( තිලකරත්න දිසානායක.)
කැලණිය ප්රදේශයේ පවත්වාගෙන ගිය මහා පරිමාණයේ ව්යාජ ඖෂධ නිෂ්පාදනාගාරයක් ජාතික ඖෂධ නියාමන අධිකාරියට ලද තොරතුරකට අනුව එම අධිකාරියේ නිලධාරීහු සහ ගම්පහ දිස්ත්රික් ආහාර හා ඖෂධ පරීක්ෂකවරු අද (9) වැටලූහ.
කල් ඉකුත්වූ කායවර්ධන කිරිපිටි වර්ගයක ඇසුරුම් ලේබල යොදා වෙළඳ පොලට නිකුත් කරනු ලබන බවට ලද තොරතුරක් මත අදාළ ස්ථානය පරීක්ෂාවට ලක් කිරීමේදී මෙලෙස ඖෂධ නිෂ්පාදනය කරන බවද සොයා ගැනීමට හැකිවිය.
සිව්මහල් ගොඩනැගිල්ලක මෙම දිගු කාලයක් පුරා මෙම ජාවාරම කරමින් ව්යාජ හා ප්රමිතියෙන් තොර මෙන්ම කල් ඉකුත්වූ මෙම ඖෂධ යළි ඇසුරුම් කර දිවයින පුරා බෙදාහැර ඇති බවට මෙහෙයුම සිදුකළ නිලධාරීහු සැක කරති.
මෙම නිෂ්පාදනාගාරයේදී වේදනා නාශක ඖෂධ වර්ගය ඇතුළු ප්රතිජීවක ඖෂධ, ශක්ති ජනක ආහාරමය පිටි වර්ග සහ විටමින් වර්ග සහිත ඖෂධ වර්ග 10 ක් පමණ මෙහිදී නිෂ්පාදනය කර ඇති බව අනාවරණයවු අතර මෙම ඖෂධ අතරින් ඇතැම් ඒවා ඉන්දියාවේ නිෂ්පාදනය කර ඇති බවට ලේබල් යොදා තිබු ආකාරයද නිලධාරීන්ට දැකගත හැකි විය.
මෙම නිෂ්පාදනාගාරයේ හිමිකරුගෙන් ප්රශ්න කිරීමේදී මොහුට ඖෂධ වර්ග කිහිපයක් නිෂ්පාදනය කිරීම පිණිස 2013 වසර දක්වා බලපත් ලබාදී තිබී ඇතත් එය අහෝසි වූ පසුවද මෙලෙස ව්යාජ අන්දමින් නිෂ්පාදනය කර ඇති බව අනාවරණය වී යැයි නිෂ්පාදනාගාරය වැටලීම සිදුකළ ඖෂධ නියාමන අධිකාරියේ ප්රධාන ආහාර හා ඖෂධ පරීක්ෂක අමිත් පෙරේරා මහතා පැවසීය.
කල් ඉකුත්වූ ඖෂධ යළි සකස් කර වෙළඳපොළට යැවීම මෙන්ම නිසි ප්රමිතියෙන් තොර ඖෂධ වර්ග පාරිභෝගිකයින් අතරට යැවීමට සැලැස්වීම දැඩි හානිකර තත්ත්වයක් බවද හෙතෙම සදහන් කළේය. රුපියල් කෝටි ගණනක් වටිනා ඖෂධ සහ විටමින් වර්ග මෙහි තිබු අතර නිසි වටිනාකම ඊයේ සවස වන තුරුත් ගණනය කොට නොතිබිණි. මෙම නිෂ්පාදනාගාරය පවත්වාගෙන ගිය පුද්ගලයා කොළඹට නුදුරු ප්රදේශයක පදිංචි ඉංජිනේරු වරයෙකු බව අනාවරණය වී තිබිණි.
අදාළ නිෂ්පාදනාගාරය සහිත සිව්මහල් ගොඩනැගිල්ලට මුද්රා තැබීමට නිලධාරීන් විසින් පියවර ගනු ලැබූ අතර අත්අඩංගුවට ගන්නා ලද නිෂ්පාදනාගාරය හිමිකරු බැදුම්කර ඇපකරයක් මත මුදා හළ අතර නියම කරනු ලබන දිනකදී කොළඹ මහේස්ත්රාත් අධිකරණය වෙත ඉදිරිපත් කිරීමට නියමිතය.
මත්තල රාජපක්ෂ ජාත්යන්තර ගුවන්තොටුපළෙහි කළමනාකාරීත්වය රුසියා සහ ඉන්දියා සමාගම් දෙකකට බාරදීම සඳහා කැබිනට් අනුමැතිය ලබා දී ඇත.
බලශක්ති අංශය සඳහා නව නියාමන ආයතනයක් හඳුන්වා දීමට කැබිනට් අනුමැතිය ලැබී ඇත.
රටේ ඇතැම් ප්රදේශවලට බාල සහල් බෙදා දීමේ සිද්ධිය සම්බන්ධයෙන් පරීක්ෂණයක් පවත්වන්නැයි රජයෙන් ඉල්ලීමක් කරන බව විපක්ෂ නායක සජිත් ප්රේමදාස මහතා පාර්ලිම
පාර්ලිමේන්තු කටයුතු කාරක සභාවේ විශේෂ රැස්වීමක් අද (26) දහවල් 11ට කැඳවන බව නියෝජ්ය කතානායක රාජපක්ෂ මහතා පාර්ලිමේන්තුවට නිවේදනය කළේය.
මාන්කුලම වසන්තනගර් හන්දියේදී අද (26) අලුයම ලොරි රථයක් සහ හමුදා ට්රක් රථයක් ගැටී සිදුවු අනතුරකින් යුද හමුදා සැරයන්වරයකු මිය ගොස් තවත් හමුදා සාමාජිකයන්
අධිකරණ නියෝගයකට අවනතව කටයුතු නොකර රාජ්ය නිලධාරීන්ට බාධා පමුණුවා, ඇමතිවරයකුගේ ලිපියක් පෙන්නමින් බලපෑම් කළේ යැයි රක්ෂිත බන්ධනාගාර ගතව සිටි ගුරු විද
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කැලණියේ ව්යාජ ඖෂධ නිෂ්පාදනාගාරයක් වටලයි
Cisco Tuesday, 09 July 2019 10:06 AM
හා.. හා.... කොර්ට්?
ජයන්ත මිලානෝ Tuesday, 09 July 2019 10:19 AM
මෙය කොපමණ බරපතල වුවත්, ජනජීවිතයට හානි වුවත් රුපියල් දහදහක දඩයක් නියම කරලා ගෙදර යවයි. නිලධාරීන් රොත්තක් එකතුවෙලා වැඩි වියදමක් දරලා වැටලීම කළත් උසාවියෙන් ලැබෙන දඬුවම එපමනයි.
කල්ප Tuesday, 09 July 2019 12:05 PM
විශාල මුදලක් වියදම් කර පිටරටින් බෙහෙත් ගෙන්වන්න වෙලා... මේවගේ මිනිස්සුන්ට අතදීලා ප්රමිතියෙන් යුතු බෙහෙත් අපේ රටේම හැදුවා නම් හොඳයිනේ. බලපත්ර නැත්නම් නීත්යානුකූල තත්වයන් පරීක්ෂා කරලා බලපත්රයක් දෙන්න මේ මනුස්සයට...
BamunuarachchiWednesday, 10 July 2019 03:01 AM
නිෂ්පාදනයට යන්ත්ර තිබීමත් කාර්මික දැනුම තිබීමත් ඖෂධ නිෂ්පාදයට සුදුසු කමක් නොවේ. එහෙම පුලුවන් කමක් තිබේනම් හැම හන්දියක් ගානෙම, ඉන්දියාවේ මෙන්, ගෘහස්ත නිෂ්පාදන ලෙස ඖෂධ නිෂ්පාදය වනු ඇත. මොහුට 2013 දී තිබුන බලපත්රයත් අහෝසි වෙලා තිබෙනවා ඒ මොහු ඒ නිෂ්පාදනයට සුදුසු නැති නිසා. තව මොනවාද කතා.
Prabha Tuesday, 09 July 2019 12:13 PM
මේ නිෂ්පාදනවල නම සඳහන් කරන්න.
BamunuarachchiWednesday, 10 July 2019 02:36 AM
එසේ කිරීමෙන් දැනටමත් වෙළෙඳ පොලේ ඇති මේ විනාශකාරී ද්රව්ය වලින් ජනතාව බේරා ගත හැකිවේ.
Bamunuarachchi Wednesday, 10 July 2019 02:46 AM
ප්රශ්නය කල්ගතවූ කායවර්දන පිටිවර්ග සහ අනිකුත් ද්රව්ය මෙවන් කූඨ මිනිසුන්ට අතට යන්නේ කොහොමද. ඒවා විනාසකරන්නේ නැද්ද? එසේ යාම වැලැක්වීම අදාළ රජයේ ආයතනවල වගකීමයි. ඒ සඳහා නීති නැතිනම් නීතිහදා හෙන ජනතාව රැකගන්න.