(මනෝප්රිය ගුණසේකර)
පිරිසිදු ජලය ඉල්ලා උද්ඝොෂණය කළ රතුපස්වල ප්රදේශවාසීන්ට වෙඩි තබා තිදෙනෙකු ඝාතනය කර තවත් 45 දෙනෙකුට තුවාල සිදුකිරීමේ සිද්ධියට අදාළව යුද හමුදා බි්රගේඩියර්වරයකුට සහ හමුදා සෙබළුන් තිදෙනෙකුට එරෙහිව නීතීපතිවරයා විසින් ගම්පහ මහාධිකරණය හමුවේ අද (11) නඩු පැවරිණි.
මෙම නඩුව විභාග කිරීම සඳහා විශේෂ ත්රිපුද්ගල මහාධිකරණ විනිසුරු මඩුල්ලක් පත් කරන ලෙස නීතීපතිවරයා, අග්ර විනිශ්චකාරවරයාගෙන් කළ ඉල්ලීමක් පිළිගනිමින් ඒ සඳහා විශේෂ ත්රිපුද්ගල මහාධිකරණ විනිසුරු මඩුල්ලක් පත් කිරීමෙන් පසුව නීතීපතිවරයා විසින් මෙලෙස මහාධිකරණයේ නඩු පවරන ලදී.
වසර හයක කාලයකට පෙර රතුපස්වල ප්රදේශයේදී සාමාන්ය වැසියන්ට වෙඩි තබා ඝාතනය කර තවත් පිරිසකට තුවාල සිදුකරන ලදැයි කියන සිද්ධිය සම්බන්ධයෙන් කඩිනමින් යුක්තිය ඉෂ්ඨ කිරීම සඳහා ත්රිපුද්ගල මහාධිකරණ විනිසුරු මඩුල්ලක් හමුවේ මෙම නඩුව විභාග කිරීමට අවසර දෙන්නැයි නීතීපති, ජනාධිපති නීතීඥ දප්පුල ද ලිවේරා මහතා කළ ඉල්ලීම පිළිගනිමින් මෙම නඩුව විභාග කිරීම සඳහා මහාධිකරණ විනිසුරුවරුන් වන මේනකා විජේසුන්දර (සභාපති) නිමල් රණවීර සහ නිශාන්ත හපුආරච්චි මහත්ම මහත්මීන්ගෙන් සැදුම්ලත් විශේෂ ත්රිපුද්ගල මහාධිකරණ විනිසුරු මඩුල්ලක් අගවිනිසුරු ජයන්ත ජයසුරිය මහතා විසින් පත් කරන ලදී.
2013 අගොස්තු මස 01 වැනිදා හෝ ඊට ආසන්න දිනයක වැලිවේරිය රතුපස්වලදී පැමිණිල්ල නොදත් පිරිසක් සමඟ එක්ව උද්ඝෝෂණයකින් පසුව විසිර යමින් සිටි පිරිසකට පහරදී වෙඩි තැබීම අරමුණු කරගත් නිතී විරෝධී රැස්වීමක සාමාජිකයින් ලෙස කටයුතු කරමින් අකිල දිනේෂ්, ශම්ලි රම්සාන් පෙරේරා සහ නිලන්ත පුෂ්පකුමාර නමැත්තන්ට වෙඩි තබා ඝාතනය කළ බවට විත්තිකරුවන්ට එරෙහිව චෝදනා නඟා ඇත.
යුද හමුදා බි්රගේඩියර්වරයකු වන අනුර දේශප්රිය ගුණවර්ධන, හමුදා සෙබළුන් වන ඩිංගිරි අරුණගේ සිරිසේන, ජයසුන්දර මුදියන්සේලාගේ තිලකරත්න සහ ලලිත් ග්රේ නමැත්තන්ට එරෙහිව අපරාධ නඩු විධාන සංග්රහ පනත යටතේ අධි චෝදනා 94 ක් යටතේ නීතීපතිවරයා විසින් නඩු පවරා ඇත.
පාකිස්තාන 19 හැවිරිදි යුවතියකට ඉන්දීය ජාතිකයකුගේ හදවතක් සාර්ථකව බද්ධ කිරීමට චෙන්නායි වෛද්යවරුන් පිරිසක් සමත්වී තිබේ.
රජය මගින් නොමිලේ ලබා දුන් හාල් ලබා ගත් හාලිඇල ප්රදේශයේ පුද්ගලයකු ට නරක්වු ආහාරයට ගැනීමට නුසුදුසු තත්ත්වයේ ඇති හාල් බෑගයක් ලැබුණු බව පවසමින් හාලිඇල ස
ජාත්යන්තර මූල්ය අරමුදල සමග විස්තීරණ ණය පහසුකම ලබා ගැනීම සඳහා එළැඹ ඇති ගිවිසුම අනුව 2014 වර්ෂය වන විට වත්කම් අය කර ගැනීම සම්බන්ධයෙන් පරිපූර්ණ නීතියක් හ
ජංගම ගිණුම් සහ ඉතිරි කිරීමේ ගිණුම් හරහා ඔන්ලයින් ගනුදෙනු කරන අයගේ ගිණුම් වලින් මුදල් අදින ජාවාරමක් දැනට සතියක පමණ සිට ක්රියාත්මක වෙමින් තිබෙන බව පො
මත්තල රාජපක්ෂ ජාත්යන්තර ගුවන්තොටුපළෙහි කළමනාකාරීත්වය රුසියා සහ ඉන්දියා සමාගම් දෙකකට බාරදීම සඳහා කැබිනට් අනුමැතිය ලබා දී ඇත.
බලශක්ති අංශය සඳහා නව නියාමන ආයතනයක් හඳුන්වා දීමට කැබිනට් අනුමැතිය ලැබී ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රතුපස්වල සිද්ධියට හමුදා ලොක්කෙකු ඇතුළු සිව්දෙනෙකුට නඩු
athula Wednesday, 11 September 2019 01:07 PM
එතකොට කෝ මේ අපරාධයට හමුදාව එවපු කෙනා? එයාට නීතියක් නැතිද? මේක පුදුම රටක්නේ යකෝ..
ciscoThursday, 12 September 2019 03:15 AM
අතුල මහතාණෙනි. කොහොමත් මේවට වග කියන්න වෙන්නේ පහළ නිලයන්ට පමණයි. මතක් කර ගන්න සූරියකන්ද, ඇඹිලිපිටියේ ශිෂ්ය ඝාතන වගේ දේවල්. ඒ හැම සිද්ධියකදීම අන්තිමට හිටිය පුරුක් තමයි දඬුවම් වින්දේ...?
raviThursday, 12 September 2019 07:21 AM
ඔය හදන්නේ මේ මනුස්සයාව එල්ලුම් ගස් යවන්න නේද...?
ලාල් Wednesday, 11 September 2019 04:58 PM
ඔවුන්ගේ රාජකාරි නියෝග ඉටු කිරීම හැර වෙනත් විකල්පයක් ඔවුන්ට නැත. ඔවුන් මුහුණ දුන් සැබෑ තත්වය අපි නොදනිමු. උද්ඝෝෂණය රැලිය පාලනය කිරීමේදී අවම බලය භාවිතා නොකර ගොනාට ඇඳගත්තා නම් ඔවුන් මෝඩයන්. කෙසේ වුවද දේශපාලකයන්ට, සූදුකාරයන්ට කඩේ ගිහිල්ලා සමහරු හිරේ යන්වා. දේසපාලුවෝ, සූදුකාරයෝ බේරෙනවා.
Chanak los angeles Wednesday, 11 September 2019 08:45 PM
මේ නඩුගොන්නේම කතානායකයා පච ගොන්නක් කියමින් රටේ බලය පැහැරගන්න මාන බලනවා. මේ කතානායකයා මේ සියලුම අපරාධ සිද්ධිවලට ඝෘජුවම අණ දීලා කියන සාක්ෂි එමට තිබියදීත් අත්අඩංගුවට නොගැනීම මහත් ප්රහේලිකාවක්...
Mahinda Thursday, 12 September 2019 06:04 AM
උසාවියේදී සියල්ල හෙළිවිය යුතුයි.