හර්ෂණ තුෂාර සිල්වා
බෞද්ධ ඉගැන්වීම්වල තිබෙන ‘බෞද්ධ කළමනාකරණය’ අනුගමනය කරන ලොව පුරා සමාගම් පිරිසිදු වාර්තාවක් තබා ගන්නා අතරවාරයේ දී ලාභ ඉපැයීමට ද සමත්ව ඇතැයි කතානායක කරු ජයසූරිය මහතා අද (16) පැවැසීය.
කොළඹ බණ්ඩාරනායක ජාත්යන්තර අනුස්මරණ සම්මන්ත්රණ ශාලාවේ පැවැති ‘බෞද්ධ ව්යාපාර සමුළුවේ’ ආරාධිත අමුත්තා ලෙස සහභාගී වෙමින් කරු ජයසූරිය මහතා ඒ බව සඳහන් කළේය.
සමස්ත ලංකා බෞද්ධ සම්මේලනයේ අන්තර්ජාතික සබඳතා පිළිබඳ ජාතික කවුන්සිලය දෙවැනි වරටත් සංවිධානය කළ මෙම සමුළුවේ තේමාව ‘ව්යාපාර සඳහා බෞද්ධ ඉගැන්වීම්’ යනුවෙන් නම් කර තිබිණි.
සමුළුවේ ආරම්භක සැසිය ඇමතූ කතානායක කරු ජයසූරිය මහතා මෙසේ ද කීය.
“ගෞතම බුදුන් වහන්සේ ලෝකයට ඵලදායී කළමනාකරණය හඳුන්වා දුන්නා. බුදුන් වහන්සේ දේශනා කළ ධර්මය, බුදුන් වහන්සේගේ එම ඉගැන්වීම් ජීවන දර්ශනයක්. බෞද්ධ දර්ශනය සාර්ථක වෘත්තීය ජීවිතයකට මෙන්ම සාර්ථක පෞද්ගලික ජීවිතයකට ද මඟ පෙන්වා දී තිබෙනවා.
බෞද්ධ දර්ශනය ගැටුම් නිරාකරණය ලෝකයට කියාදුන් අපූර්ව දහමක්. බුදුදහම යනු සාමය සහ සමගිය මෙන්ම සහෝදරත්වය කියාදෙන දර්ශනයක්. බුදු දහම භෞතිකවාදී නොවන ජීවිතයක් ගෙවීමට මඟ පෙන්වුවද ව්යාපාර කිරීමේදී සාර්ථකව ලාභ උපයන අයුරු කියා දී තිබෙනවා.
අද වනවිට ලොව පුරා ප්රමුඛතම ව්යාපාර සහ සමාගම් බෞද්ධ ඉගැන්වීම්වල තිබෙන කළමනාකරණ ක්රමවේද භාවිත කරනවා. මනස සන්සුන් කර ගැනීමට, අවධානය එක් ඉලක්කයක තබා ගැනීමට, සේවකයන් දිරි ගැන්වීමට බෞද්ධ ඉගැන්වීම්වල තිබෙන භාවනාව යොදාගන්නා. ලොව පුරා සිටින ප්රමුඛ පෙළේ ව්යාපාරිකයන්, විධායක නිලධාරීන් භාවනාවේ යෙදෙනවා. ඔවුන් ඒ තුළින් සාර්ථකත්වය ළඟා කරගෙන තිබෙනවා.
මීට වසර කිහිපයකට පෙර එක්සත් ජාතීන්ගේ සංවිධානයට ප්රකාශයට පත් කරන ලද තිරසර සංවර්ධන ඉලක්ක බුදුන් වහන්සේ මීට වසර සිය ගණනකට පෙර ලෝකයට කියා දුන්නා. බුදු දහම සමාජ ආරක්ෂාව, සාමය, සහයෝගීත්වය, එකිනෙකාට උදවු උපකාර කර ගැනීම සහ සහෝදරත්වය පමණක් නොව ව්යාපාර සාර්ථක කරගැනීමට සාර්ථක පවුල් දිවියකට, සාර්ථක වෘත්තීය ජීවිතයකට මෙන්ම සාර්ථක පෞද්ගලික ජීවිතයකට මඟ පෙන්වා දී තිබෙනවා” යැයි කරු ජයසූරිය මහතා කීය.
ව්යාපාරිකයන්, නවෝත්පාදකයන්, ව්යවසායකයන් ඇතුළු පිරිසක් මෙම අවස්ථාවට එක්ව සිටියහ.
ඡායාරූප - රොමේෂ් ධනුෂ්ක සිල්වා
මත්තල රාජපක්ෂ ජාත්යන්තර ගුවන්තොටුපළෙහි කළමනාකාරීත්වය රුසියා සහ ඉන්දියා සමාගම් දෙකකට බාරදීම සඳහා කැබිනට් අනුමැතිය ලබා දී ඇත.
බලශක්ති අංශය සඳහා නව නියාමන ආයතනයක් හඳුන්වා දීමට කැබිනට් අනුමැතිය ලැබී ඇත.
රටේ ඇතැම් ප්රදේශවලට බාල සහල් බෙදා දීමේ සිද්ධිය සම්බන්ධයෙන් පරීක්ෂණයක් පවත්වන්නැයි රජයෙන් ඉල්ලීමක් කරන බව විපක්ෂ නායක සජිත් ප්රේමදාස මහතා පාර්ලිම
පාර්ලිමේන්තු කටයුතු කාරක සභාවේ විශේෂ රැස්වීමක් අද (26) දහවල් 11ට කැඳවන බව නියෝජ්ය කතානායක රාජපක්ෂ මහතා පාර්ලිමේන්තුවට නිවේදනය කළේය.
මාන්කුලම වසන්තනගර් හන්දියේදී අද (26) අලුයම ලොරි රථයක් සහ හමුදා ට්රක් රථයක් ගැටී සිදුවු අනතුරකින් යුද හමුදා සැරයන්වරයකු මිය ගොස් තවත් හමුදා සාමාජිකයන්
අධිකරණ නියෝගයකට අවනතව කටයුතු නොකර රාජ්ය නිලධාරීන්ට බාධා පමුණුවා, ඇමතිවරයකුගේ ලිපියක් පෙන්නමින් බලපෑම් කළේ යැයි රක්ෂිත බන්ධනාගාර ගතව සිටි ගුරු විද
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බෞද්ධ කළමනාකරණයෙන් ලාභ උපයන්න
shantha Tuesday, 16 October 2018 04:49 PM
ඔහේ මෙහෙ බණ කියනවා. අරහේ රුපියල කඩා වැටිලා රට හොම්බෙන් ගිහින්, කට්ටිය අල, බතල, අල, කියා කියා හීනෙන් දොඩවනවා.