මහින්ද රාජපක්ෂ හිටපු ජනපතිවරයාගේ සම්බන්ධිකරණ ලේකම් ලෙසද විදේශ කටයුතු අමාත්‍යංශයේ අධීක්ෂණ මන්ත්‍රීවරයකු ලෙසද සිටිමින් සජින් වාස් ගුණවර්ධන මහ ජන මුදල් අයථා ලෙස යොදාගනිමින් හා ඒවා කොල්ලකමින් කළ බව කියන වංචා දූෂණ රැසක් පිළිබඳ අල්ලස් හා දූෂණ කොමිසමට පැමිණිලි කළ බව ජවිපෙ උතුරු මැද පළාත් සභා මන්ත්‍රී හා දූෂණ විරෝධී හඬ සංවිධානයේ වසන්ත සමරසිංහ මහතා කියයි.

ඔහුගේ පැමිණිල්ලේ මෙසේ සඳහන් වේ. කොස්මෝස් ඒවියේෂන් ලිමිටඩ් නමින් ගුවන් නියමුවන් පුහුණු පාසලක් හා මිහින් ලංකා සභාපතිවරයාව සිටියදී රත්මලාන ගුවන් තොටුපළ ආසන්නයේ මේ සමාගම පවත්වාගෙන ගියා. ශිෂ්‍යන්ගෙන් ලක්ෂ 13 1/2 බැගින් ගෙන කිසිදු බලපත්‍රයක් ලබාදී නැත. ඔහුට එසේ බලපත්‍ර ලබාදීමටද නොහැක. අමෙරිකාවේ ටෙක්සාස් වලින් ගුවන්යානා මිලදී ගෙන තියෙනවා. ලංකා බැංකුව හරහා ඒවට මුදල් යවා තියෙනවා. පාර්ලිමේන්තුවට එන්න කලින් මොහු පෞද්ගලික ලංකාවට බඩු ගේන කුරියර් සමාගමක ගබඩා පාලකවරයෙක්. එහෙම පුද්ගලයෙක් ප්‍රකෝටිපතියෙක් වුනේ කොහොමද?

මේ රටේ මහ ජන මුදල් අයථා ලෙස රැස් කරගෙන තියෙනවා. ඒ ෆයිල් අපි ළඟ තියෙනවා. අම්බලන්ගොඩ තෙල් හලේ පමණක් කෝටි 17ක් පොලු තියලා. මේ ඉතා කෙටි කාලයක් තුළ ඩොලර් මිලයන ගාණක් ගුවන් යානා මිලදී ගැනීමට රට යැව්වේ කොහොමද?

ගුවන් යානා පුහුණු පාසලේ ළමයින්ගෙන් සල්ලි අරන් දැන් ඔවුන් බලපත්‍රත් නැතිව සල්ලිත් නැතිව අසරණ වෙලා.

මේ සල්ලි රැස් කිරීමට මිහින් ලංකා එකේ අලාබවලට වග කියන්න ඕන මොහු සම්බන්ධයෙන් නීතිමය පියවර ගන්න කියලා අපි දූෂණ විරෝධී හඬ සංවිධානය හැටියට අල්ලස් කොමිසමෙන් ඉල්ලා සිටිනවා. සාක්ෂි සහිතව අපි බාරදුන් මේ පැමිණිලි සම්බන්ධයෙන් දැන්වත් කටයුතු කරන්න කියා අපි ඉල්ලා සිටියා. සියලු තොරතුරු සාක්ෂි සහිතව බාර දුන්නා වෙනස් වෙන්න උත්සාහ කරපු ජනතාව වෙනුවෙන් ඔබත් දූෂණ වංචා සම්බන්ධ තොරතුරු අපට ලබා දෙන්න. හොරු පැනලා යන්න කලින් වහාම නීතිමය පියවර ගන්න කියා අපි අල්ලස් හා දූෂණ කොමිසමෙන් ඉල්ලා සිටිනවා.