(දයාරත්න ඇඹෝගම)

නොච්චියාගම පොලිසියට ලැබුණ තොරතුරක් මත  සිදු කල සෝදිසි මෙහෙයුමකදී පුපුරන ද්‍රව්‍ය  විශාල තොගයක් සමඟ සැකකරුවන් අට (08)දෙනකු අද (23) අත්අඩංගුවට ගැනීමට පොලිසිය සමත් විය.

නිවස පරික්ෂා කිරීමේදී එහි තිබු ජෙලග්ට්නයිට් කූරු 314 ක්  ,ඇමෝනියා කිලෝ ග්‍රෑම් පන්සියයක් (500 ) ,    පුපුරුවා  හැරීමට භාවිතා කරන වයර් විශාල ප්‍රමාණයක්  පොලිසිය විසින් සොයා ගෙන ඇත. 

නොච්චියාගම නගරයේ ඉන්ධන පිරවුම් හල ඉදිරිපිට පිහිටි දෙමහල් නිවසක් පොලිසිය විසින් පරික්ෂා වට  ලක් කළ අතර එම නිවස තුළ  තිබි  මෙම පුපුරණ ද්‍රව්‍ය තොගය සොයා ගෙන තිබුණි.

මේ අවස්ථාවේ නිවසේ සිටි සැකරුවන් හය දෙනකු ද  අත්අඩංගුවට ගෙන තිබේ.

පොලිසිය මෙම නිවස පරික්ෂා කරමින් සිටි අවස්ථාවේ දී එම නිවසට පැමිණි වෑන් රථයක් හා එහි සිටි කාන්තවක් සමඟ තවත් සැකකරුවකුද   අත් අඩංගුවට ගත්  බව පොලිසිය පැවසිය. 

අත්අඩංගුවට ගත්  සැක කරුවන් අතර සිටින එක් සැකකරුවකු පසුගිය  ප්‍රාදේශීය  සභා මැතිවරණයේ දී එක්සත් ජාතික පක්ෂයෙන් තරග කළ අපේක්ෂකයෙකි.   

මෙම    පුපුරණ ද්‍රව්‍ය තොගය  තිබු නිවසේ හිමි කරු මිට පෙරද පුපුරණ ද්‍රව්‍ය ළග තබාගෙන සිටීමේ වරදට අධිකරණය මගින් දඩුවම් ලැබූ අයකු බවද පොලිස් පරීක්ෂණවලදී අනාවරණය  වී තිබේ.

නොච්චියාගම පොලිසිය හා විශේෂ කාර්ය බලකායේ බෝම්බ  නිෂ්ක්‍රීය අංශයේ නිළදාරීන් එක්ව  මෙම සෝදිසි මෙහෙයුම සිදු කරන ලදී.

 තබුත්තේගම සහකාර පොලිස් අධිකාරී අනුර ද සිල්වා මහතාගේ උපදෙස් මත නොච්චියාගම පොලිස්ථානාධිපති ප්‍ර.පො.ප.ප්‍රසාද් ජතිලක මහතාගේ මුලිකත්වයෙන් වැඩි දුර පරික්ෂණ කටයුතු සිදු කෙරේ