(නිමල කොඩිතුවක්කු)

උසාවි මගින් වැරදිකරුවන් වී අච්චු කරනු ලැබූ ත‍්‍රස්තවාදීන්ට, කුඩු ජාවාරම්කරුවන්ට, මිනී මරුවන්ට,  ස්ත‍්‍රී දූෂකයන්ට හා ළමා අපචාරකරුවන්ට සිය ධූර කාලය ඇතුළත කුමන ආකාරයකටවත් ජනාධිපති සමාව නොදෙන බව නව ප‍්‍රජාතන්ත‍්‍රවාදී පෙරමුණේ ජනාධිපති අපේක්ෂක සජිත් පේ‍්‍රමදාස මහතා ගල්ගමුවේදී පැවසීය.

විපක්ෂයේ රැළියට සහභාගී වී ආපසු යමින් සිටියදී දූෂණයට ලක්වූ විශේෂ  අවශ්‍යතා ඇති දැරියට ජනාධිපති තනතුරේ දිවුරුම් දුන් වහාම සර්ව සාධාරණය ඉටුකිරීමට තමන් ක‍්‍රියා කරන්නේ යැයිද සජිත් පේ‍්‍රමදාස මහතා පැවැසීය.

නව ප‍්‍රජාතන්ත‍්‍රවාදී පෙරමුණේ ජනාධිපති අපේක්ෂක සජිත් පේ‍්‍රමදාස මහතා මේ බව සඳහන් කළේ ගල්ගමුව පොළ භූමියේ අද (11) පැවති ජන රැළියකදීය.