2024 අප්‍රේල් මස 26 වන සිකුරාදා
2024 අප්‍රේල් මස 26 වන සිකුරාදා
(ඉන්දික අරුණ කුමාර)
ශ්රී ලංකාව තුළ ඇත්තේ අද වන විට ලෝකයේ බොහෝ රටවල් ප්රතික්ෂේප කළ අධ්‍යාපන ක්රමයක් බව උසස් අධ්‍යාපන හා සංස්කෘතික කටයුතු අමාත්‍ය විජේදාස රාජපක්ෂ මහතා පවසයි.
ආසියානු කලාපයේ දශක දෙකකට පෙර හොඳම අධ්‍යාපන ක‍්‍රමයට හිමිකම් කි ශ්රී ලංකාවේ නිදහස් අධ්‍යාපන ක්රමය අද වන විට දහතුන්වන ආණ්ඩුක‍්‍රම ව්‍යවස්ථා සංශෝධනය හරහා විකෘති වී ඇති බව ද අමාත්‍යවරයා කියා සිටියේය.
රුපියල් එක්කෝටි හතලිස් ලක්ෂයක මුදල් ප‍්‍රතිපාදන මත නාඋල - අරංගල සංස්කෘතික මධ්‍යස්ථානයේ ඉදිකරන ලද උත්සවශාලා ගොඩනැගිල්ල විවෘත කිරීමේ අවස්ථාවට අද (22) එක් වෙමින් හෙතෙම මෙම අදහස් පළ කළේය.
අතීතයේ විදෙස් රටවල් රැසක දරුවන් ශ්රී ලංකාවේ අධ්‍යාපන ක්රමය හැදැරීමට මෙරටට පැමිණි බවත් අදවන විට අපේ රටේ දරුවන් විදේශ විනිමය විශාල ලෙස වශයෙන් වැය කර විදෙස් අධ්‍යාපනය ලැබීමට පෙළඹි ඇති බවත් අමාත්‍යවරයා කියා සිටියේය.
දරුවන්ට අධ්‍යාපනය ලබාදීමේ දී සමාජය තුළ ගොඩනැගී ඇති සටන හේතුවෙන් වත්මන් අධ්‍යාපන ක්රමය අංගවිකල තත්ත්වයට පත්වී ඇති බවත් ජාතික පාසලකට ඇතුළත්වීමට නොහැකි වූ ළමුන් මානසිකව බිඳවැටීමට ලක්වන බවත් හෙතෙම කියා සිටියේය.
ඒ මහතා වැඩිදුරටත් මෙසේ ද කීය.
”ඇතැම් දරුවන් අද අධ්‍යාපනයේ සම අවස්ථා නැහැ කියලා කලබල වෙනවා. ජාතික පාසලක අධ්‍යාපනය නොමැතිව ඉහළට ඉගෙන ගන්න බෑ කියලා රටේ මතයක් හදලා තියෙනවා. ඒක කරලා තියෙන්නේ වැඩි වශයෙන් දෙමව්පියෝ.
එතකොට අපි ළමයි පාසලට යවන්නේ මානසිකව බිදවට්ටලා , මානසික රෝගීන් බවට පත්කරලා.
දරුවන්ගේ දහම්පාසල් අධ්‍යාපනය මෙන්ම සංස්කෘතික කටයුතු පවා නතර කරනවා අධ්‍යාපනය වෙනුවෙන්. කලාව සෞන්දර්ය වගේ කටයුතු වලිනුත් ඈත් කරනවා.
පැය 05 ක් පාසලේ ඉන්න දරුවා හොඳටම හෙම්බත් වුනාට පස්සේ ඇදගෙන ගිහින් දානවා ටියුෂන් ක්ලාස් එකකට.
ලෝකේ පිළිගත් ක‍්‍රමවේදය තමයි යමක් අවබෝධ කරගන්න දරුවෙකුගේ මොළයේ සක‍්‍රිය මට්ටම පැය පහයි කියන එක.
ඒ නිසා තමයි පාසලේ කටයුතු පැය 05 න් නතර කරන්නේ.
මේ රේස් එක දුවන්නේ කුමක් සඳහාද මේකෙන් දිනන්නේ බුද්ධිය වර්ධනය නොවු දැනුමෙන් වර්ධනය වෙච්ච පිරිසක් පමණයි.”
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්‍රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්‍රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්‍රදේශයේ කෝටිපති ව්‍යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්‍යාලයේ දකුණු ආසියානු අධ්‍යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ශ්රී ලංකා නිදහස් පක්ෂයේ නව වැඩ බලන මහලේකම්වරයා ලෙසහිටපු ජාතික සංවිධායක පාර්ලිමේන්තු මන්ත්‍රී දුමින්ද දිසානායක මහතා පත්කර ඇත.
2024 අප්‍රේල් මස 09
324
0
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness
2024 මාර්තු මස 14
1709
0
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
2024 පෙබරවාරි මස 19
1550
3
ශ්රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘ලංකාවේ ඇත්තේ බොහෝ රටවල් ප්රතික්ෂේප කළ අධ්‍යාපන ක්රමයක්‘‘
Perakum Monday, 22 October 2018 01:50 PM
අද රටේ සිටින බොහෝ අධ්‍යාපනඥයින්ගේ අදහසද මෙයමයි. ඒත් බලධාරීන් කිසිවෙක් ඊට සුදුසු ප්‍රතිකර්ම නොකරන්නේ මන්ද...? අවසානයේ රටේ අනාගත පරපුර අපේක්ෂා භංග වූ මානසික රෝගීන් වීම වැළැක්විය නොහැක.
Amila Monday, 22 October 2018 02:13 PM
වෙනස් වන ලෝකයේ වෙනස් නොවීම තමා අධ්‍යාපනයේ සහ රටේ විනාශයට මුල. දැන් නිකන් අධ්‍යාපනය දුන්නට වැඩක් තියේද? රැල්ලක් වගේ උපකාර පන්තිවලට සල්ලි විසිකරද්දි... හැබැයි ඉතින් රතු පක්ෂ නම් කියන්නේ නිදහස් අධ්‍යාපනයේ රැක ගන්න ඕනේ කියලා. මේ මුදල් නාස්තිය ගැන කතා නැහැ. අද ඉස්කොලේ ඉවරවෙලා රෑ වෙනකන් පන්ති වල... ඒට පස්සේ ඉතින් ලෙඩරෝග සහ දෙමාපියෝ සල්ලි ප්‍රශ්න කියකිය අඬනවා. පුද්ගලික යුනිවර්සිටි වලට විරුද්ධයි. ඒත් උපාධි පිටරට යුනිවර්සිටි එකකින් දුන්නට කමක් නැහැ... කියන මතයත් එහෙමයි. මේවා වෙනස් වෙන්න ඕනේ... අපේ රටේම පුද්ගලික යුනිවර්සිටි දාන්න දෙන්න ඕනේ.. එතකොට රටින් පිට යන විශාල සල්ලි ටිකක් ඉතුරු කරගන්න පුලවන් (අමතක කරන්න එපා රට ගිහින් ඉගෙන ගනිද්දිත් එදිනෙදා වියදමට තව මෙහෙන් සල්ලිත් පිටවෙනවා කියලා)
PerakumTuesday, 23 October 2018 02:30 AM
අනේ Amila, අපි කොච්චර කිව්වත් කවුද අහන්නේ...? අපි නිකන් සවුත්තු වෙනවා විතරයි.
OMG Monday, 22 October 2018 03:11 PM
ඇයි ලංකාවම ප්රතික්ෂේප කරපු දේශපාලකයෝ පාර්ලිමේන්තුවේ ඉන්නේ... ප්රතික්ෂේප කරන්නවත් අධ්‍යාපන සුදුසුකමක් නැහැ.
සතයපාල Monday, 22 October 2018 04:06 PM
චන්ද්‍රිකාගේ ආණ්ඩුව...
Sriyal Monday, 22 October 2018 04:14 PM
අධ්‍යාපනය විතරක් නෙවෙයි බොහෝ දේවල් ලෝකයත් සමග වෙනස් නොවීම නිසා අපි බොහෝ දේවල් වලින් පසුගාමී වෙලා
OMG Monday, 22 October 2018 06:18 PM
ප්රතික්ෂේප කල මන්ත්‍රීවරු ඇමතිවරු පාර්ලිමේන්තුවේ ඉන්නකොට මේක මොකක්ද? ප්රතික්ෂේප කල අධ්‍යාපන ක‍්‍රමයේ දැනුම වත් මේ අයට තියෙනවද?
prasad Monday, 22 October 2018 08:36 PM
වෙනත් රටවලට වඩා විශාල පරිමාවක් විෂය කරුණු පාසලෙන් උගන්වනවා. ඒ මදිවට හවසට පන්ති යනවා. මේවා ඔක්කොම ඔලුවට දාගන්න ලමයින්ට වෙලාවක් නැහැ. විවේකයක්, සෙල්ලම් කාලයක් නැහැ. මොකටද මෙච්චර නහින්නේ- අනවශ්‍ය තරඟයක් ඇතිවෙලා නිසා. පාසලේ පාඩම් ඉගෙන ගත්තම මදිද 9 පන්තිය වත් වෙනතුරු? සා පෙළ / උසස් පෙළ ටියුෂන් පන්ති ගියත් කමක් නැහැ.
dhamneth Tuesday, 23 October 2018 01:27 AM
අද අපේ අධ්‍යාපනයේ දිවි පැවැත්ම සඳහා අධ්‍යාපනය දැනුම ලබා ගැනීම සඳහා අධ්‍යාපනය යන කිසිවක් නැහැ. උසස් අධ්‍යාපනය ලබන සිසුන්ගෙන් බහුතරයකින් පෙනීයන්නේ පලදායක දෙයක් කරනවට වඩා උද්ඝෝෂණවලට නැඹුරුවක්.
දිලුම් Tuesday, 23 October 2018 03:31 AM
අපේ අධ්‍යාපනය කෑවේ අට පාස් දේශපාලකයො ප්‍රතිපත්ති කිය කියා අධ්‍යාපනය එක්ක සෙල්ලම් කරපු නිසා. එක්කෙනෙක් ඇවිත් විෂයන් වැඩි කරනවා අනිත් කෙනා ඇවිත් විෂයන් අඩුකරනවා.
Perera Tuesday, 23 October 2018 03:45 AM
ඔව් ඉතින් රටේ ජනතාව ප්රතික්ෂේප කරපු මැති ඇමති ගොල්ලොත් පාර්ලිමේන්තුවට කොහොම හරි රිංගගෙන ඉන්න රටේ, ලෝකෙම ප්රතික්ෂේප කරපු අධ්‍යාපන ක්රමයක් තියෙන එක පුදුම වෙන්ඩ දෙයක් නොවේ බලන් යනකොට.
PerakumTuesday, 23 October 2018 05:38 AM
හරියට හරි. වැරැද්ද අපේ අතේ. අනිත් සැරෙත් මේ වගේම කට්ටියකට කතිරෙ ගහමු...!
sirimanana Tuesday, 23 October 2018 05:31 AM
මෙයත් කටින් බතල හිටවන කෙනෙක්.
දිලුම් Tuesday, 23 October 2018 06:18 AM
ලෝකේ හොදම අධ්‍යාපන ක්රමය ෆින්ලන්තෙ නෙවැනි තැන අපිට ළඟම සිංගප්පූරුවෙ අධ්‍යාපන ක්රමය. ඇයි අපේ අයට සහ අධ්‍යාපනේ බලධාරින්ට බැරි ඒවයේ අධ්‍යාපන ක්‍රමවේදයන් අධ්‍යයනය කරලා මේ රටේ අධ්‍යාපනය යහමගට ගන්න. නැති බනේම කියව කියවා හිටියට මේක කවදාවත් හරියන්නේ නෑ.
kap Tuesday, 23 October 2018 08:24 AM
අවුරුදු 10-15 වැඩිය පාර්ලිමේන්තුවේ ඉඳලා, ඒ ඇමැතිකමත් කරලා, දැන්ද හලෝ තේරෙන්නේ ගැලපෙන්නේ නෑ කියලා? විරුද්ධ පක්ෂයේ ඉන්නකොටවත් කියන්න තිබ්බේ නැද්ද මේ ගැන..?