IMG-LOGO

නොදිරන අපද්‍රව්‍ය ටොන් 150 ක් කෙරවලපිටියට

 

(රේඛා තරංගනී ෆොන්සේකා)

කරදියාන කසළ අංගනයට පළාත් පාලන ආයතන වලින් රැගෙන එන නොදිරන අපද්‍රව්‍ය ටොන් 150ක් කන්ටේනර් පෙට්ටි 8 ක පුරවා කෙරවලපිටිය විදුලි ව්‍යාපෘතියට දිනපතා යැවීමට පියවර ගත් බව බස්නාහිර පළාත් ඝණ අපද්‍රව්‍ය අධිකාරියේ අධ්‍යක්ෂක නලීන් මාන්නප්පෙරුම මහතා පැවසීය.
 
කරදියාන කසළ අංගනයට කසළ බැහැරලීමේ සීමාව උපරිමයට පැමිණීම හේතුවෙන් එයට විසඳුමක් ලෙස මෙම පියවර ගෙන තිබේ.
 
කරදියාන කසළ අංගනයට පළාත් පාලන ආයතන හතකින් කසළ මුදාහැරීම මෙතෙක් සිදු කරනු ලැබූවද භුමි ස්ථායිතාව තුළ මතුවූ ගැටලුකාරී තත්ත්වයත් සමඟ එකී ආයතන සඳහා වාරණයක් පැනවීමට සිදු වු බව ඔහු පැවසීය.
 
දෙහිවල ගල්කිස්ස මහ නගර සභාව,මහරගම නගර සභාව,හෝමාගම ප්‍රාදේශීය සභාව යන පළාත් පාලන ආයතන වලින් ගෙන එන නොදිරන කසළ  කන්ටේනර් වල බහා විදුලි ව්‍යාපෘතියට යැවීමට පියවර ගෙන ඇති බවත් එසේ රැගෙන යන කසළ සඳහා ටොන් එකකට රුපියල් 1450 ක් ලෙස අය කිරීමටත් පැටවීමේ ගාස්තු ලෙස යම් අය කිරීමක් සිදු කිරීමටත් බලාපොරොත්තු වන බව ඒ මහතා පැවසීය.
 
පලාත් පාලන ආයතන හතෙන් එකක් වන මොරටුව මහ නගර සභාව තමාගේ බල ප්‍රදේශය තුළ නොදිරන කසළ සඳහා මේ වන විට තිර විසඳුමකට පැමිණ ඇති හෙයින් ඔවුන්ගේ නොදිරන කසල  කරදියාන කසල අංගනයට මුදා හැරීම ඔවුන් විසින් මුළුමනින්ම නවතා දමා ඇති බවද ඒ මහතා පැවසීය.

කරදියන කසළ අංගනය බොරලැස්ගමුව , කැස්බෑව නගර සභාවන් දෙකට අයත් මායිම් භුමියක පිහිටා ඇති හෙයින් තව දුරටත් කරදියානට කසළ මුදාහැරීමට එකී පළාත් පාලන ආයතන දෙකට ඉඩ පහසුකම් සලසා දී ඇති බව සඳහන් කරන ඒ මහතා ඔවුන්ගේ කසළ විදුලි ව්‍යාපෘතිය සඳහා ප්‍රවාහනය නොකරන බව පැවසීය.

 විදුලි ව්‍යාපෘතිය සඳහා ටොන් 450 ක් පමණ යැවීමට පහසුකම් ලැබී ඇති බව සඳහන් කරන ඒ මහතා මේ වන විට ටොන් 150ක් යැවීමට පියවර ගෙන ඇති බවද පැවසීය.
 


 

 



අදහස් (1)

නොදිරන අපද්‍රව්‍ය ටොන් 150 ක් කෙරවලපිටියට

Kamal Koyrala Monday, 25 January 2021 07:41 AM

කොපමණ විද්වත් ආණ්ඩුවක් කීවට අදටත් කුණුවෙන ආණ්ඩුවලින් මේවට විසඳුමක් නැහැ.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 233 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 757 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1175 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site