නව කොරෝනා වයිරසය හෙවත් ‘කොවිඩ්-19’ ගෝලීය වසංගතයේ ව්යාප්තිය පාලනය කිරීම සඳහා දේශසීමා වසා දැමීමට ගත් දැඩි පියවර ලිහිල් කිරීමට යුරෝපයේ රටවල් රැසක් අද (15) පියවර ගත්තේය.
කෙසේ නමුත් නව කොරෝනා වයිරසයෙන් දැඩි බලපෑමක් එල්ල වූ ස්පාඤ්ඤය තවමත් දේශසීමා වසා දමා ඇත. යුරෝපයේ අනෙක් රටවල් දේශසීමාවලට පැනවූ සීමා ලිහිල් කළ ද දේශසීමා අතර ගමනාගමනය කෙරෙන්නේ නව සහ සෞඛ්යාරක්ෂිත ක්රමවේදවලට අනුවය.
එබැවින් වසංගතය පැතිරීමට පෙර තිබූ තත්ත්වයට පැමිණීමට තවත් බොහෝ කාලයක් ගතවනු ඇතැයි පැවසේ.
ෂෙනගන් කලාපයේ යුරෝපීය රටවල් 22 සහ අයිස්ලන්තය, ලෙචන්ස්ටයින්, නෝර්වේ සහ ස්විට්සර්ලන්තය යන රටවල් ද නිදහසේ එහාමෙහා යෑමට අවසර ලබා දී ඇත. කෙසේ නමුත් මේ රටවල් සියල්ල අතර දේශසීමා මාස තුනකට ආසන්න කාලයක් වසා දැමුණු අතර භාණ්ඩ සහ අත්යවශ්ය සේවකයන් ප්රවාහනයට පමණක් අවසර ලබා දී තිබිණි.
සඳුඳා වනවිට රටවල් අතර දේශසීමා මෙන්ම රටවල් අභ්යන්තරයේ පනවා ඇති ප්රවාහන සීමා ලිහිල් කිරීම සම්බන්ධයෙන් ද සලකා බලන්නැයි යුරෝපා සංගමයේ ස්වදේශ කටයුතු පිළිබඳ කොමසාරිස් යිල්වා යොහැන්සන් පසුගිය සතියේදී ෂෙනගන් කලාපයට අයත් රටවලින් ඉල්ලීමක් කළාය.
දේශසීමා වසා දැමීමට ගත් දැඩි පියවර ලිහිල් කිරීමත් සමඟ යුරෝපයේ ගමනාගමන සහ සංචාරක කර්මාන්තවලට තරමක උපකාරයක් ලැබෙනු ඇතැයි පැවසේ. යුරෝපා කලාපයේ සමස්ත ආර්ථිකයෙන් සියයට 10කට හිමිකම් කියන්නේ සංචාරක හා ගමනා ගමන කර්මාන්තයයි. මධ්යධරණී කලාපයට අයත් රටවල් ද මීට දායකත්වය සපයන අතර නව කොරෝනා වයිරසය හේතුවෙන් කලාපයේ සංචාරක සහ ගමනාගමන කර්මාන්තයට දැඩි බලපෑමක් එල්ල විය.
නව පියවර සමඟ අයිස්ලන්තයේ සිට ග්රීස්ලන්තය දක්වාත් යුරෝපා කලාපයේත් ෂෙනගන් වීසා නිකුත් රටවලත් දේශසීමා විවෘත කෙරේ. කෙසේ නමුත් සාමාන්ය තත්ත්වය ඇතිවීමට තවත් බොහෝ කාලයක් ගතවනු ඇතැයි පැවසේ. ෂෙනගන් කලාපයේ මිලියන 420කට අධික පිරිසක් ජීවත්වෙති.
විදේශීක සංචාරකයන්ට ජූනි 21 වැනිදා දක්වා රට විවෘත නොකරන බව ස්පාඤ්ඤය නිවේදනය කර ඇත. කෙසේ නමුත් ස්පාඤ්ඤයට අයත් ඇතැම් දූපත් මේ වනවිට විදේශීය සංචාරකයන් සඳහා විවෘත කර ඇත.
වයිරසයේ ව්යාප්තිය පාලනය සඳහා පනවා තිබූ සීමා ලිහිල් කළ ද සංචාරය කිරීමට ඇති අයිතිය තීරණය වන්නේ ජීවත්වන ස්ථානය සහ ගමන් කිරීමට බලාපොරොත්තු වන ස්ථානය අනුවය.
රොයිටර්
055
බස්නාහිර, සබරගමුව, මධ්යම, දකුණ, වයඹ සහ ඌව පළාත්වලට පස්වරු 2.00 පමණ පසු වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව කියයි.
සංවිධානාත්මක අපරාධකරුවකු හා ප්රබල මත්ද්රව්ය ජාවාරම්කරුවකු බව කියන නඳුන් චින්තක වික්රමරත්න හෙවත් හරක් කටාට අවශ්ය කරන සියලු ඉල්ලීම් ලිඛිතව ත්
පොළොන්නරුව වැලිකන්ද සිංහපුර ප්රදේශයේ 26 වෙනිදා දහවල් 11 ට පමණ, ඉසඩ්. ඩී. ප්රධාන ඇලෙන් ගලා බසින කෙත් ඇළට වැටුණු අවුරුදු දෙකක පිරිමි දරුවෙකු කිලෝමීටර් දෙක
ඊශ්රායල හමුදා ප්රහාර හේතුවෙන් ගාසා තීරයේ ගොඩ ගැසුණු සුන්බුන් ඉවත් කිරීම සඳහා ට්රක් රථ 100ක් භාවිත කළහොත් ඒ සඳහා වසර 14 ක කාලයක් ගත වෙනු ඇතැයි එක්සත් ජා
පාස්කු ඉරු දින ප්රහාරය පිළිබඳ විවාදයේදී හිටපු ජනාධිපති මෛත්රිපාල සිරිසේන මහතා අදහස් දැක්වීමට නියමිතව තිබුණත් ඔහු කිසිදු අදහස් දැක්වීමක් නොකිරීම
කොළඹ වෛද්ය පීඨ ශිෂ්ය ක්රියාකාරී සංගමය වෛද්ය පීඨ ශිෂ්ය ශිෂ්යාවන් මුහුණදී සිටින ගැටලු සහ පෞද්ගලික වෛද්ය පීඨ ස්ථාපිත කිරීමට ආණ්ඩුව ගෙන යන වැඩපිළ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මාස තුනකට පසු යුරෝපයේ දේශසීමා විවෘත කරයි