ශ්‍රී ලංකා ප‍්‍රධානතම ක‍්‍රිකට් තරගාවලියේ (එස්.එල්.පී.එල්.) හත්වැනි තරගය ලෙස මහනුවර පල්ලෙකැලේ ක‍්‍රීඩාංගණයේදී අද (17) පැවැති පළමු තරගයේදී මහේල ජයවර්ධනගේ වයඹ යුනයිටඞ් පිල ලකුණු 20කින් තිළිණ කණ්ඩම්බිගේ ඌව නෙක්ස්ට් පිල පරාජය කිරීමට සමත් විය.

වයඹ පන්දු යවන්නෝ ලකුණු 148 ක ජයග‍්‍රාහි ඉලක්කය හඹාගිය ඌව ඉනිම  ඕවර 18.1 කදී ලකුණු 127 කට සීමා කිරීමට සමත් වූහ. වයඹ පිලේ වේග පන්දු යවන ක‍්‍රීඩක චතුරංග කුමාර විශිෂ්ට පන්දු යැවීමක නිතර වෙමින් ලකුණු 33 කට කඩුලූ තුනක් දවා ගත්තේය.

මිලින්ද සිරිවර්ධන (28) සහ කෞෂල්‍ය වීරරත්න (24) හත්වැනි කඩුල්ල සඳහා පන්දු 24 කදී ලකුණු 41 ක සම්බන්ධතාවක් පවත්වමින් පළමුව පන්දුවට පහර දුන් වයඹ පිල ලකුණු 147 ක් දක්වා රැුගෙන ඒමට සමත් වූහ.

වයඹ යුනයිටඞ් පිල  ඕවර 20 කදී කඩුලූ 9 ට 147 (කම්රාන් අක්මාල් 36, උමාර් අක්මාල් 13, දිනේෂ් චන්දිමාල් 17, මිලින්ද සිරිවර්ධන 28, කෞෂල්‍ය වීරරත්න 24, ජේකබ්  ඕරම් 6/3, උමාර් ගුල් 48/2, දිල්හාර ප‍්‍රනාන්දු 43/2)

ඌව නෙක්ස්ට් පිල  ඕවර 18.1 කදී සියලූ දෙනා දැවී 127 (ශිවනරින් චන්ද්‍රපෝල් 11, ඩිල්ෂාන් මුණවීර 26, තිළිණ කණ්ඩම්බි 12, ජේකබ්  ඕරම් 26, සීකුගේ ප‍්‍රසන්න 19, චතුරංග කුමාර 33/3, ඉසුරු උදාන 19/2, අකිල ධනංජය 20/2)