විජයදාස රාජපක්ෂ ලක්ෂ 19 ක මුද්දර ආපසු භාරදෙයි

(ඩයනා උදයංගනී)

හිටපු පාර්ලිමේන්තු මන්ත්‍රී, ආචාර්ය විජයදාස රාජපක්‍ෂ මහතාට රාජකාරී කටයුතු සඳහා ලැබුණු මුද්දරවලින් රුපියල් ලක්‍ෂ 19 ක් පමණ වටිනා භාවිතා නොකළ මුද්දර පාර්ලිමේන්තු සංකීර්ණයේ පිහිටි තැපැල් කාර්යාලයට යළි භාර දී තිබේ.

පාර්ලිමේන්තු මන්ත්‍රීවරුන්ට සිය රාජකාරි කටයුතු සඳහා සෑම වසරකම නිශ්චිත වටිනාකමකින් යුත් මුද්දර ප්‍රමාණයක් ලබා දෙන අතර පාර්ලිමේන්තු ධූර කාලය අවසානයේ දී ඉන් භාවිතා නොකල මුද්දර නැවතත් තැපැල් දෙපාර්තමේන්තුවට භාර දිය යුතු වේ.

ඒ අනුව තමන්ට ලැබුණු මුද්දර අතරින් භාවිතයට නොගත් මුද්දර මෙසේ පාර්ලිමේන්තු සංකීර්ණයේ පිහිටි තැපැල් කාර්යාලයට භාර දී දුන් බව විජයදාස රාජපක්‍ෂ මහතා පැවසීය.

එසේ භාරදුන් මුද්දරවල වටිනාකම රුපියල් 19,27,780ක් බව ද රාජපක්‍ෂ මහතා සඳහන් කළේය.

එසේ භාවිතා නොකල මුද්දර ප්‍රථම වතාවට ආපසු භාර දෙන ලද්දේ තමන් බවත්, අන් කිසිවෙකුත් එසේ භාර දීම සිදු නොකළ බවත් පාර්ලිමේන්තුවේ පිහිටි තැපැල් කාර්යාලයේ නිලධාරීන් පැවසූ බව ද හිටපු මන්ත්‍රීවරයා කීවේය.

අදහස් (12)

විජයදාස රාජපක්ෂ ලක්ෂ 19 ක මුද්දර ආපසු භාරදෙයි

shanaka gunawardana Tuesday, 30 June 2020 12:54 PM

පරක්කු වැඩියිනේ.. කළින්මනේ බාරදෙන්න තිබුණේ... මොකද මේ හදිස්සියේ බාරදෙන්න හිතුණේ...

: 134 436

siri Tuesday, 30 June 2020 12:58 PM

සුදුහුණු ගාපු එක ඇරෙන්න වෙන කරපු හරිහමන් රාජකාරියක් නැති නිසා මුද්දර ඉතුරුවෙන්න ඇති...

: 572 1008

sena Tuesday, 30 June 2020 02:08 PM

ඕක විකුණලා සල්ලි ගන්න බැරිව ඇති..

: 310 845

Siri Tuesday, 30 June 2020 11:02 PM

මෙයාවත් මෙච්චර වටින්නේ නැහැ...

: 0 0

Buddika Tuesday, 30 June 2020 11:43 PM

අද ඇවන් ගාර්ඩ් එකෙන් සල්ලි ගත්තා කියලා අනෙත් අයට මෙයා චෝදනා කරනවා මම ඇස් දෙකෙන් දැක්කා මෙයා සේනාධිපති එක්ක අනුරාධපුරයේ කඩ 50කියන හරියේ හිටියා...

: 0 0

රමල් Wednesday, 01 July 2020 01:16 AM

බාර දෙන්න දෙයක් නෑ. පාවිච්චි නොකර හිටියාම ඉබේම අහෝසි වේවි...

: 0 0

Lion Wednesday, 01 July 2020 01:39 AM

අම්මෝ හරි වැඩක් කරලා... ඕක දැම්මේ හොඳ මිනිහා වෙන්නද? මේ සැරේවත් දේශපාලනයෙන් ගියොත් රටට සෙතක්..

: 0 0

Wijaya Wednesday, 01 July 2020 02:24 AM

ඇවර්න්ගාර්ඩ් මුදලාලිගෙන් හම්බවෙච්ච ගාණත් එක්ක බලනකොට මේක පොඩි ගාණක්. එ්කයි ආපහු දුන්නේ...

: 0 0

Asanga Wednesday, 01 July 2020 02:24 AM

කවුරුහරි හොඳක් කළාම අගය කිරීමක් දකින්නේ නැති කුහකයෝත් ඉන්නවා වගේ.. අපිට වැරදුණෙත් ඔතනයි මිත්‍රයා...

: 0 2

mahinda Wednesday, 01 July 2020 02:55 AM

මේ තරම් පූර්වාදර්ශී නම් මහජන බදුමුදල් වලින් ලබාගත් වාහනයත් ආපහු බාරදෙන්න. මන්ත්‍රී වරයෙකුව සිටියදීම තම වෘත්තීය වූ නීතිඥයකු ලෙස අධිකරණයේද පෙනීසිටි නිසා ගෞරවනීය පුරවැසියකුට එලෙස මුදල් ගැනීම ලැජ්ජා සහගතයි. යූ.බී. වන්නිනායක මහතා මුදල් ඇමතිව සිටියදී විදේශගත වනවිට තම රාජකාරී දුරකථනය තැපැල් කාර්යාලයේ තබා ගිය බව අසා ඇත. මේ රටේ කීර්තිමත් රාජ්‍ය නායකයකු වූ හිටපු අග්‍රමාත්‍යවරයකු වූ ගරු ඩඩ්ලි සේනානායක මැතිඳුන් මිය යන විට බැංකුවේ රුපියල් 425/-ක් පමණ මුදලක් බව අසා ඇත. යළි කවදා මෙවන් ගරු දේශපාලකයින් මේ බිමේ බිහිවේදෝ...!!!

: 0 0

mohomed Wednesday, 01 July 2020 03:49 AM

පාර්ලිමේන්තුවේ ඉන්න හොඳම ඩීල් කාරයින් තමයි.

: 0 32

Nalin Wednesday, 01 July 2020 04:26 AM

ඩීල් දැම්මා ඇරෙන්න වැඩක් කළේ නැහැ ඉතින්. මුද්දර ඔක්කොම ඉතුරු ඇති. උගත් හොරුත් පාර්ලිමේන්තුවේ ඉන්නවා... ඒ අයත් හරිම භයානකයි..

: 0 0