආණ්ඩුක්රම ව්යවස්ථාවේ 3 වැනි වගන්තිය උල්ලංඝනය වේ.මෙමඟින් රටේ ජනතාවගේ මූලික අයිතිවාසිකම් උල්ලංඝනය වේ.
එබැවින් මෙම පෙත්සම විභාගයට ගැනීමට අවසර ලබා දෙන ලෙසද , තම මූලික අයිතිවාසිකම් කඩ වී ඇති බව ප්රකාශ කරන ලෙසද , මෙම යෝජනාව මඟින් ශ්රී ලංකාවේ ස්වෛරීභාවය උල්ලංඝනය වන බව ප්රකාශ කරන ලෙසද පෙත්සම්කරු සිය පෙත්සමෙන් ඉල්ලා ඇත.
බස්නාහිර, සබරගමුව, මධ්යම, වයඹ සහ දකුණු පළාත්වලට අද පස්වරු 2.00 පමණ පසු තැනින් තැනට වැසි හෝ ගිගුරුම් සහිත වැසි ඇති වන බව කාලගුණ විද්යා දෙපාර්තමේන්තුව කිය
සෙරන්ඩිබ් ෆ්ලා මිල්ස්, 7 Starවෙළඳ නාමය යටතේ ශ්රී ලංකාවේ ප්රමුඛ පෙළේ තිරිඟු පිටි නිෂ්පාදන සහ බෙදාහැරීමේ සමාගමක් ලෙස කීර්තියක් දිනා ඇත. සෙරන්ඩිබ් සේවා බ
කකුලේ ඇතිව තිබූ තුවාලයකට ප්රතිකාර ගැනීමට කුලියාපිටිය ශික්ෂණ රෝහලට පෙරේදා (24) මවත් සමග පැමිණ සිටි දරුවකු පැළඳ සිටි රුපියල් තුන් ලක්ෂ අසූ දෙදහසක් පමණ වට
කෑගල්ල මහ රෝහලේ අරක්කැමි (කොකියා) රුපියල් හාර දහස් අසු දෙකක් වටිනා කරවල, අලුත් මාළු හා අර්තාපල් සොරාගෙන යමින් සිටියදී රෝහල් අධ්යක්ෂවරයාට හසුවූ බව කිය
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
2015 ඉදිරිපත් වූ යෝජනාවකට ශ්රේෂ්ඨාධිකරණයට මූලික අයිතිවාසිකම් පෙත්සමක්
Sujeewa Thursday, 10 October 2019 06:01 PM
රටට ආදරයක් ඇතිව, අවංක චේතනාවෙන් ඉදිරිපත් කර ඇති මෙම පෙත්සම මගින් රට විකුණන් කෑ අතීතයේ සිටි පාලකයන්ටත්, මින් ඉදිරියට බලයට පත්වී රට විකුණන් කන දේශද්රෝහින්ටත් හොඳ පාඩමක්. අද අප දකින්නේ, රුසියාව පාලනය කරනුයේ "පුටින්" ය. අපේ මාතෘ භුමිය පාලනය කරනුයේ "පිටින්" ය.