ගෝලීය අර්බුද රැසක් නිර්මාණය කළ නව කොරෝනා වයිරසය හෙවත් ‘කොවිඩ්-19’ ගෝලීය වසංගතය සඳහටම ලොවෙන් තුරන් නොවන බවත් ලෝකවාසීන් වයිරසය සමඟ ජීවත් වීමට හුරුපුරුදු විය යුතු බවත් ලෝක සෞඛ්ය සංවිධානය අනතුරු අඟවයි.
ලෝක සෞඛ්ය සංවිධානය එම අනතුරු ඇඟවීම කළේ නව කොරෝනා වයිරසය හේතුවෙන් ලොව නන්දෙසින් වාර්තා වන මරණ ගණන 300,000කට ළඟා වෙමින් තිබෙන මොහොතකය.
‘‘නව කොරෝනා වයිරසයත් අනෙක් වයිරස වගේම අප අතර තියේවි. ඒ නිසි අපි නව කොරෝනා වයිරසය සමඟ ජීවත් වීමට පුරුදු වෙන්න ඕනෑ’’ යැයි ලෝක සෞඛ්ය සංවිධානයේ හදිසි ආපදා කටයුතු පිළිබඳ අධ්යක්ෂ වෛද්ය මයිකල් රයන් පැවැසීය.
ස්විට්සර්ලන්තයේ ජීනිවා නුවර දෛනිකව පැවැත්වෙන මාධ්ය හමුවට එක්වෙමින් හෙතෙම ඊයේ (13) පස්වරුවේ ඒ බව සඳහන් කළේය.
‘‘එච්.අයි.වී. වයිරසය අපෙන් පහව ගිහින් නැහැ. එහෙත් අපි එයත් සමඟ ජීවත් වෙන්න පුරුදු වී සිටිනවා’’ යැයි ඔහු කීය.
ලෝක සෞඛ්ය සංවිධානයේ මූලස්ථානය පිහිටා ඇත්තේ ස්විට්සර්ලන්තයේ ජිනිවා අගනුවරය.
‘කොවිඩ්-19’ වයිරසය පාලනය කිරීමට අප සැමට මහත් පරිශ්රමයක් දැරීමට සිදුවේවි. වයිරසයට එන්නතක් හෝ ඔසුවක් හෝ නිර්මාණය කිරීම මේ වනවිට ලහිලහියේ සිදුවෙනවා.
එසේ වුවත් වයිරසය සඳහටම ලොවෙන් තුරන් වෙන්නේ නැහැ. ඒඩ්ස් රෝගය ඇති කරන එච්.අයි.වී. වයිරසය මෙන් සමාජගතව ‘කොවිඩ්-19’ පවතිනු ඇත. එපමණක් නොව, එය කලින් කලට යළි වසංගත තත්ත්වයක් තෙක් දුරදිග යෑමටත් පුළුවන්. වයිරසයෙන් ආරක්ෂාවීමට නම් අප හොඳ සෞඛ්ය පුරුදු පිළිපඳින්න ඕනෑ. පිරිසුදුව ඉන්න ඕනෑ’ යැයි වෛද්ය මයික් රයන් වැඩිදුරටත් පැහැදිලි කළේය.
මේ වනවිට ‘කොවිඩ්-19’ වයිරසය මර්දනය කිරීමේ අරමුණ ඇතිව ඇමෙරිකාව, ජර්මනිය, එක්සත්රාජධානිය, ප්රංශය, ඔස්ට්රේලියාව, වියට්නාමය සහ ඉන්දියාව ඇතුළු රටවල් රැසක් එන්නත් නිර්මාණය කිරීමට මැදිහත් වී සිටී. එන්නත් වර්ග 100 ක් නිර්මාණය වෙමින් පවතින බවත් එයින් 87 ක් කෙරෙහි බලාපොරොත්තු තබා ගැනීමට හැකි බවත් ලෝක සෞඛ්ය සංවිධානය වැඩිදුරටත් පෙන්වාදෙයි.
චීනයේ හුබෙයි පළාතේ වූහාන් නගරයෙන් ‘කොවිඩ්-19’ හෙවත් නව කොරෝනා වයිරසය ව්යාප්ත වීමට පටන් ගත් බව සෞඛ්ය විශේෂඥයන් ඇතුළු බොහෝදෙනාගේ විශ්වාසය වී ඇත.
වයිරස ව්යාප්තියත් සමඟ වූහාන් ඇතුළු නගර රැසක් ‘ලොක්ඩවුන්’ (සම්පූර්ණයෙන් වසා දැමීමට) කිරිමට චීන රජය පියවර ගත්තේය. දැඩි සීමා පනවමින් වයිරසයේ ව්යාප්තිය පාලනය කිරීමට සමත්වූ බවත් දිනපතා හමුවන ආසාදිතයන්ගේ ගණන ක්රමයෙන් අඩු කිරීමට හැකි වූ බවත් චීන බලධාරීහු කීහ.
කෙසේ නමුත් දැන් යළිත් වරක් චීනයෙන් වයිරස ආසාදිතයන් හමුවීමට පටන්ගෙන ඇත. චීන සෞඛ්ය බලධාරීන් පෙන්වා දෙන අන්දමට වයිරස පොකුරු යළි හමුවී ඇත්තේ ජිලේන් නමැති නගරයෙනි. ඒ අනුව,එම නගරය ලොක්ඩවුන් එසේත් නැතිනම් අගුළු දැමීමට බලධාරීහු පියවර ගෙන ඇත.
ඒ.එෆ්.පී.
055
හිටපු ජනාධිපති මෛත්රීපාල සිරිසේන මහතා පාස්කු ප්රහාරය සම්බන්ධයෙන් පාර්ලිමේන්තුවට අද ප්රකාශයක් කිරීමට නියමිතය.
වත්මන් ජනාධිපති රනිල් වික්රමසිංහ මහතා දේශපාලන කටයුතු සඳහා තරුණ සේවා සභාවේ දේපල යොදාගැනීම පිළිබඳ විමර්ශනයක් කරන ලෙස ඉල්ලා අල්ලස් හා දුෂණ කොමිෂන් සභ
යාපනය ප්රදේශයේ තරුණයන් හට අලෙවි කිරීම සදහා මත්පෙති සන්තකයේ තබාගෙන සිටි මහා පරිමාණ ජාවාරම් කරුවකු පොලිස් විශේෂ කාර්ය බලකායේ නිළධාරින් විසින් අත්අඩ
විදෙස් රටක සැගව සිටින මත්කුඩු ජාවාරම්කරුවෙකු වන රැවුල් කුමාරගේ ප්රධාන ගෝලයෙකු රුපියල් ලක්ෂ හැත්තෑවක් පමණ වටිනාකමකින් යුත් ගංජා කිලෝ 25 ක් සමග පොලිස්
බස්නාහිර, සබරගමුව, මධ්යම, වයඹ සහ දකුණු පළාත්වලට අද පස්වරු 2.00 පමණ පසු තැනින් තැනට වැසි හෝ ගිගුරුම් සහිත වැසි ඇති වන බව කාලගුණ විද්යා දෙපාර්තමේන්තුව කිය
කකුලේ ඇතිව තිබූ තුවාලයකට ප්රතිකාර ගැනීමට කුලියාපිටිය ශික්ෂණ රෝහලට පෙරේදා (24) මවත් සමග පැමිණ සිටි දරුවකු පැළඳ සිටි රුපියල් තුන් ලක්ෂ අසූ දෙදහසක් පමණ වට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කොරෝනා ලොවෙන් තුරන් වෙන්නේ නැහැ: ඒ සමඟ ජීවත් වෙන්න පුරුදු වෙන්න
චමින්ද Thursday, 14 May 2020 01:22 PM
ස්වභාව ධර්මයාට අනුව කටයුතු කලහොත් පරිසරය රැක ගතහොත් වනාන්තර විනාශ නොකල හොත් තෙල් ළිං ගිනිගැනීම් න්යෂ්ඨික අවි අත්හදා බැලීම් නොකලහොත් පෘතුවියේ වායුගෝලය පිරිසිදුවීම සිදුවේ. පරිසරය පිරිසිදු වනවිට මේ ලෝකයෙන් වෛරස නැතිවේවි. වායුව පිරිසිදු වනවිට පිටින් විෂවායු පැමිණීමද නැතිවේවි. එවිට ඕනෑම විෂබීජයක් නැතිවේවි...!!!
chandima Thursday, 14 May 2020 07:05 PM
මෙතෙක් කල් උන්නෙත් ඒකත් එක්කලම තමයි.
Samitha Senaka Aluthgamage. Thursday, 14 May 2020 07:05 PM
මේ තිත්ත ඇත්ත පැවසුවාට බුද්ධිමත් ඔයාලා අමනාප වෙන එකක් නැහැ. ඔය සමහරුන් කියන සමහර දේවල් මීට පෙර වෙනස් වෙලා තියෙනවා. ඒක තමයි ලෝක ස්වභාවය. ඒ වෙනස්වීම කොරෝනාවලටත් අදාළයි. ඒ අය කියා තිබුණා ඒඩ්ස් ගැන. ඒඩ්ස් ලෙඩුන් වැඩිවන්නේ ඔය රටවල සමහර දෙනා සතුන් සමග ලින්ගිකව හැසිරීම වැනි දේත් නිසාය. පිටරටින් එන හොඳ දේ පමණක් ගන්නවානම් අපට අරවගේ ජරා ලෙඩ හැදෙන්නේ නැහැ. .
Chamapa Friday, 15 May 2020 12:37 AM
මේ වෛරසය නම් අනිත් වෛරස වගේ නෙමෙයි. එච්අයිවී හදා ගන්න එක පෞද්ගලික දෙයක්. වෙනත් වෛරස් හැදෙන විදිහ හොයා ගෙන ඉවරයි. හැදෙන කාලය දන්නවා. විදිහ දන්නවා. ඒවාට එන්නත් තියෙනවා. අනික අනිත් වෛරස් මේ විදිහට ලෝකේ පුරාම එක වගේ පැතිරුනෙත් නැහැ. කොරෝනා වෛරසය කෙලින්ම මරණය අතේ අරන් එනවා. අනිත් වෛරස් සහ මේ වෛරසය අතර ලොකු වෙනසක් තියෙනවා.
රුවන් Friday, 15 May 2020 01:54 AM
ලෝක සෞඛ්ය සංවිධානයේ ඉන්නේ සජිත් ප්රේමදාසගෙ නෑදෑ හිත මිතුරන් ද කොහෙද. මට පේන්නෙ මේ සංවිධානය දැන් කිසිම වැඩකට නැති වගේ.
සුනිමල් Saturday, 16 May 2020 09:59 AM
මන් හිතාගෙන හිටියේ සිරිසේන වගේ එක්කෙනෙක් ඉන්නේ ලංකාවේ විතරයි කියල..... දැන් බලන් යද්දී ලෝකෙම ඉන්නේ සිරිසේනලානේ. හැම එකාම බෝලේ පාස් කරලා සැපේ ඉන්නවා. අහිංසක දුප්පත් මිනිස්සු වන්දි ගෙවන්න ඕන හැම දේකින්ම. ආලෝක වර්ෂ මිලියන ගණන් තරණය කරන්න පුළුවන්. වෙන ග්රහලෝක වල ජනාවාස හදන්න පුළුවන්. වයිරස් එකකට බෙහෙත් හොයා ගන්න බෑ. මරු ඔහොම යන්කො. කොහොමත් ලෝකේ විනාසය ආරම්භ වෙලා ඉවරයි. සයිබර් යුද්ධ, ජිව අවි යුද්ධ වලට ඉස්සරහට මුණ දෙන්න බලාපොරොත්තුවෙන් ඉම්මු.