(මංගල එදිරිසිංහ)
හොරණ අඟුරුවාතොට මාර්ගය පුළුල් කර සංවර්ධනය කටයුතු සිදුකෙරෙමින් තිබියදී, හොරණ බෝගස අසළ එකිනෙකට යාබද පිහිටි ව්යාපාරික ස්ථාන තුනක් අද පොළොවට ගිලා බසිමින් කඩාවැටුණු බව හොරණ නගරාධිපති විතාරමගේ සිරිසෝම මහතා පවසයි.
මාර්ග සංවර්ධන අධිකාරියේ හොරණ විධායක ඉංජිනේරු කාර්යාලය අධීක්ෂණය යටතේ මෙම සංවර්ධන කටයුතු සිදු කෙරේ. එකින්එකට යාබදව පිහිටා තිබූ වසර 100ක් පමණ පැරණි ගොඩනැගිල්ලක පිහිටි සපත්තු සෙරෙප්පු අලෙවි කරන ව්යාපාරික ස්ථාන තුනක් මෙලෙස සම්පූර්ණයෙන් විනාශයට පත් වී ඇත.
මෙම අලෙවිසැල් ගිලාබසින අවස්ථාවේදී එම වෙළඳසැල තුළ ව්යාපාරිකයින් සහ පාරිභෝගික කිහිපදෙනෙක් ද සිට ඇති අතර ගිලාබසිනවාත් සමගම ඔවුන් සියලු දෙනා එම ව්යාපාරික ස්ථානවලින් පිටතට පැනීම නිසා සිදුවන්නට ගිය ජීවිත අනතුරු වැළකී ඇත.
හොරණ නගරයේ පවතින දැඩි රථවාහන තදබදයට සහනයක් ලෙස මාර්ගය පුළුල් කර සංවර්ධනය කිරීම සිදු කරන බවත් ඒ අනුව සියලුම ව්යාපාරිකයින් හොරණ නගර ශාලාවට කැඳවා මෙම සංවර්ධන කටයුතු කරන ආකාරය පිළිබඳව ඔවුන් සම්පූර්ණයෙන් දැනුවත් කළ බවත් ඒ අනුව ඔවුන්ගේ විරුද්ධතාවක් නොමැතිව සංවර්ධන කටයුතු ආරම්භ කල බවත් නගරාධිපති සිරිසෝම මහතා පැවසීය. කෙසේ වෙතත් සුන්බුන් අතර ඇති ඔවුන්ගේ ව්යාපාරික භාණ්ඩ එළියට ගැනීම සඳහා හොරණ නගර සභාවේ ගිනි නිවන නිලධාරීන්ගේ සහාය ලබා දෙන බවත් නගරාධිපතිවරයා පැවසීය.
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
සීඝ්රයෙන් පරිවර්තනය වෙමින් පවතින ශ්රී ලංකාවේ සෞඛ්ය සේවා ක්ෂේත්රයට නායකත්වය දෙන හේමාස් රෝහලේ අලූත්ම හඳුන්වාදීම හේමාස් හෙල්ත් ප්ලස් ( Hemas Health P
හොරණ නගරය මැද වෙළෙඳසැල් 3ක් ගිලා බහී
Demuni Uduwara Friday, 31 July 2020 11:58 AM
සිදුවීම ගැන කණගාටුයි... රටත් ඒ ඉරණමටම පත්වෙයි දැන් හෝ පසුව...
අනුර Saturday, 01 August 2020 02:47 AM
නගර මධ්යයේ ඇති මෙවැනි කල් ඉකුත් වූ ගොඩනැගිලි ප්රතිසංස්කරණය කිරීම, කඩා ඉවත් කිරීම හෝ නැවත ගොඩ නැගීම පිළිබඳ සියළුම නගර සභා අවධානය යොමු කළ යුතුය.