(බන්දුල ඉලේපෙරුම)

එදා ජුලියස් සීසර් ඝාතනය කළේ ඇයි දැයි ඝාතකයාගෙන් ඇසූ විට ඔහු කීවේ “මම සීසර්ට ආදරෙයි නමුත් රෝමයට ඊට වඩා ආදරෙයි “ යනුවෙන් බවත් තමාත් විපක්ෂයේ සිට ඊයේ ගනු ලැබුවේ එවැනි තීරණයක් බවත් සමගි ජනබලවේගයේ ජාතික ලැයිස්තු මන්ත්‍රීනී ඩයනා ගමගේ ප්‍රකාශ කළාය.

අද(23) පාර්ලිමේන්තුවේ පැවැත්වෙන කොවිඩ් 19 වසංගත තත්ත්වය පිළිබඳ විවාදයට එක්වෙමින් ඇය මේ බව කියා සිටියාය.

වැඩිදුරටත් අදහස් දක්වමින් ඇය කියා සිටියේ අතපය බැඳ දමා ජනපතිට පීනන්නට කීවොත් පිහිනිය නොහැකි බවයි. එබැවින් ජනපතිට ඕනෑම සහායක් තමා ලබාදෙන බවද කොතරම් විනය පරීක්ෂණ තැබුවද තම හිතට එකඟව අවංකව කටයුතු කරන බවද සමගි ජනබලවේගයේ ජාතික ලැයිස්තු මන්ත්‍රීනී ඩයනා ගමගේ පැවසුවාය.